عنآقِيـد عسجدية , قطافها بين أيديكم دفعة 13

[noonz]

بسم الله الرحمن الرحيم . سلآمٌ كريم , من ربٍ غفور حللتم أهلًا , ووطأتم سهلًا , مرحبًا بكم يآ أحبّة في نفس هذا الوقت من السنة الماضية عندما بدأنا مسيرتنا الجامعية , كنا نفتقر إلى الفهم الكافي لـ مضامين السنة التحضيرية ! حينها وجدنا هُنا ما كان شفيعا بأن يزيح بعضآ من الاسئلة التي واجهتنا ومعرفة تجارب من سبقونا بها , رغبة منّا في إكمال ما ابتدأ به السابقون , قررنا إنشاء هذا الموضوع , علّه يكون كفيلًا بأن يزيل حفنة الغموض التي تعتلي فكر كل طالب مٌقبل على ما يسمى بـ "السنة التحضيرية" ! *الموضوع سيكون طويلًا على غير ما جَرت به العادة , لذا يُفضل أن تقرأوه برويه وعلى غير : عَجَل . المحتوى : 1- نبذة عن نظام السنة التحضيرية 2- < 9> تجارب للسنة التحضيرية عاشها أصحابها وستُروى لكم على لسانهم بالتفصيل الممل 3- نصائح 4- صور للجامعه بفرعيها ( السليمانية + الشرفيه ) 5- تجارب مستقلة للأعضاء ( أموشتك + ططآل عمري ) كونوا بالقرب ! + لاحد يرد لين أخلص

[noonz]

(1) أولا / السنة التحضيرية ! السنة التحضيرية أو بتعبير أشمل هي سنة مصيرية تعتبر محطة عبور للتخصصات لابد من إجتيازها ! يدرّس فيها عدة مواد سيتم شرحا بالتفصيل الممل آنفَا ! ثانيا / المواد فـ السنة التحضيرية ! ( فيزياء , رياضيات , كيمياء , أحياء , إحصاء , مهارات الحاسب , مهارات الاتصال , الانقلش ) * تنويه : الدراسة كلها أنقلش × أنقلش ماعدا مادتين اللي هما (مهارات الحاسب + مهارات الاتصال ) تدرسوهم بالعربي .. في بداية السنة بعد مآ الكل ينقبل ف الجامعة , الجامعه راح يقسمو طلاب السنة التحضيرية قسمين قسم يسموهم خطة أ وقسم يسموهم خطة ب , - خطة أ : هما اللي ح يبدأو الترم الآول بـ دي المواد ( فيزياء + رياضيات + مهارات حاسب + مهارات الاتصال + الانقلش ) والترم الثاني ( باقي المواد + الانقلش ) - خطة ب : هما اللي ح يبدأو الترم الآول بالمواد دي ( كيمياء + أحياء + إحصاء + إنقلش ) والترم الثاني باقي ( المواد + الانقلش ) * يعني الخطتين يكونو عكس بعض + الانقلش مشترك بين الخطتين * بالنسبة للأنقلش فالسنة التحضيرية , راح يكون له نظام خاص ( في موضوع الآخ طال عمري ذكر نظامهم ) وهنا أقتباس لـ كلامه : * نظظآم آللغة آلـآنجليزية =) أول مآ تستلم بطآقتكك آلجآمعيةة ، يعطونك موعد , تروحح تختبر لـ تحديد مستوآكك و تدرس من عنده =) طبعاً بـ آلسنةة فيهآ 4 مستويآت , انت اذا اختبرت تحديد المستوى , رآح ينزلكك ع آلجدول آلمستوى آللي تستآهله على حسب اجابتكك بـ آلـآختبآر , مآ عليهه درجآتك لـآ تخآفون , مجرد بس يشوفون آيش مستوآكك طبعاً بـ آلترم آلوآحد تدرس مستويين , على حسب آللي بديت فيه , آلمستوى الوآحد يآخذ 6 آسآبيع و بعدهآ تبدأ بـ آللي بعدهه =) مثلا اذا بديت من ليفل 1 , رآح تدرس آلسنة كلهآ ولو بديت من ليفل 2 , رآح تدرس الترم الاول ( 2 و 3 ) و آلترم الثاني تدرس ( 4 ) و آخر ستة آسآبيع تكون فآضي مآعليك آلآ موآد آلعلمي =) ولو بديت من ليفل 3 , رآح تدرس الترم الاول ( 3 و 4 ) و آلترم آلثآني مآ يكون عندك آنجلش ولو بديت من ليفل 4 , غآلبآ آنكك بتقعد أول ستة آسآبيع ما عندك آنقلش , و بعدهآ تبدأ بسبب قلة العدد طبعا الانجلش رآحح يآخذ منكك نص آلدوآمم , و ينحسب لكك بـ سآعتين بس دوآمهه متععب مرة , يآخذ 3 محآضرآت لـ 4 محآضرآت !!! و اللي بيقولكك ابدأ من ليفل 1 احسلك و يرفع معدلك ! ترآ كلههآ نفس آلشيء مرة مآ تفرقق ! فـ آختبآر تحديد مستوى حط آللي تعرفه بسس , آمـآ لو كنت مرة ميحح مآ تفهم بـ آلآنجلش فـ نصيحتي آبداأ من ليفل 1 ( للفآئددة بس ) لان الدراسة بـ آلجآمعةة آغلبههآ - آنجلش - آنـآ عن نفسي آفآدني بـ شكل كبير , ثالثا / توزيع الدرجات ! * الكيمياء + الآحياء + الاحصاء - الإختبارالدوري الآول = 30 درجة - الإختبار الدوري الثاني = 30 درجة - الإختبار النهائي = 40 درجة * الرياضيات + الفيزياء - الإختبارالدوري الآول = 33 درجة - الإختبار الدوري الثاني = 33 درجة - الإختبار النهائي = 44 درجة طبعا فـ دي المادتين المجموع حيكون 110 ! الـ 10 درجات الزيادة عبارة عن درجات إضافية ( بونس ) يعني مثلا نقصتي ف الاختبار الاول 3 درجات يسير كأنك ما نقصتي شيء , كأنك جايبة الفل مارك , إن شاء الله فهمتوها ! * مهارات الحاسب - الإختبارالدوري الآول = 25 درجة إختبار عملي + 10 درجات إختبار نظري - الإختبار الدوري الثاني = 25 درجة إختبار عملي + 10 درجات إختبار نظري - الإختبار النهائي = 30 درجة * مهارات الاتصال - التكاليف : 30 درجة - الإختبار الدوري : 30 درجة - الاختبار النهائي : 40 درجة خلصنا من المواد ,

[noonz]

