انتى كيمياء حيوي ؟؟؟ اتفضــــــــلى ..

[Nada90]

السلام عليكم ورحمة الله ..
كيفكم يابنات ..
انا كتبت هذا الموضوع عشااااااان كل واحدة تقول المواد اللي اخدتها وايش احسن دكتورات لكل مادة اخدتها

عشان لما نيجي نحط الجدول بعد اسبوع ان شاء الله نعرف مين الدكتورات الكويسين ..
ابدأ بنفسي ..
د. اعتماد الحويت _ كيمياء حيوي .. مرة كويسة وتضمنى معاها درجات عالية .. بس تشرح بالانجليزي ماترجم إلا قليل او إذا سألتى .. بس مرة فاهمة وشاطرة .. وامتحاناتها بالمرة حلوة

د. أميمة نيازى . امن وسلامة .. اووووووووووووووعى اشوف حد منكم ياخد معاها
لا شرح ولا تعامل ولا اي شيء ابدا ..

د. سهيلة قارى .. احياء 202 .. كلمة رااااااااااااااااااائعة قليلة في حقها
جدا جدا جدا رائعة في كل شيء . تعامل راقى وشرح لا يعلى عليه .. وامتحاناتها على مستوي اللي مذاكر كويس ..

د. إيمان زكريا .. كيمياء 202 .. مرة كويسة وشرحها حلو وتفهمى منها المنهج مزبووووط
وتراجع قبل كل اختبار ..

د. نبيلة كيمياء 202 برضو .. ماسمعت عنها كلام طيب .. بس مادرستنى ..

ياللا ابغى اشوف ردودكم .. خصوصا اللي اخذوا ::
1- بيولوجيا الخلية bio 222
2 _ كيمياء عضوية chem230 لغير طلاب الكيمياء
3_ ايض bioc211
4_ انزيم bioc231

وكمان عندى سؤال .. سمعت انوو ايض وانزيم صعبة .. صح ؟؟
يعني يصير اخدهم مع بعض واللا هتعب كده ؟؟؟

[Dr-Bro0r]

موضوعك ياعسل جا فوقته .... :) الله يعيننا ع الجداول
بالنسبة للأحياء 222 يعتمد ع الحفظ .. أنا اخذته مع د.سناء ترك مرررة كويسة وطيوووبة وترفع واظنها هيه الي تحط الاسئلة
كيميا عضوي 230 نصيحة لاتاخذيها الا مع د.نسرين أفضل وحدة وشرحها حلو انا اخذتها الترم الي راح المادة سهلة مهي صعبة وكثيير بنات قبل ما أخذها خوفوني منها وطلع كلام فاضي بس اهم شي تذاكريها اول بأول

ايض 1 أخذتها مع د. نجلاء الشريف .. كويسة تخليكي الترم كله تكرفي زي الناس وبعدين تعطيك درجات واسئلتها يبغالها وحدة تكون مرة متمكنة من الماده ,,,,

انزيم اخذتها مع د. سوسن محاسني المادة سهلة ... بس دحين جابو دكتورة جديدة من برا واظنها مطفشة البنات >>>ع ماسمعت

جدولكــ حلو ياعسلــ خليكي ماشيه عالخطة ... واذا حاسه انه حيكون صعب عليك فحذفي الكيميا ونزلي مواد اختيارية وحرة
وبالتوفيق .... :)

[بيو كيميائية ^_^]

أنا أبي

آخذ أيض

وبيولجيا الخلية

وإنزيامات

وثقافة

وعربي

ومادة حرة أو إختيارية

ماراح أخذ كيمياء عضوية سمعت أنها صعبة

أبي معدلي يصير فوق الآربعة ونص

فأبي مادة حرة سهلة جداًً وأظمن الـa+

ومشكورة على الموضوع الحلو

سبقتيني كنت توني جاية بنزل موضوع


على فكرة الأمن والسلامة راح تدرس وحدة ثانية مع أميمة فاللي يبي ياخذها عندها

وأستذاتك نفس أستاذاتي

ماعدا الكيمياء حيوي

دكتورة أمينة مدحت مرة شيء أخلاق وطيبة وأسئلتها سهلة وإختياري وشرح حلو بس سريعة جداًً وخطها مو فهموم

ودكتورة سهيلة مرة قمة في الأخلاق أنصح الكل ياخذ أحياء 202 معها

مرة حبيتها هذي الإنسانة

[R-Kh]

1- بيولوجيا الخلية bio 222 2 _ كيمياء عضوية chem230 لغير طلاب الكيمياء 3_ ايض bioc211 4_ انزيم bioc231

خلية ، ما انصحك بـ د.لنجاوي خدي مع اي احد غيرها
عضوي ، ما اجلتها الى اجل غير مسمى
ايض ، اخدتو مع نجوى الصاوي ، صح تشرح من سلايدات بس تجيب في الاختبار اسئلة من برا السلايدات
انزايمز ، اخدتو مع د.وديعة بكر ، وطبعا غنية عن التعريف ، لو قدرتي تشردي منها اشردي
//

