استفساراتكم عن قسم المختبرات الطبية :)

[Sweet Dreamz]

السلام عليكم ورحمة الله وبركاته ’

كيفكم ان شاء الله بخير؟؟
مبرووك خلصتوا التحضيري وان شاء الله درجاتكم تكون عاجبتكم!

هذا الموضوع بإذن الله حيكون لكم مفتوح لأي استفسارات او تعليقات او اسئله تخص كليتنا كلية العلوم الطبية التطبيقية وبالذات قسم تقنية المختبرات الطبية .

طبعاً الموضوع سبقنا فيه الأخ قصة غروب جزاه الله خير بس احنا حابين نجدد المواضيع والاسئله عشان توضح الصوره قدامكم ان شاء الله ^^

http://www.skaau.com/vb/showthread.php?t=421401

يلا لا تخلوا شي في قلبكم واسئلوااا !
وسامحونا على التقصير
بالتوووفيق يا رب!

[Shahad.hj]

السلام عليكم ورحمه الله وبركاته

أولاً نعتذر عن تأخر الموضوع المفروض كان من بدري بس للأسف ضغط الوقت في الدراسه و الاختبارات خلتنا نقصر معاكم
و ثانياً انا ودفعتي 12 و كل الدفع باذن الله جاهزين لاي استفسار عندكم و ان شاء الله تلاقو مننا الجواب اللي تبغو



وبالتوفيق للگل و باذن الله تتخصصوا بالشي اللي تحبوه و تستمتعوا و تبدعوا فيه

شكراً هنو ع الموضوع

[shadooo18]

^^

شككرا ياجميلين , انا انا ايضا مستتعده p;

بانتظار اسئلة دفعة 13 ..

بالتوفيق للجميع 3>

[رهف عبدالعزيز]

الله ينفع فيكم ومرا شكرا على موضوعكم يفيد ناس كثير
سؤوالي هوا كيف قسم المختبرات تحسو فيه متعه ولا طول الوقت طفش
فيه عملي ولا كلو نظري بالبدايه كيف الدكاتره معاكم وبس << ماعرف اسال كويس

[بنووتة غنووجة]

افاااااا كيف مافي عملي اهم شي العملي في تخصصنا
لأنك مستقبلا ان شاء الله راح تشتغلي ف لابات
وطبعا اكيد في نظري وهوا لايقل اهمية عن العملي
واذا إنتي تحبي دا التخصص أكيد ح تلاقي كل المتعة فيه
وعلى حد علمي ابدا محد ندم انو دخل دا التخصص
وحتى إلي كانت مو رغبتهم دا التخصص مرررة انبسطوا فيه
شوفي اذا انتي من النوع الحركي وتحبي تعملي تجارب بيدك
و تحبي تكتشفي اكتر عن جسم الانسان
فهذا باتأكيد هوا التخصص المناسب لك > صدقيني مو عشان هوا تخصصي قاعدة امدح فيه
اممممم بالنسبة لموضوع الدكاترة اتمنى احد غيري يفيدك فيه
وبس ... واذا عندك إي استفسار تاني احنا حاضرين

[misako]

التخصص جميل جدا و مسلي فيه العملي و فيه كمان النظري ، طبعا بخصوص صعوبة التخصص مافي تخصص سهل مرة و ?في تخصص صعب مرة عموما ع حسب اجتهاد الطالب .. بالنسبة للدكاترة في الكويس و فيه اللي مشي حالك بس احيانا يتغيرو الدكاترة يعني ممكن جدا يكون وضع الدفعة الجاية افضل منن، وفي دكاتر كتي كويسين مرو علينا مرررة كويسين ، بس اكيد هو تخصص جميل و حتستمتعي فيه ..^.^

[بيان *]

السلام عليكم .
اتخرجت من الثانوي و بقدم منحه على الجامعة لاني غير سعودية
و اذا انقبلت ان شاء الله و عديت التحضيري اقدر اتخصص مختبرات و لا فقط محصورة على السعوديين ؟
لاني حابه التخصص جدا و مو متخيله نفسي بمجال ثاني و مافي امكانية ادرسه بكلية اهلية :(

[Sweet Dreamz]

المشاركة الأصلية كتبت بواسطة بيان * السلام عليكم . اتخرجت من الثانوي و بقدم منحه على الجامعة لاني غير سعودية و اذا انقبلت ان شاء الله و عديت التحضيري اقدر اتخصص مختبرات و لا فقط محصورة على السعوديين ؟ لاني حابه التخصص جدا و مو متخيله نفسي بمجال ثاني و مافي امكانية ادرسه بكلية اهلية :(

وعليكم السلام عزيزتي حياكِ
مبارك تخرجك الله يوفقك يارب، بالنسبة لسؤالك..
انا بسألك انتي غير سعودية لكن امك سعودية او لا؟
لأنو اذا كانت امك سعودية فا اكيد تقدري تدخلي مختبرات باذن الله لو كان معدلك يسمح
لكن لو كانت امك غير سعودية كمان ما اعرف حاولي تسألي اللي افهم مني في هذا الموضوع

شوفي هذا الموضوع يمكن يفيدك
http://www.skaau.com/vb/showthread.php?t=223262

موفقة يا رب

[ساااااارونه]

امممم
اذا مو من أم سعوديـه
للأسف ماتقدري تدخلي كليات طبيه :(

[بيان *]

امي مو سعودية يعني مافي امل :(
يلا الححمدلله .
مشكورين حبايبي '$