كلمة قبل ما نبدأ التجارب وندخل فـ العميق =) مـن : Dr. B E B O بسم الله الرحمن الرحيم كلنا نعرف انه طريق الألف ميل يبدأ بخطوة = يوم ما حضرتكم تنورا الجامعة رح تكونوا بدأتوا خطوة مهمة في حياتكم ،، التحضيري سنة جدن مصيرية رح تقرر مصير ديكا الأهداف اللي من صغركم تبغوها و تتمنوها من قلوبكم ،، أو ممكن تحدد مصير الأشياء اللي لما كبرتوا حسيتوا أنكم حابين تتعلموا عنها اكتر و تكونوا متمكنين منها بشكل أكاديمي ،، سو التحضيري فرصة واضحة و دقيقة رح توصلكم للي تتمنوه عشين كدا لازم تشتغلوا فيها بإلتزام ع نقاط قوتكم و نقاط ضعفكم ،، السؤال الجميل يا فيلسوفة طيب كيف ؟ يب يب حأحكيكم كيف بس قبلها أبغاكم تعرفو "حقيقة" ما أحد يقدر يناقش فيها , منهج التحضيري والمعلومات اللي فيه سهلة وبكل صراحة أسهل من الثانوي مافي شيء جديد وعجيب - وع فكرة دا بالنسبة للبشر اللي متخرجين من ثانويات الكتاب يتذاكر فيها من الجلدة للجلدة مو ورقتين والله صلي وسلم - إذا هادي رح تكون نقطة قوة ليكم , ابتسموا كدا وبـ كل روح تحدي وقوة =) فإننا الان سوف نتحدث عن الكلاكيع اللي رح تواجهكم في التحضيري أول كلكوعة / اللغة إحنا المعلومات وعارفينها وقديمة ومي داك الشيء اللي يخوف بس إحنا مانعرف هاديك المصطلحات العلمية اللي بالأنجليزي راح أزبدلكم : المصطلحات ما رح تواجهوا فيها مشكلة لا في الرياضيات ولا في الفيزياء ولا في الكيمياء ولا في الاحصاء , تابعوا أول بأول مع الدكاترة الكتاكيت واعرفوها في نفس المحاضرة رح تلاقو نفسكم اتعودتو عليها . أما الجميل الاحياء , دا تكّوا عليه شوية يتذاكر أول بأول أول بأول خلاص ذاكرتوه أول بأول كدا حطو فـ جيبكم A+ واعتبروا نفسكم قضيتوا تقريبا بإذن الله على أول كلكوعه جمييل أيووون إلى الكلكوعة التانية واحتلت المركز التاني / الأفكااااار العجيبة للمسائل اللي تجينا غالبا في مواد الفهم فالاختبارات , طيب والحل يا حسن ابن الهيثم يا نيوتن يا أينشتاين يا جابر بن حيان يا بويل ياا خلاااص فهمنا الحل هوا " التمرس " ! في كتاب قرأته كان فيه عبارة مني فاكرتها بالنص بس أنه العقل لا ينموا إلا بثلاث : إدامة التفكير و مطالعة كتب المفكرين و اليقظة لتجارب الحياة . عقولكم الجميلة شيء طبيعي أنها لازم تعرف الآفكار أول بأول وبشكل واضح ودقيق بس دا الشيء يمكن ما يكون كافي عشان تتحصلوا ع الدرجة اللي تبغوها لأنه الاختبار يكون فيه أفكار جديدة يمكن ما قد مرت مرت عليكم سوو رح تدوروا ع أسئلة للمواد اللي زي الكيميا والفيزيا والرياضيات والاحصاء من كل مكان ولا من مواقع الدكاترة من ملخصات من مكتبات وتحلوها عشان تمرنوا العقل وتعلموه إنه يشتغل ما يتربس ويسير مخكم كدا مية مية ويعرف يتعامل مع أي فكرة عجيبة في الاختبار ^^ و بـ كدا رح نحط الدرجات حقت مواد الفهم فـ جيبنا ولله الحمد . أما الكلكوعة الاخيرة فـ دحين رح أتكلم معاكم فيها كـ أخت كبيرة لي هما أصغر مني المفترض بواحد سنة :P ترى مجتمع الجامعه كبير ومتفتح وحر مو صغير زي المدرسة إذا أنتِ ناس مسؤولة رح تلتزموا ورح توصلوا للي تبغوه , خلاص مافي أستاذ أو أستاذة رح تجري وراكم عشان الواجب , مافي داك الالتزام القاتل في أنك تحضر المحاضرات لو عارف الاستاذ ما رح يسأل فينك هنا الحل ممكن سؤال تسألوه لـ نفسكم ؟ أنآ اللي بسويه رح يساعدني أوصل لـ هدفي ؟ لا تدوروا عن أسهل الطرق اللي تبسطكم يمكن لأنها مو دائمًا آمنة . أنآ منجد أعني دا الكلام أصحكم تضيعوا أهدافكم الحلوة اللي أنتو حابين توصلو لها عشان انبهاركم بالحرية اللي رح تلاقوها فالجامعه , أنتو ناس كبار عاقلة عارفة اش بتعمل ومسؤولة عن نفسها "التزموا" هنا تكمن الكلكوعه التالتة , أبدؤوا مستعينين بالله والنهاية رح تلاقوها في أهدافكم وأحلامكم في أفكاركم في عقولكم . "أبدأ والنهاية في ذهنك " موفقين

[noonz]