1- وكمان عندى سؤال .. سمعت انوو ايض وانزيم صعبة .. صح ؟؟ يعني يصير اخدهم مع بعض واللا هتعب كده ؟؟؟

لا مهي صعبة مع بعض
انا اخدتهم مع بعض ومشي الحال
الانزايمز يحتاج مجهود حبتين لو مع د. وديعه ، لانك تفصفصي الكتاب عشان تعرفي تحلي
لكن الايض من السلايدات وبس ، وكان د.صاوي تحدد السايكل الله يسعدها
..
:)

[كاجومي]

[quote=R-Kh;1666047]>
ايض ، اخدتو مع نجوى الصاوي ، صح تشرح من سلايدات بس تجيب في الاختبار اسئلة من برا السلايدات
انااخذ مع نجوى كيف تشرح؟؟من السلايدات وتجيب الاسئله من برىانزايمز ، اخدتو مع د.وديعة بكر ، وطبعا غنية عن التعريف ، لو قدرتي تشردي منها اشردي
//


صح الكلام اللي انقال عن وديعه ؟؟؟انها ترسب البنات

[lola:)]

بنات بالله ساعدوني انا بنزل 5 مواد ابغى موااد سهلة بالعلوم تخصص كيمياء حيوي ولا مواد حرة ترفع المعدل

[بيو كيميائية ^_^]

أخذ عربي وثقافة

ومادة حرة

وإذا تقدر مادتين حرة

وأخذ مادة تخصص

وبكذا يرتفع معدلك بإذن الله

[الفنانة]

كيميا حيوي : د.أمينة الله يحفظها مرررة رهيبة :) .. بس أهم شي افهمي .!
كيمياء 202 : د.نبيلة .. تشرح مسكينة .. والبنات اللي يركزوا معاها يجلس كدا .. حيمشي:)
أحياء 202 : د. أحلام ممتازة ربنا يوفقها .. تشرح من السلايدات بس غالبا المذاكرة من الكتاب .. ((بس زي ماشفتوا الشباتر الاخيرة كانت من الـpdf )) :)
عربي 101: حسناء الهاجري مرررررة ممتازة :)
كيمياء 281 : أ. نحا مرررررة رهيبة ماشاء الله .. وأ. زهراء برضو كويســة :)
أحياء 281 : أ.هند و أ. أماني وأ. أسماء كلهم مع بعض ماشا الله ههههه .. بس الاثنين الاختيرتين كويسين نسيت احد ثالث ؟؟

بس هذي موادي :)

[DNA..~]

خلية مع دكتورة سناء جدًا كويسة..

لكن العيب في المنهج مره يغث..!!

الايض اخذته مع دكتورة نجلاء جدًا كويسه لكن المشكله فيها انها تعشق السايكلااات..
بس بصراحة في ايض 2 ما تعبنا زي غيرنا<<ما اقصد احد لوولز..

الانزيم كان مع د.سوسن محاااسني مرره كويسه لكن اعتقد انها مو ماسكه المادة دحين..

الايض و الانزيم لازم تاخديهم الترم الجاي لأن هما حيفتحوا لك مواد التخصص الباااقيه

[اهات جامعية]

موضوع رائع
نبدا مادة كيميا حيوي مع امينة رائعة
ايض 1 المادة حلوه بس دسمة يعني طويلة ويبغالها مذاكرة اول بأول واحس وحدة عندك نجلاء الشريف هي احسن وحدة مع انها دقيقة بأسئلتها بالذات بالنهائي
خلية احسن وحدة سناء ترك لانها افضل وحده فيهم(كانت ايام ماخذنها اللي ماسك فريال_صالحة_سناء)وان انها تعطيك معلومات زيادة بالذات الجزء الوراثة (بس في صالحك هذا الشي) وهي ماتعتمد على الكتاب لكن عندها سلايدات.

مايكرو برضو اخذتها مع سنا والمادة حلوه افضل من خلية وكان اللي ماسك(نجاح_زكية _سناء)وكلهم كويسين
امكن نجاح وزكيةافضل في طريقة الاسئلة من سناء لان سناء شوي دقيقة واعتقد نجاح افضل من زكية(مش مره متأكدة)
ايض2 خذيها مع كريمة لانها رائعة مع بنات هالمادة ولو طلبت بحث سويلها معاها بوربوينت لانها تحبو وترفعك
تغذية مع عليها كلام مافي غيريها مديحة والمادة مرررة تجنن بس مذاكرة اول بأول وطريقة اسئلتها كتابة وفراغات الكتابة تعداد لوقالت لك عددي حطي لها كل فقرات اللي حافظة كله لونقصتي عن اللي تقولو بالشرح او من الكتاب راح تنقصي بمأنها ماحددت كم تبغى فقرة (انصحك لوجه الله تبغين درجة حلو اكتبي معاها هي تشرح بالعربي اكتبي كل اللي تقولو وبالأختبار ركزي على اللي كتبتي بالرااااااااااااااحة تحلي وعرفيها بنفسك وحاولي تكسيبها بأي طريقة لأأن د.مديحة اغلب مشاكل البنات الحيوي او بالاصح تعتبر مشرفة لبنات الحيوي.(من عندي هالجملة)
انزايم خذيها مع سوسن خوجة افضل من وديعة .صحيح مافي شرح الاكم كلمة لكن اسئلتها اختياري وصح وخطاء واغلبها صح الاجابات.
(مدري ان صارت تحط فراغات زي هرمون) انسانه قلبها طيب.
تحليلي اخذتهاهذاالترم مع اماني واعتقد معد بتعطي هالمادة كأني فهمت منها لكن حبيت القسم منها (الكل راح يقوم عليا لكن هذا الحق هي تحب بنات تحليلي لكن اسئلتها كل شي ماعدا الاختياري محذوف عندها.)
بس تعطيها احيانا جيهان واحيانا هالة باسنبل كلهم كويسين .

