اخيرا الحل (سواد الركب & مسامات مابعد ازاله الشعر)

[sara a7md]

السلام عليكم ورحمة الله وبركاته


مســاكم الله بالخير ,,


حبيت اقولكم عن تجربتي فشغلتين ,, الاولى سواد الركب


مشكله كنت اعاني منها سنيين بس حاليا والحمدلله تحسنت بدرجه كبيره اكيد مب ميه بالميه بس ممكن نقول انها تفتحت لدرجه 70 بالميه والحمدلله ,,
اول شي اقولكم قمت احافظ ترطيب الجسم بشكل يومي بلوشن الجسم ونركز على ترطيب الركب والاكواع بعد الشور ,, وقبل النوم لاحظت ان المنطقه ترطبت وما صارت ناشفه مثل اول بس السواد ما خف ,, قلت اجرب اسوي سكراب لها .. جربت سكراب الملح مع زيت الزيتون ومرات سكراب خل التفاح مع الملح والله يابنات ان المنطقه بدت تفتح حتى اليوم اوري خواتي عجبتهم خصوصا انها من اشياء متوفره فالبيت ولزمو يسوونها ..




الشغله الثانيه المسامات


الي كانت تتركها مكينه نزع الشعر براون سلك .. اكيد اكثركم تعرفونها .. كانت تقهرني هالمسامات .. مع الحلاوه ما تظهر بس معاها تظهر وتقعد ايام .. كنت امسح بالمناديل الي مبلله بزيت مادري شو هو بس يبيعونه بالسوبر ماركت لهالاشياء .. وماشي فايده .. لحد ما اكتشفت طريقه والحمدلله فادتني وايد..
وهي بعد ما تشيلين الشعر امسحي المنطقه بقطنه مبلله بماي الورد البارد .. وبعدها ادهنيها بزيت زيتون .. انا اشيل شعري بالليل قبل النوم وانام بزيت الزيتون واقوم الصبح اخذ الشور والحمدلله ما يمضي هذاك اليوم الا والمسامات مختفيه ولا كان في شعر من قبل ..

منقووول للفائدة .

[follah]

شو يعني سكراب ؟
..
نصائح رووعة و بالطبيعة .. بعض البنات يستخدمو الكيماويات !
..
يعطيك العآفية

[الـــــــدلوعه نونــا]

نصائح حلوه إكثيييير ...رح اجربها إن شاء الله ..
تسلمين ياحلوه..

[solaaa]

مشكوره سارا حلوه نصايحك وكمان سهله

ان شاء الله اجربها >> كسلاااانه ومع البرد زاد كسلي

الدلوعه نونا مين الي حاطه صورتها ماشاء الله عليها مجننتني احسها عسووووله شبه بنت عمتي

لما كانت صغيره >> ادري لقافه بس عاجبتني هع

[الـــــــدلوعه نونــا]

المشاركة الأصلية كتبت بواسطة solaaa الدلوعه نونا مين الي حاطه صورتها ماشاء الله عليها مجننتني احسها عسووووله شبه بنت عمتي لما كانت صغيره >> ادري لقافه بس عاجبتني هع

هيه صدق لقافه ...
بس بقولك ..هذي الله يسلمك ِ بنت حملتها من النت عجبتني
..ولاني اموووت في البزارين
فأدخل كل يوم احملي كذا صوره ومسويتلي مجلد كامل كووووووله صور بزارييييين ..{ فاضيه }
بس لاتكون بنت عمتكي ...وانا مأدري...

[silky]

شكلها حلوه

أمس وحده من البنات تتسأل عن حل لنفس المشكله

راح كلها وإن شاء الله تستفيد وراح أقلك على النتيجه

[الجوري و الورد]

يعطيكـِ العافية

[solaaa]

اهم شي حسيتي اني ملقوفه هههههههههه

على بالي اختك او قريبتك علشان كدا سألتك

لا مي هيا بس مره شبها ياناسو عليها تجنن

يلا يارب تتزوجي وتجيبي شلة بزوره مافي زيهم في البلد

وتشبعي من صورهم هع

[نجمة سهاري]

يعطيك العاااافية ياعسسولة عالنصايح وان شاء الله الكل يستفيد

فلة سكراب معناها مقشر

واحسن شي لما يكون المقشر طبيعي مافيه ضرر ان شاء الله

تمنياتي للجميع ركب بيضاء كالقشطه ^_*

[آيس كريم بالتوفي]

المشاركة الأصلية كتبت بواسطة نجمة سهاري يعطيك العاااافية ياعسسولة عالنصايح وان شاء الله الكل يستفيد فلة سكراب معناها مقشر واحسن شي لما يكون المقشر طبيعي مافيه ضرر ان شاء الله تمنياتي للجميع ركب بيضاء كالقشطه ^_*

هههههههههههههههههههههههههههههههه

وربي ضحكتينـــــــي << ربـــي يسعــــــــدك