(2) التجارب * تجربة العضوة : noonz بسم الله وعلى بركة الله أول مادخلت التحضيري ما كنت خايفة , لأنو كان معايا كل صحباتي تقريبا وكنا مع بعض =) , لمن بدأنا محاضرات , في أول كلاس للإحصاء وكان كله إنقلش .. أطالع في الكتاب وأنا بالي مو مع الدكتورة , جالسة أقول الله هالله , رحتِي فيها يا أفنان ! وفوق رآسي علامة إستفهام كبيييييييرة .. تدريجيا , بدأت أتعود ع الوضع , والحمدلله كانت اللغة الانقليزية عائق فالبداية بس =) * خطة ب راح أتكلم عن طبيعة المواد بالنسبة ليا : - الآحصاء ,مادة جدا سهههههلة "إذا فهمتوها" تعتمد ع الذكاء حبتين يعني لازم تعرف متى تستخدم أي قانون ومتى المفروض ما تستخدموه , لازم تتدربو ع الاسئلة كثير عشان تتمكنو منها والمنهج قصصير + إختباراتها ححلووة . أفضل الدكاترة : ريم الحربي "أستاذتي "سماح سندي , لميس العمودي مها الاشرم , في كمان عبير بالبيد بس ماقد حضرت لها شيء ف مادري شرحها كيف مصادر المذاكرة :الاحصصصاء اعتماد كلي على الكتاب , طبعا الملخصات لتثبيت المعلومة والتدريب , للتدريب عندكم ملخص جمال السعدي + أشرف بركات الاحصصاء مادة حلوة وممتعة شوية , ممكن تلاحظو ف الكلاس انكم منتو فاهمين شي وهادي حالة طبيعية , بس صدقوني المنهج جدا سهل وحاولوا انكم ماتنقصو فيه - الكيمياء ,الكيمياء مادة رائعه , أنآ حبيتها من أيام الثانوي وحبيتها أكتر ف الجامعة , جددن سسهلة بس طويلة شوية , كلها إعادة لمنهج الثانوية + أضافات بسيطة , إذا مافهمتوها من دكتورتكم حاولو تغيرو الشعبة أو تروحو تحضرو عند دكتورة تانية .. بالنسبة للدكاترة : د.ليلى الحربي ما يختلفوا عليها أتنين ماشاء الله مصادر المذاكرة : أنآ كنت أذاكر من سلايدات د.ليلى والتست بانك حقها + تست بانك د.إكرام دانش لو تبغو ملخصات بس أنآ أقول مرة مانحتاج ملخصات ف الكيميا : ممكن تشوفو ملخصات أ.سيد - الأحياء ,الآحياء على دفعتنا أختلف النظام فيه : الدفعات اللي فاتت كانو يذاكرو من شيء إسمه تست بانك (بنك أسئله) , لكل إختبار عدد معين من الاسئلة يحفظوها ويجيهم الاختبار من دا التست بانك نسخ لصق =) على دفعتنا سار النظام غير , أتلغى التست بانك :/ وسرنا مطالبين نذاكر من المصدر الاساسي للمادة وهي السلايدات ( عروض البور بوينت للمادة ) الاشاعات كانت على : قفآ من يشيل دي الفترة , وكترت مصادر المذاكرة كل واحد يقول ذاكرو من هنا والثاني يقول لا ذاكروا من هناك :/ هادا فالدوري الآول اللي الاغلبية جابو العيد فيه :) أنآ مسكت السلايدات والحمدلله درجتي كانت تمام نصيحتي للي يبغى يجيب درجة عالية ف الاحياء , المذاكرة محاضرة بمحاضرة , لاتضحكوا على نفسكم وتقولو بنخلص المنهج ليلة الاختبار ع أساس أنكم عبقرينو يعني زي بعض الناس < مو أنآ أبددددددًا ههههه المهم واللي أبغى أوصله , لازم تعطو دي المادة حقها ولا تستهونوا فيها =) المذاكرة راح تكون من السلايدات بالنسبة لأفضل الدكاترة واللي معروووفة بشرحها : أ.حنان الشاذلي جدًا ممتازة - بالنسبة للإنقلش , لفل 3 أخدته مع أ.عبير فريد : ممممممممممتآزة وتشرح بذمهه لفل 3 كان مررة حلو ومرة ح تستفيدوا منه , عيبه أنه دسم من ناحية القواعد حبتين : لكن عموما كل شيء إذا فهمتوه سهل بإذن الله - لفل 4 أخدته مع وحدة ما أقول غير الله يسامحها بس =) هو سهل أتوقع =) بس للأسف ما كان ينشرح لنا شيء فيه , إذا واجهتو نفس المشكلة حاولو أنكم تعتمدوا على نفسكم فيه وتشوفو أحد يفهمكم القواعد .. ووخلصنا الترم الاول على خيير جينا للترم الثاني وقتها , أخدت عهد على نفسي بأني أشد حيلي على قد ما أقدر وحطيت لي هدف بأني أجيب 100 فـ كل المواد ! حتى لو ماجبتها في المواد كلها بكون جبت شيء قريب منها =) المهم طبعا خلاص فالترم التاني كلنا عرفنا أسلوب الجامعة وعرفنا كيف ننظم وقتنا وكيف نذاكر وبالتالي الدرجات كانت أحسن من الترم الآول حأتكلم عن المواد : الرياضيات مادة طويلة شوية , تحتاج تركييييييز وفهم , تحتاج أستاذة كويسة وبالنسبة لـ إختباراتها كانت سهلة بس تحتاج تركيز المذاكرة راح تكون من الكتاب + الوورك شوب والـ 100 ف جيبك إن شاء الله * دفعتنا اللي كانو خطة أ كانو يدرسو من كتاب كبير و كانو الاغلبية يذاكرو من ملخصات السعدي , لكن إحنا خطة ب الترم التاني غيرولنا الكتاب خلوه صغير , صراحة ونصيحة جمال السعدي كان يشتتنا كتير مع دا الكتاب لأن ترتيب الدروس فـالكتاب غيير الملخصات , فـ الآفضل تذاكروا زي ماذكرت فوق .. بالنسبة للأستاذات فـ قسم الرياضيات تقريبا كل الاستاذات فيه ممتازين الفيزياء المادة دي كنت أكرههآ صراحة من أيام المدرسة , ما كنت أستوعبها أبدًا , وكنت مرة متخوفة من الفيزيا في الجامعه لكن كان نصيبي أني أكون من شعبة د.هناء فرحان : صراحة مدري أيش أقول وإيش أخلي ؟ شرحها تبارك الله جدَا رائع تفهمك حبة حبة , متمكنة من المادة بشكل كبييير مآ أقول غير الله يسعدها دنيا وآخرة المذاكرة : كنت أذاكر من ملخصات دكتورتي هناء فرحان ( تنزلها في موقعها) + ملخص أشرف بركات والجزء النظري من الكتاب + السامبل بروبلم مهارات الاتصال مادة حلوة تستفيدوا منها سواء ع الحياة العامة أو الدراسية لأنها ترفع المعدل نصيحة الـ A+ لايضيع منكم فيها كانت تدرسني منسقة المادة أ.مرفت العرضاوي ممتآزة وأخلاق ماشاء الله مهارات الحاسب سسهلة بس ثقيلة دمم حبتين يعني , لأن الاسئلة تجي دقيقة جدَا يعني ذاكروها بترككيييز + كمان ف المذاكرة لازم تطبقو على الكمبيوتر سواء كان عملي أو نظري لايضيع منكم الـ A+ هنا برضو أستاذاتي كانت أ.حليمة سمرا : مرررررة طيبة ومتعاونة وجدا خلوقة ممتازة بشكل عام . ملاحظات / - الفيزيا والاحصاء راح يكون فيه شيء اسمه "سكشن" السكشن عبارة عن محاضرة , تعطيكِ هيا دكتورة فالفيزيا بس ماتشرح فيها درس , لآ الشرح يكون على أستاذتك , والتمارين تحلوها فالسكشن مع الدكتورة , التمارين راح ينزلولكم هيا الدكاترة ف مواقعهم + أوقات السكشن وراح يعطوكم خبر إذا نزلوها , طبعا السكشن راح يكون كل أسبوع تقريبا : كل ماتخلصو فصل من المادة . - إذا مافهمتو شيء فالدرس أو تمارين ماعرفتو تحلوها , كل أستاذة عندها ساعات مكتبية ( ساعات مخصصة للطلاب ) يعني تروحي تسأليها ف ساعتها المكتبية , راح يعطوكم خبر عنها بداية الترم . - أسماء الكتب : كل أستاذة راح تقولكم إسم كتاب المادة في بداية الترم , فـ لاتستعجلو وتشتروها من بدري لأنه يمكن تتغير أو الطبعة تتغير للأحدث . - أهم شيء بعد دا كله : أنكم تختبروا نفسكم على نماذجج أختبارات قديمة يعني حقت السنين اللي فاتت , يجججججي نفس الأفكار وخلصصصنا السنة التحضيرية

[noonz]

