ادخلوا لتعرفوا ماذا حدث حين ذهبنا لمراجعة درجات التطوير التنظيمي اليوم؟

[ريانة الـ ع ـود]

بسم الله
مساءكم فرح وسعادة احبتي
طبعا صحيت الصباح ونسيت موعدنا ولما جت الساعه 8 وربع وانا اتذكر انهةفيه اجتماعىبنات بيروحون اليوم لمراجعة درجات المتضررات في تصحيح التطوير التنظيمي..
توكلت على الله ولبست ولأني ساكنه في النسيم قريب من الجامعة
ما جات 9 الا ربع الا وانا في الجامعة،،

دخلت لمبنى الاقتصاد والادارة
ومشيت بين الاسياب ادربي راسي مو عارفه مين بالضبط اللي جايه تراجع درجتها،،
كل ماسألت بنت تقول انا جايه اضيف مواد..
ورحت اسأل عن الدكتورة سلوى اعظم لاني مو عند نسرين خياط.
قالواىهي في اجازة وماراح تجي الا بعد اسبوع .. رحت لمشرفة القسم قالت لي اروح لسكرتيرة الادارة العامة..
دخلت ،، لقيت مجموعة بنات يتناقشون مع السكرتيرة..
سلام ،، وعليكم السلام
سألت انتوا جايين تراجعوا للتطوير التنظيمي قالوا ايه واي مادة ثانية بعد تقدري تراجعيها
بس تعبي نموذج ورقه عندها فيه اسمك ورقمك والمادة والدرجه..
وسمعت السكرتيرة تقول طبعا لو كنتي ناجحه في المادة بمساعدة الاستاذة وراجعت لك ولقيت انك ناجحه بمساعدتها فاعرفي انها راح ترسبك،،
فيه بنات اللي ناجحين باال60 خافوا وتراجعوا واللي راسبين قالوا مو مشكله هي خاربه خاربه،،
المهم اخذت نموذج ورقتين للتطوير وادارة مشروعات عامه،،
وعبيتها وعلى بال ماخلصت ورجعت عند السكرتيرة الا هي لوحدها ماعندها بنات،،
بس كان عندها وحده لابسه عبايه اتاريها الاستاذة نسرين خياط..
وسمعتها تقول للسكرتيرة فيه معاملات او بريد اليوم ،، قالت ايه فيه بنات جو يراجعوا درجات التنظيم قالت ليه ان شاءالله .. وعصبت وقالت اللي جت تراجع تعتبر نفسها راسبه..
فلما جيت اكلم السكرتيرة عن اللي قالته هذا قالت لا انتي لا يعني اللي عند سلوى اعظم غير لأن هالكلام بس عن الاستاذة نسرين خياط،،
وربي رفعتىالسكرتيرة نظرها تأشر لي انها تقصد نسرين اللي واقفه مو سلوى اعظم او اي استاذة اخرى..
فلما طلعت نسرين قلت للسكرتيرة ليش كذا طيب هم يدرسوننا سلاسة التعامل ويسووا حركات تخلينا نتخوف من مواجهتهم،،
مافيها شيء لو جت اي وحده وطلبت مراجعة ورقتها مستحيل تجي الدفعه كلها لازم الاستاذة تحسب حساب هالشيء مو تقفلها بوجيه الطالبات،،
قالت السكرتيرة والله مدري عنهم،،
قدمت نموذجين الطلب لمراجعة التطوير التنظيمي عند سلوى اعظم وادارة مشروعات عامه عن حياة راجخان..
وقالت يانرسل لك عالبريد بعد اسبوع او نتصل عليك عشان ترجعي لنا..
هذا كل اللي صار يابنات
والله على ما اقول شهيد

اعتذر عالاطالة ،، لكن كان لازم اقول كل شيء صار
في امان الله

[فريرو روشيه]

لا حول ولا قوة الا بالله
حسبي الله عليهم ياارب
واذا مااخدنا حقنا اليوم وبالدنيا رح ناخدو بالاخرة يوم الموقف العظيم ان شاء الله .. ومااحللهم لا دنيا ولاخره
وشكراا الله يعطيكي العافيه يارب

[تاكسيه]

اللي جات تراجع تعتبر نفسها راسبه ..! ايش هالاسلوب
الحمدلله اني مو معاها

[fofo 2011]

وانا بعد عند سلوى وعبيت بياناتي وقالوا حيتواصلوا معي عالايميل او الجوال

ربي يسهل للجميع

[ريانة الـ ع ـود]

اي والله
حسبنا الله و نعم الوكيل


الله يعين ويسهل

["سلآفة"]

الله يعين الحمد لله مو عند نسرين
انا راسلت استاذة سلوى وقالت انها مسافرة وراح ترجع 21 بالشهر يعني السبت الجاي وعطتني رقم مكتبها وان شاء الله السبت بروح لها وان شاء الله خير

[Rania]

وانا كمان رحت اليوم
وقدمت طلب مراجعه لتطوير
بس قالت لازم تراجعي الاستاذه الاسبوع الجاي

ورحت لاستاذه حياة
<< الانسانه دي مرره ذوق الله يسعدها =)
كلمتها ع درجة المشروعات قالت لي كل البنات درجاتهم ف السبعين ..
المهم قالت انتو تعالوا الاسبوع الجاي
وصححوا اوراقكم بنفسكم

..

[angel magic]

نسرين خياط اخدت معاها خدمه مدنيه ونظريه تنظيم والمادتين كانو سيئتين جدا جدا جدا واسئلتها سيئه وحرمت اخد عندها مرة تانيه

[Abrar88]

ياريت ترديلنا اش يسير معاكي بعد اعادة التصحيح

[ريانة الـ ع ـود]

المشاركة الأصلية كتبت بواسطة abrar88 ياريت ترديلنا اش يسير معاكي بعد اعادة التصحيح

ابشري :)