الطريقة الجديدة لوضع أسئلة الاختبار ات بجامعة الملك عبد العزيز من العام القادم

[أبو سامي 1]

السلام عليكم
اولا: أحب ابارك لكل من نزلت له بعض المواد وأجتازها بنجاح الف مبروووك ومن قدرى الله علية وتعثر فأقول لا تحزن فهذا قدرك ولعل الله ان يعوضك خيرا منها فأسئل الله ان يجعل باقي المواد فرحا للجميع ونسيانا لماسبق من عثرات .
ثانيا : ياأخوان كنت جالس آخر يوم في الامتحان مع أحد الاصدقاء واجهته بالصدفة وقد سبق و قال لي بأنه سيحذف الترم فقلت له يافلان وشبك تراجعت عن الحذف وانت تقول ماني داخل نهائي فقال والله كلمني احد الاقارب بالجامعة وقال الحق عمرك وارفع معدلك لا تحذف والله اني شفت تعميم جديد وبأم عيني يتضمن تغيير طريقة الاسئلة والاعتماد على الاسئلة المقالية بالدرجة الاولى
فيا أخوان لوكان هذا الكلام صحيح والله الي رحنا فيها (أسأل الله ان يكون غير صحيح )
فطرحت موضوعي لمن لديه علم ويستطيع أن يفيدنا عن هذا الخبر بالنفي او التأكيد

ولكم مني خالص الدعاء بالتوفيق والنجاح

[fh.d]

غير صحيح لسببين من وجهة نظري الشخصية:
أولا: لان من يبحث عن التطور لابد أن يسير للامام وليس للخلف
ثانيا: ان تصحيح اوراق الاختبارات للالاف من الطلاب والطالبات ستاخذ الكثير والكثير من الوقت والجهد
بعكس اجهزة التصحيح التلقائي التي تختصر الوقت والجهد

[الطـموح]

اتوقع والله اعلم انه ماحيصير الكلام ذا لانه مو في صالح الدكاتره
وراح يوقفون صف واحد ضد هالفكرة
وبعدين طلاب الانتساب عددهم هائل والتصحيح لهم الكترونيًا ياخذ اسابيع
فما بالك لو كان التصحيح يدوي من الدكاتره؟
على كذا النتائج ما راح تطلع الا مع الترم الثاني

[مراسل النعيريه]

وعليكم السلام ورحمة الله وبركاته

أول شي وفقك الله يا أبو سامي >> عساك تجيب العلوم الزينه دائماً وعلمك هذا ما نبيه

أنا من هذا المنبر حبيت أبدي وجهة نظري الشخصيه

بعض الجامعات في المملكه تستخدم النظام القديم لحد الآن ومستمره في التحويل الى النظام الجديد اللي هو التضليل لتقليل أعباء التصحيح

وجامعه الملك عبدالعزيز رائدة وأهي تقريباً من الأوائل في تطبيق هذا البرنامج

فــ العالم تتقدم وأهي تتراجع الى الطريقه القديمه > فهذا الرأي يكاد يعتبر من المستحيل تقريباً

أتمنى أنو هذا الخبر ما يجول بخواطرهم صحيح >> لأنهم راح يضحكون علينا اللي يسوى واللي ما يسوى

أتمنى التوفيق للجميـــع >> ولا أحد يخاف .. أنتم على وضعكم السابق وإلى الأمام أنشاء الله

وفقكم الله ..

[الغثيان]

يا كثر قرايبكم بالجامعه
ومصادر
واخرها ارجاف
ومصادركم تطلع مثل قناة العالم
لا اقصدك انت ولكن صديقك وامثاله

[اقلاع اتحادي]

هذا احدث نظام لطريقه الاختبارات , مطبق عالميا ايضا .

ما أظن جامعتنا رآح تغير طريقتها .

[ماجد 2222]

لا أعتقد ذلك كما ذكر الآخوان
مشكور أخوي

[sugar-lips]

والله لنروح فيها لو اعتمدو ع المقالي ،،،

[رسمي]

الموضوع الله يسلمك

إن اللي رآى التعميم بأم عينه

رآى بأم عينه إن قريبه بيسحب على الجامعة

وكان قصده من السالفه هذي

يشجع قريبه يكمل دراسه ويعجبني ذكائه

خلاه يغير رأيه ويختبر وهو شاد حيله ويرفع معدله

والسنة الجايه بيجيب له سالفه أقوى لحد مايتخرج

ترى فيه ناس مايجون إلا بالطرق هذي

تطمن .. الطريقة ماراح تتغير .. إلا للأسهل هذا إذا فيه تتغير أصلاً

وبالتوفيق للجميع ..

[أبو سامي 1]

الله يبيض وجوهكم جميعا وأشكر مروركم
وجهات نظر مقنعه لي وللغير
بس يمكن الرجال زي ماقال خوينا قريبه يبي يشجعة