* تجربة العضوة : M!ss Lara السلام عليكم جميعآ.. خطة أ الماث :-مادة سهله لكنها طويلة ، من المهم جدا انكم تحضرو لدكتور يفهم ، ولو دكتورك مايفهم ، فأحضرو لتانيين المهم اتصرفو :) والماث زي ماقلت طويلة ، فالي يدرسه يومالاختبار حيضيع ، لكن الي يدرسة اول باول فحيشوفه سهل جدا . وانصحكم فيه بملخص السعدي . (ادرسوه كويس وحلو التمارين الي فيه لأنو تجي من نفس افكاره كثيير بالاختبار) الفيزياء :-ماده ماهي طويلة ، وكلها قوانين وتطبيق ، لكن الفهم برضو مهم لانو تجي اسأله فهم .. الماده يحتاج لها برضو دراسه اول بأول والي ماتفهمه راجعه حتى تحس انك هاضمه . وانصحكم فيه بملخص يوسف زويل جدا رهيب وبدي الماده مايحتاج الكتاب ابدا ، ومافي حاجه للسكاشن وصداعها الحاسب :-ماده جيدة يتكلم عن (وندوز وعن وورد وبور بوينت واكسس واكسل وعن الانترنت والتعليم عن بعد ) وتنقسم لنظري ، ولعملي . مهارات الاتصال :-ماده اختبارها برضو حيكون الكتروني ودي الماده الكل بيجيب فيها a+ لسهولتها ، وانا بنفسي انصحكم انكم تحضروه من اجل الاستفاده لأنو بدي الماده تعلمكم عن تطوير الذات وفن الحوار والاقناع .. يعني منجد ماده مفيده بالحياه وبالنسبة لدراستها فتكفي قرأئه بتركيز شديد . بالدوري الأول افتكر اني صميته صم وسهرت عشانه وراجعته باليوم الثاني بس حسيت بعدين اني بالغت جدا فيه .. ففي الفاينال قرأته بتركييز شديد مره وحده وحليت الاختبار تمام الحمدلله .. بالنسبة لتجربتي لمواد الترم الثاني , الأحصآء :- مادة جميلة جدا .. وانصحكم انكم تحاولو تحضرو للأستاذه سمآح سندي .. جد رائعه واحيانا احضر لها المحاضرة مرتين لو كان الدرس شوي جامد .. بالنسبة للدرآسة : فأفتكر اول محاضرة لنا مع الاستاذه سمآح .. قالت لنآ : الي تحل الأسألة الي معانا بعد كل درس.. فاضمن لها الـ100 مو a+بل الـ 100 .. عملت بالي قالته ومو شرط اذاكر اول بأول بل المهم انو مايجي الاختبار إلا وانا مزاكرة الدرس وحالة الأسألة الي معانا ورآ كل درس.. النتيجة: 100 الحمدلله (انصحكم بيهآ ) الأحياء :-بالنسبة لتجربتي معآها فكنت احضر وأجلس ورآ وانام ولما بطلت دكتورتي تحضر ..فما صرت أحضر الاحياء اشوفه يعتمد على الطالب.. كنت بس اختم الاحياء مرتين قبل موعد الاختبآر .. وبتركييييز .. واحيانا في ابواب اعمل لها خرائط ذهنية. الكيمياء:- ( نصيحتي هنآ للبنآت بس .. لأنو لجنتنا هنآ غير لجنة الاولاد) يالبو ع د. ليلى الله يوفقها يارب .. ببساطة .. كنت اذاكر سلايدآتهآ + التست بآآنك والتست بانك عبارة عن مجموعة من الاسأله بعد كل شابتر .. ببساطة .. كنت اذاكر الشابتر وبعدها اروح ع التست بانك واحل الاسأله كللللها حتى لو عارفه الفكرة فبرضو احلها والاساله الي مااعرفها احط عليها نجمة .. وبعدها اروح للدكتورة حقتي تفهمني هيآ .. (في سر بأقولكم هو :- الدكتورة ليلى الله يسعدها تجيب كم سؤال نسخ لصق من التست بانك ، فحيانا اختار الاختيار بدون مااحل المسألة لأاني مفتكره الجواب من التست بانك واحياانا أحله وانا بالاختبار لأني فاضية ) خلاصة: سلايدات ليلى + التست بانك = a+ وأخيرا ..انصحكم وبشدة بحل عدة نماذج اختبارات ساااابقة في المواد ، لأانها تقيس دراستك + حتحس بإطمئنان لأنو هيئتة زي الاختبار . تمنيآتي القلبية لكن بالتوفيق

[noonz]