غير عضوي د.اماني المادة يبغالها اهتمام عشان تجيبي درجات فيها برضو د.اماني لاتخسريها لان اللي يعرفها على حقيقتها يحبها
كيميا201 خذي مع ثناء وبس لوطلعتي مع لطيفة احذفي المادة على طول وكما تعطيها د.امل برضو كويسة

كيميا202 اخذتها كانت مع فاطمة محجوب مرررررررررررررررررررررررره رائعة الدكتورة والمادة مرررره حلوه حتى الدوريات (بس لازم مذاكرة اول بأول)
بس النهائي سيء جدا واهتمي بيه كتيييييييير
برضو جمالات رائعة .

كيميا230عضوي اخذتها مع د.نسرين ماحبيت المادة تعبت من المادة والدكتورة تكتب وتشرح وتمسح لكن شرحها رائع .برضو دحين في غيرها يعطو يمدحونهم اسئلي عليهم.
فيزيائية مع جيهان رائعة الدكتورة (المادة شوي متعبة واكره معملها وتعطية سلمى واميمة ولينا روحي عند سلمى اذا مافي روحي عند لينا لكن اميمة متعبه(ماقد جربتها لكن صحباتي كانو معاها)).
هرمون مع سوسن خوجة خذي المادة مره حلوه وان كانت حفظ شوي كتير لكن د. اسئلتها صح وخطا وفراغات واختياري.
مصطلحات مع د.هاله غانم خذي المادة حلوة والدكتورة احلى واسئلتها احلى بس كلها كتابة وفراغات وتجيب رسم باخر دوري اول اللي قبل الاخير والنهائي في رسم.
مناعة تعطيها سوسن محاسني يمدحو المادة ويقولون مهمه والدكتورة مع عليها كلام.
منتجات شليها من راسك.
تطبيقية دسمممممممممممة المادة بس كتير يمدحوها يقولون برضو مهمة بالذات اللي يبغون يكملون ماستر
جزيئية اخذتها مع سهيرررررررررره رائعة هاي الدكتورة حاولي بكل ماتملكين من قوة ترحوين عندها لوهي ماسكة المادة واعتقد امكن هاي السنتين او هذه السنه اخر شي لها هذا الترم بالعافية مشت معانا الله يرفع عنها تعبانة ولو عرفتي اسئلتها احسن شي لانها تجيبها تقريبا نفسها وانت بتفهمي هي شو بتركزبالاختبار
واهم صفة فيها ماتحب تدخل بالعميق في الاختبارات.يعني ذاكري اللي سهل والصعب ماتجيب منه كتير.
المواد الحرة اخذت جغرافيا الطبيعة المملكة العربية السعودية اعتقد رمزها332 مرررررررررره سهلة وتمليكي الدرس بعد ماتشرح والاسئلة من الدرس (طبعا كتابة كل شي) تعطيها أ.ليلى (على مااعتقد)
واخذت فلك 201 مع مجدي هذا انسان رائع اسئلتو حلللللوه بالذات لوكان عندك نماذج السنوات اللي فاتت صحيح يشرح كتير لكن بالاختبار مايخرج عن الملزمة.(بس المادة يبغالها شوية شد بس تستاهل لانها4ساعات وترفع المعدل)
من ناحية الخطة نصحة لوجه الله اللي بتدرس وتبغى معدل زي الاوادم يعني معدل محترم انصح بانكم تلبعون بالخطة لانو مره صعب كل ترم 17 ساعة
يعني تخيلو دوبك متخصصة ودش 17ساعة صدقوني ماراح تلحقون لان كل مادةشي جديد عليكي بالذات مواد التخصص يبغالها شد وكرف بعد لكن لوماتقدري تزودي ترم عن تخرجك فانا اقولك سوي مثلي مارح تندمو بأذن الله بعد اول ترم تخصص وبعد مانخسف المعدل صرت بكل ترم احذف مادة من المواد التخصص او الصعبة واحط بدلها ياعربي او المواد الحرة الان انا المفروض اتخرج الترم الجاي ومش متأخرة على تخرج ولونزلت 16 ساعة تخصص مافي مشكلة لأني قديني عارفة التخصص وفاهمة والحمدلله يعني مش صعبة بس لاحتياط بزود ترم .
اتمنى اكون افد اخواتي بالقسم
واتمنى دعواتكم لي انو ربي يحفظ لي زوجي واتوفق بدراستي ويحقق الله كل امانيه (امين يارب)