* تجربة العضوة : جودآ 07 آلسسلآم عليكمُ ورحمةة آلله وبركآته مسآء / صبآح . . آلورد كيفكممُ عسآكمم بخير يَ جميلآت ؟ آول شيُ آششكر صصآحبةة الموضوع نونز تسسلمينُ يَ قمر آلله يجزاكك خير :* وآن ششآءء آلله آي آحد من دفعه 13 بيدخل هنآ رآح يستفيد من كل التجآرببُ . . خطة ب * ثآني شي بقول تجربتييُ الموقره =$ آنآ آنسسآنهه دخلت الجآمعه على عمآي يعني اصلا مَ كنت ادري ان فيه شي اسمه سكآو خخخ ولآ عندي آي فكره مسبقه عنهآ يعني آللي بيقرآ التجآرب محظوظ لآن رآح يستفيد كثير ومن سوء الحظ إني بدأت بخطة ب طبعآ معدلي الحمد لله كنت رآضيهه عنه بس مآكآن مرتفع كثير وآلسبب آني انا آلله يحفظني مَ كنت آذآكر اول بَ اول وهذا اكبر غلطط فَ السنه التحضيريه . . كنت اذآكر قبل الآختبآر بيومين آو ثلآثه ><" # "الاحيآء" هي آلمآده اللي نزلت ليُ المععدل طبعا كثير جداا ويبغاله مذاكره آول بَ اول وآنآ كنت لمآ آذآكرره المعلومآت تدخل من هنآ وتخرج من هنآ لآن كنتت اضغط على نفسي عشان آخلص فَ لمآ آخلص احس آني مَ ذآكرت شي وآروح آلآختبآر كذا على الله :( يعني آذآ ذآكرتي آول بَ اول وبتركيز آضمني الفلَ مآركك بَ آذن آلله ق1 # " آلكيميآء" بداية السنهه مَ كنت آعرف شي اسمهه ملخصات و آيآم الاختبارات الدوريه كنت اذاكر من المحآضرآت واذا جآء آلآختبآر وآلله احل بس آنصدم بَ الدرجه . . آلمهمم على آلآختبآر آلنهائي شريت ملخص يوسف زويل ممتاز جدااً واساسا كان الاختبآر النهآئي سسهههل يعني آتوقع نقصت درجه آو درجتين بس .. يعني غلطي فَ البداية اني مَ كنت اذآكر نمآذج وآشوف آلآفكآر بس اعتمد عَ المحآضره >< دكتورتنا الله يسامحها ما تفهم ابد .. كنت آذآكر من ملخص جمآال آلسسعديُ مرره حححلو # " آلآحصصآء" بصرآحه مَ كنت ابلعه آبدا مع ان كثير يحبوهه يمكن لآن آلدوري الاول جبت درجه حلوه آلحمد لله بس الثآني خبصت :/ وغلطتي مَ كنت اذآكر آول بَ اول ولآ آشوف نمآذج عشان كذا وقت الاختبآر آحوسس >< # "آلآنقلشش" للأسف دوآمه متعب ويجيب الغثى وطويل بسس من جد آستفدت كثييييييييييييييييييير منه بس بصصرآحه على نهايةة السنه تمنيت ان مَ يكون عندي انقلش لان اكثر وقتي يضيع فيه وفَ اختباراته وما القى وقت اذاكر وضغط مررره . . يعني شي حلو تبدون من المستوى الثآني وتريحون نهآيه السنه وآلحين نجي للمواد حقت الترم الثآني آللي هي (ريآضيآت , فيزياء , حآسب , مهآرآت اتصآل , آنقلش ) طبعآ عَ الترم الثآني تعودت عُ الوضضع والملخصآت وهكآ # "آلريآضيآت" كنت عند دكتورة دعآءء قآروت مَ شآء آلله مره ممتازه وتشرح بَ امآنهه طبعا آنآ نفس الحآله قررت اذاكر آول بَ اول بس لآ حيآة لمن تنآدي وفي الدوري الاول خبصت يعني المذاكره اول بَ اول اهم شي < علمي نفسك خخخ المهم في الريآضيآت آلكتآب مهم والوورك شوب مرره مفييييييييييده ويجي زي الطريقه بَ الاختبآر وكمآن آحيآن اذا مَ فهمت شي آشوف ملخصص جمآل السسعدي جمييييل والحمد لله ارتفعت درجتي بَ الدوري الثآني # "آلفيزياءء" , كنت عند دكتورة الله يستر علينا وعليها آلبنآت كآنوا يمدحون فيها بس لآ تسسمعون كلام آحد آنآ مجربهه . . والله كانت تشرح بس مَ تفهم يعني مَ تعطينا افكار وليش سوينا كذا وليش هذا القآنون واذا جآءء آلآختبآر اممم الحوسسه وكمآن ابدعت فَ الدوري الاول قلت يَ بنت لازم تستحين شوي وشش ذي الدرجات وجاءء الدوري الثآنيي طبعا كانوا يمدحون فَ ملخصص اشرف بركات انا بصراحه خطه يسد نفسي فَ كنت اشتري يوسف زويل وكمآن مررره مهمه نمآذج الاختبآرآت آنآ كنت آخذ حقت دكتورة هنآء موجوده ف المكتبه مررره مفيده وآرتفعتتت درجججتيي عن الدوري الاول بكثير آنصححكم تدرسون عند دكتورة هنآء آو سنآء آبآظه ماشاء الله ممتازات ق1 # "آلحآسب" كان ححلوو وآختبآرآته حلووهه . . يعني محآضرته فترة نقآهه خخخ #"مهآرآت الآتصصال " يَ كثر الهرج اللي فيه بسس سهل ومايعني هذا انكم تستهونون فيه ترآ يجيبون آسئله دقيقه ف الاختبآر .. يعني تخيلوا جبت فَ الرياضيات اعلى منه عشان انآ تنحه ف الحفظ وكذآ خلصصصنآ وآن ششآء آلله آني افدتكمم . . # نجي لَ مشكله ثآنيه كنت آعآني منهآ .. لسوء حظي صديقآتي مو نفس خطتي ومآفي آحد معي وبَ بداية السنه كنت مرره مكتئبه وحآلتي يُرثى لهآ :"( بس لآ تخآفون من ذي النآحيه بتلآقون صديقآت على طول ونفس جدولكم وتستمر الحيآآآهه وكمآن السنه التحضيريه مو تعجيزيه يعني آللي يذآكر آول بَ اول يلقى اللي يرضيه صصح آنهآ مليئه بَ المتآعب بس وآلله لمآ تخلصصون تحسون آنهآ كآنت سسنه حللوه يعني خلّوكم متفآئلين ورآضيين بَ اللي الله كآتبه ولآ تزعلون آذآ جبتوآ درجآت مَ عجبتكم بَ العكس شدوا حيلكم وعوضوهآ , ونصيحه منيُ صلآة آلوتر لآ تتركونها لو ركعه بس وآلله يوفقكم يَ رب وتعدونهآ بسسسلآم ومعدلآت تنطح السسحآب . . . وسسوري عُ الآطالهه بس عشان مصلحتكم وكذآ :$

[noonz]

*تجربة العضوة : Sweet Dreamz السلام عليكم ورحمه الله وبركاته =) مبروووك قبولكم دفعه - 13- اسأل الله العلي العظيم التوفيق لكم في مسيرتكم الجامعيه الطويلهه المهم مانطول عليكم .. عشان تنجحون وتعدّون السنه هذي على خير لازم فيه كم حاجه اساسيه تسوونها من بعد التوكل على الله طبعا ورضا الوالدين ,, راح اشرحلكم كل ماده بالتفصيل + مصادر المذاكره + افضل الدكاتره + نظام اختباراتهم نبدا بسم الله .. خطه - أ - فيزياءء هذي الماده تتراوح بين السهوله والصعوبه الصراحه بس اللي يذاكر اول بأول راح تكون بالنسباله زي الموويا , فيه اشياء راح تاخذونها مرت عليكم بالثانوي وفيه كم شي بسيط راح يكون ممكن جديد عليكم بس موب صععب ان شاء الله! كلها عن القوه والاحتكاك وحركات الفيزياءء ذي ><" المنهج وسط ماهو كثير ولا هو قليل بس المواضيع مركزه ! فا انتبهوا الله يصلحكم .. مصادر المذاكره لهاذي الماده / طبعا الكتاب لازم تشترونه او الافضل انكم تصورونه عادي .. عشان من الكتاب راح تاخذوون التمارين والاسئله حقت المنهج كلله .. لان شرح المحاضرات كلها مبنيه عالمسائل ذي فالافضل يكون الكتاب عندكم عشان تتابعون أول بأول.. ثاني شي وقت المذاكره .. انصح وبشده وبشده وبشده انكم ماتمسكون غير ملخصات أشرف بركات فقط وتذاكرون منها .. صح انه يشخبط كثير وبخط يد وكذا لكن والله معلوماته ذهب الله يجزاه خير والكتاب خذوا منه اسئله التمارين اللي عليكم وطبعا اسئله السكشن .. راح تقولولي ايش هو السكشن ؟؟؟ السكشن هذي محاضره زياده كل اسبوع لازم تاخذونها تحلون فيها تمارين الكتاب اللي ماحليتوها معاكم بالمحاضره .. طبعا محاضرات السكاشن جدا مهمه ( 80% من اسئله الاختبار منها ) .. واهم شي اهم شي اهم شي انكم تحلون نماذج اختبارات سابقه .. للسنين اللي قبلكم تراها جدا مهمه أفضل الدكاتره / سناء اباظه .. ماشاءالله عليها تشرح بذمه وضمير اكتبوا معاها كل كلمه لأنها تعطيكم المختصر المفيد .. ولا تعصبونها اببببدن نصيحه ههههههههههههههه ممم عندكم كمان د/لبنى سندي منسقة الماده .. انا ماحضرت لها ولا شفتها بنت الحلال ولكن درجات بناتها اعلى درجات كانت ماشاءالله فا هذا يدل على انها تووب =) وفيه وحده كمان اسمها ذ/هناء فرحان اظن يقولون انها كويسه اختبارات الفيزياء صراحه كانت تفجع :/ كنا نذاكر من شي ويجينا شيء ثاني فـ نصيحه ركزوا على كل كلمه ولا تطنشوا اشياء على كيفكم زيي ترا حتى الهوامش البيضا ممكن تجي ما استبعد الرياضيات ماده غثيثه جداااا والله ما ابغا احطمكم بس مادري انا اكرهها خلقه وجات مع التحضيري المنهج جدا دسم وطويل .. لا تغلطون نفس غلطتي وماتذاكرون الا قبل الاختبار بكم يوم .. ذاكروها أول بأول عشان لا يتجمع عليكم .. الدروس تشبه بعض .. ركزوا فيهاا تقريبا كل المنهج درستوه في الثانوي واغلبه من سنه 3 ثانوي يعني مافي شي جديد عليكم ان شاء الله .. مصادر المذاكره/ الكتاب ماله داعي ابدن .. مادري انا بالنسبالي ما استخدمته .. كنت معتمده على الله ثم على ملخصاات جمال السسسعدي لا تذاكروا من ملخص غيره في الرياضيات .. يبسط المعلومه لك ومرتب جدا .. ما تحوسي وانتي تذاكري .. ولا تنسوا تشتروا التست بانك حقه فيه افكار يذكرها في التست بانك وماقالها في الملخصات وجات في الاختبار .. التست بانك ملخص لنفس الدكتور بس مايشرح شي بس يحل تمارين ويقولك طريقه الحل .. وطبعا اكككيد زي ماقلتلكم لا غنى عن نماذج الاختبار حلوها حلوها حلوها بيدكم وبرجولكم افضل الدكاتره/ ما اعرف صراحه وحده سمعت عنها كويسه الا د.اريج الحربي .. ووحده لقبها الخطيب نسيت اسمها والله .. الباقي محد يمدح دكتورته مهارات الاتصال ماااده سسسهله ان شاء الله مايبغالها كلها دش وكلام افهميه زين وامشششي وفالك الدرجه الطيبه ان شاء الله .. كلامها كثير شوي بس ملزومين فيه :/ .. فيها شي جديد عن باقي المواد اللي هو ( التكاليف ) راح تفهمونها بعدين ان شاء الله .. مصادر المذاكره/ من الكتاب افضل الدكاتره/ عند اي احد يمشي حالك ماتفرق كثير لأن الماده تعتمد عليكي انتي ف النهايه مو دكتورتك مهارات الحاسب الآلي ماده سهله ان شاء الله بس طووويله وحالها زي حال ماده مهارات الاتصال .. بس احلى شي فيها ان اللي اختبرتوه خلاص ماعاد يدخل معاكم بالاختبارات الثانيه .. محاضرات الحاسب والاتصال كانت بالنسبالي ( راحه تايمممم ) افتح الفيس واشيك عالايميل وكل شششي .. مصادر المذاكره/ من الكتاب أفضل الدكاتره/ اي احد ماتفرق بعد =) *مواد الترم الثاني الاحصاءء ماده حلوه اذا فهمتيها بس .. فيه دروس مدري وش تبي بس عالعموم تنبلع الماده .. لازم تذاكرونها أول بأول .. وتفهمون على دكتورتكم وقت المحاضره لأن الشرح جدا مهم .. مصادر المذاكره/ من الكتاب + نماذج اختبارات سابقه أفضل الدكاتره/ سماح سندي - شفياء الحضيره - ريم الحربي اختباراتهم .. اسئلتهم كانت يعني هه زينه شينه .. بس ترا يحبوون اسئله التفكييير .. اهم شي عندهم يشوفون الفاهم من اللي مو فاهم .. يعني ركزوا زيين الكيمياءء ماده حلوه بس طووووويله جدااا.. تعتبر اطول مواد التحضيري يعني لازم المذاكره اول بأول .. مواضيعها زي مواضيع الثانوي بالضبط مافي شي جديد .. مصادر المذاكره/ الكتاب ماله داعي مره .. كنا نذاكر من سلايدات الدكتورات .. سلايدات الدكتوره ليلى الحربي أو سلايدات الدكتوره نهى وزان .. شوفوا اللي يناسبكم وذاكروا منه + نماذج اختبارات افضل الدكاتره/ اللي اعرف انه د.ليلى الحربي مرره كويسه =) اختباراتهم حلوه للي يذاكرون الأحياءء وما ادراك ما الاحياء الاحياء صراحه كانت ماده غثيثه لكثره مشاكل هذا القسم .. ان شاء الله ماتشوفون هالمشاكل .. بس ننظر للجانب المشرق .. اللي اختبرتوه مايدخل معكم خلاص .. يارب تكون ماده حلوه وخفيفه عليكم مصادر المذاكره/ الكتاب مايحتاج .. مرجعكم الاول والاخير لـ سلايدات الماده نفسها .. راح تلقونها بموقع الجامعه - قسم الاحياء افضل الدكاتره/ حنان الشاذلي - سيلينا صديق اختباراتهم / انت وحظظظك .. شدّوا حيلكم واستعدوا لمفاجآت هذا القسم الجميل .. بس نصيحه لكم كذا لا تسمعوا لأي الاشاعات اببببدددن .. هذا وصلى الله وبارك على سيدنا محمد =) لاتنسوني من صالح دعواتكم وفقكم المولى

[noonz]

*تجربة العضوة : S.Bn بسم الله الرحمن الرحيم اول شي السلام عليكم و رحمة الله و بركاته دفعة 13 العزيزة انا الحين ابا اكتب لكم تجربتي عن السنة التحضيرية اول ما تسجلت في الجامعة كان عادي و فرحانة و لمن جات المدارس كان عندنا الاحد اليوم التعريفي و كنت مو ناوية اداوم الاسبوع الاول بس في الليل وصلتني رسالة على جوالي انو لازم التحضيري يبدأوا يداوموا من السبت ( الله يسامحهم ) رحت السبت ما اعرف و لا شي بالدنيا دخلت الجامعة و سألت السكيرتي راحت صرفتني و قالت لي روحي 13 الشؤون و دا كان يمكن الساعة 7 و لسا ما احد من المسؤولين جا رحت 13 قالولي انتي علمي روحي كلية العلوم و رحت هناك قالولي اطلعي الدور التاني و روحي للشؤون رحت لهم ما في احد سألت بنت الله يسعدها دنيا و اخرة يا رب كل ما افتكرها ادعيلها قالتلي وين جدولك و فهمتني كل حاجة في الجدول و انا اصلا ما كنت شي في و قالتلي الحين الساعة 8 عندك محاضرة حاسب مبنى 2 و وصفت لي وين القاعة المهم رحت ل 2 سألت سكيرتي قالت لي روحي مكان ما البنات متجمعين و رحت لقيتهم بنات التخصص و ما لهم دخل في التحضيري وقتها انا بدأت ابكي و خلاص انهرت كل وحدة تصرفني و لا احد فادني غير البنت الله يسعدها المهم طلعت من مبنى 2 لقيت صحبتي و خلاص ما صدقت اشوف احد اعرفوا و في المغامرة السابقة غير انو رجولي تكسرت من المشي الجزمة الله يكرمكم كانت جديدة و رجلي انجرحت و صارت يألمني الم مو طبيعي و ابويا عصب جالس برا قريب ساعة مو عارف يمشي و يسيبني و لا رح ارجع البيت المهم جلست مع صحبتي و لمن جات الساعة 11 حسيت بجوع مو طبيعي و رحت للكفتيريا المقر الرئيسي 18 و ابا شي آكله و ما في غير طعمية اشتريتها و الله لا يوريكم جاني غثيان مو طبيعي و سخنت 38 و نص و خمول لدرجة انو ما لي خلق اروح لليوم التعريفي دي قصة اول يوم .... و لو بتكلم عن الايام المأساوية ما رح اخلص اليوم و ترا الجامعة مرة مرة مرة غير عن المدرسة المدرسة مرة احلى بكتير انا اول ما دخلت الجامعة و اول الايام فيها دائما ابكي لازم ابكي ما يعدي يوم بدون ما ابكي لسبب غير معروف ... السنة التحضيرية سنة سهلة جدا للي يذاكر اول بأول و من الملخصات انا اول كنت ما ادري عن ملخصات و لا عن شي و الاختبارات الدورية الاولى رحت فيها مع انها كانت مرة سهلة . خطة أ الفيزياء : انا درست عند وفاء الخطيب بصراحة ما كنت افهم منها الا قليلا الكتاب ابدا ما لو داعي و ما تستفيدي منو ابدا و الدفتر تبع المحاضرات ذاكري منو الملاحظات اللي تكتبيها مع الاستاذة الملخصات تبع يوسف زويل مررة كويسة و جربتها و أشرف بركات كمان كويس بس ما جربتوا منسقة المادة لبنى سندي الدكاترة اللي كويسين سناء اباظة الرياضيات انا درست عند منية ناغي مررة شرحها حلو بس سريعة في الكلام يعني اللي ما تفهم بسرعة انصحها تغيرها و هيا طيبة صح انها ما تبتسم بس و الله طيبة الكتاب مهم و مرجعك الاول و الاخير صح انو رح تكتبي مع الاستاذة بس برضوا في اشياء تتأشر من الكتاب الملخصات تبع جمال السعدي مرة روعة صح انو يكتب بكحل او بقلم مو مبري بس مررة حلوة و أي شي مو فاهمتي ارجعي للملخصات تلاقي مشروح الاستاذات الكويسات منية ناغي انا مررة كنت افهم منها و كمان دعاء قاروت البنات مررة يمدحوها بس ما جربتها الحاسب مادة مرة سهلة و سخيفة يعني تجيبي a+ بالراحة لانو كل دروسها برامج اوفس بس اخر فصل طويل و غثيث شويتين الاستاذة اللي درستني ميادة المصري مررة حبوبة و طيوبة الاتصال مادة غثيثة ما تعرفي اش فايدتها بس سهلة هيا كلام كتير بس يوم الاختبار اقريها مرتين بتركيييييييييييز و روحي اختبري و تضمني a+ انا درستني سمر الخليفي مرة حبوبة و تتساهل في وقت الخروج الاساتذة الكويسين اميرة النمر تخلي الكلاس اكتر من روعة مواد الترم التاني الاحصاء بالنسبة لي هوا اختصار لمعنى كلمة لغوصة بس و الله سهلة و البنات درجاتهم مررة عالية و انا خسرت درجات في اشياء هبلة و سخيفة مررة انا درست عند سماح سندي شرحها حلو و افهم معاها بس لمن ارجع البيت اراجع المحاضرات و اذاكرها لا افقه شيئا في الاحصاء الملخصات اشرف بركات مرررة حلو انا جربت السعدي ما عجبني مع انو الترم الاول في الرياضيات مررة فادني الدكاترة الكويسين ما اعرف و لا احد بس استاذة شفياء الحضيرة هيا منسقة المادة و كانت تمشي مع البنات حبة حبة و تأشر معاهم و تحل تمرين عشان التطبيق اما نحنا سماح ما كانت كدا انا حضرت معاها اول كلاس بس منسقة المادة شفياء الحضيرة الكيمياء مادة سهلة و روعة بس طويلة يعني لازم تمسكيها اول بأول و اسئلة الاختبار مو بس سهلة و مباشرة و كل حاجة يعني مررة خسارة لو ما اخدتي فيها a+ و كل قسم الكيميا طيبين و حبوبين انا درست عند نها وزان مررة كويس شرحها بس عندها تدقيق على وقت حضورك للمحاضرة يعني لمن تتاخري 10 دقايق تسألك وين كنتي و ما تحب الشوشرة في المحاضرات و اللي تتكلم تببها اول مرة و بعدين طرد ما سوتها الا مرة وحدة مع بنات بصراحة لو اقول يجيبوا الغثا قليل الاستاذات الكويسات ليلى الحربي منسقة المادة و استاذتي دول اللي اعرفهم بس و سمعت البنات يقولوا عائشة قنش كويسة منسقة المادة ليلى الحربي الاحياء المذاكرة من السلايدات طبعا السلايدات كل عرض في تقريبا 100 سلايد و فوق انا كنت ادرس عن نفين طه الله لا يجعلكم عندها حرام هيا تشرح من قلب بس انا ما افهم منها شي بالنسبة للتحضير عندها مررة مهم بس انتي متى ما تبي تدخلي عادي ما يهمها ان شاء الله لو تجلسي ربع ساعة عادي تحسبك تحضير . الاستاذات الكويسات حنان الشاذلي روعة شرحها منسقة المادة سالينا بس انا من الحين اقول لكم عمركم ما حتلاقوها في مكتبها ارتاحوا و انا كنت احضر احياء كل يوم السبت و الاثنين و الاربعاء عشان التحضير و الاحد و التلوت مع حنان عشان افهم و ابدا ما ندمت اني حضرت الاحياء يوميا صح انو تعبت بس بعدها استفدت و لو ما سويت كدا ما كان جبت دي الدرجة ابدا <<< اللي يسمعني يقول الدرجة عالية و نصيحة لا تصدقوا اللي يقولوا لكم مادة حفظ و لا تحضروا و اسحبوا و معرف ايش ترا مررة مهم الحضور تفهمي السلايدات تتكلم عن ايش تسمعي الكلمات عشان شوي ترسخ في بالك بس باختصار قسم الاحياء ما يسوي و لا شي و لا لو فايدة لانو قسم الاولاد يتحكموا في كل شي الانقلش انا درست لفل 1 مع شرين الديب استاذة مررة طيبة و تشربك الكتاب شرب بس عندها الوقت مررة مهم و لفل 2 مع عهود المطيري بصراحة كنت ما اتحملها و لفل 3 مع ملاك و منى بصراحة يشرحوا و يفهموا و الوقت عندهم مرررة مهم بس انا كنت دائما في كلاس الانقليش نعسانة لاني صاحية من النوم و جاية و ما لي خلق افهم شي و لفل 4 مع هديل شيخ مرررة حبوبة و روعة الاستاذة دي الكلاس معاها متعة اول مررة اشوف استاذة فلة زيها و الوقت عندها مو مهم يعني متى ما نخلص تطلعنا دا الكلام من تجربتي الخاصة لا احد يتقيد فيي و بعدين يقول انتي السبب في فشلي اول شي شوفي استاذتك اذا ما فهمتي معاها حولي لانو الناس يختلفوا في فهمهم و بس خلاص كدا بعد ما كتبت الكلام دا كلو اتحذف و رجعت كتبتوا مرة تانية كرمال عيونكن و شكرا دعواتكن لي انو يقبلوني في الهندسة

[noonz]

* تجربة العضوة : smsm السلام عليكم ورحمة الله وبركاته هنا حكتب لكم تجربة عن اللي مريت فيها بالتحضيري . زي ماكتبوا لنا الي قبلنا ومن جد استفدت منه.. لازم تعرفوا المواد وطبيعتها وأفضل الاساتذة والملخصات قبل ماتبدأ الدراسة .. بس قبل كل شيء أهم شيء • اعتبروا التحضيري رحلة ,مغامرة ااو تجربة تمر سريعة في غمضة عين .. • احضروا كل المحاضرات .. • قفلوا أذنيكم (اذا ماكان الكلام من دكتورتك وسمعتيه بنفسك طنشيه ).. • لا تفكروا بالبونص أبدا عشان لاتتحطموا في النهاية .. • لاتقارنوا نفسكم كدفعة 13 بالي قبلكم أبدا هادي جامعة ولها الحق تغير أنظمتها كل سنة زي ماتبغى بداية خطة أ هي 4 مواد بدون الانقلش ..بس كنت أعتبرها مادتين !! نبدأ بالدسم 1- الرياضيات المادة حلوة بس يبغالها كرف محترم لازم تكوني فاهمة مره كويس وتحلي تمارين كثير وقسم الرياضيات يحبوا يخترعوا في الاسئلة بس كثير بنات جابوا +A و100... المصادر:- الكتاب وملخص السعدي وشرف بركات والأفضل أشرف يركات لانه أفكاره أكثر من السعدي.. الدكاترة:- درستني أ/ هتون الشعيب مره كويسة شرحها حلو ومرتب ومنظم ودقيقة في الوقت .. ويمدحون أ/دعاء قاروت بس صراحة ما اعرفها.. 2- الفيزيا مادة أسهل من الثانوي بكثير حبيتها بالجامعة مره بسيطة بس كتابها سوا فيا مقلب محترم أول ماشفته قلت مستحيل انجح في المادة دي بس اكتشفت انه الكتاب ماله داعي وكلامه زايد طبعا المادة سهلة بس يبغالها تركيز وفهم وقسم الفيزيا يحبون ينسخون اسئلة السنوات الي فاتت فعليكم بنماذج الاختبارات . المصادر :- ملخص طلعت سالم كنت اذاكر منه النظري & أشرف بركات المسائل .. واهم شيء نماذج الاختبارات فيه نماذج محلولة بالتفصيل في خوارزم 7 تنزلها أ/هناء فرحان مره كويسة ... الدكاترة:- درستني د/ لبنى سندي وهي منسقة المادة شرحها حلو مررره مفصل أحيانا يوصل لحد الملل بس تعتبر كويسة يحضر معانا بنات من شعب تانية لدرجة يجلسون في الأرض مالهم كراسي. أنا حضرت لـ أ/ سناء أباظة شرحها حلو ومختصر تعطيك المفيد باختصار بس تراها شديدة جدا. . ويمدحون أ/ هناء فرحان .. 3- الحاسب مادة سهلة يبغاللها حفظ وفهم كتابها ممل حبتين..ركزوا فالنظري والعملي . المصادر :- الكتاب وكنت أذاكر من سلايدات أستاذتي كانت تسهل لي الحفظ .. الدكاترة:- درستني أ/حليمة سمرا أستاذة فريدة من نوعها تهتم بدرجات الطالبات بشكل مو طبيعي وتراجع وتعطينا تمارين.بصراحة أستاذة أخلاق وذوق وتفهم ... 4- الاتصال ماودي أتكلم فيها عشان لاتخافوا بس بالنسبة لي مادة غثيثة جدا وماحبتها أبدا أهم شيء سوا التكاليف كاملة وسلموها في وقتها وكدا عندك 30 درجة في جيبكم.. وكدا خلصنا مواد الترم الآول مجملا سهلة بس لاتستهينوا فيها كنت اعتبرها مادتين لاني كنت بس اذاكر الرياضيات والفيزيا دايما أما الحاسب والاتصال ليلة الاختبار .. أعرف بنات كثير جابوا فيها 5 ماشاء الله بس انتوا شدوا حيلكم فيها وفالكم طيب .. الترم الثاني , 3 مواد بس ثقيلة دم ... 1- الاحصاءمادة اذا مافهمتها مزبوط أنسي أمرها أهم شئ الفهم خاصة في الاحتمالات هي سهلة للفهمها صح .. المصادر :- الكتاب مهم جدا وملخص السعدي وكمان أشرف بركات وكان في المنتدى هنا ملخص قاسم مضوي جيد اختاروا الي يناسبكم..وقسم الاحصاء يحبون نماذج الاختبارت كثير فعليكم بها .. الدكاترة :- درستني أ/ سماح سندي شرحها مره كويس واكتبوا الملاحظات معها وشعبها مرررره زحمة,, وكمان يمدحون أ/ شفياء يقولوا كويسة .. 2- الكيمياء مادة مدري كيف طار مني A+!! مادة تتعب في المذاكرة بس اختباراتها سهلة .... نفس كلام الثانوي مع بهارات بسيطة ... المصادر :- سلايدات د.نهى وزان وملخص السيد وملخص يوسف زويل .. الدكاترة :- درستني د.نهى وزان شرحها جيد وتقولك المهم والمفيد ... يمدحون د.ليلى الحربي يقولون شرحها حلو ... 3- الأحياء محا أتكلم عنها لاني العبرة تخنقني فلحت فيها بصعوبة تامة .. بتركها لغيري يتكلم عنها... وكدا خلصنا مواد الترم الثاني , حبتين غثيثة بس لوشديتوا حيلكم فيها بتمشون فيها ... نجي للمادة المشتركة بين الخطتين English لو تقتدروا تتفكوا منها افضل لكم عادلوها بالتوفل ... دوامها مره طويل بس لو ماقدرتم تتفكوا منها ترى حتتحسن لغتكم الانجليزية مزبوط .. وترى أغلب اسئلة اختباراتها من الكتاب.. وبكذا الحمد الله خلصت رحلتي مع التحضيري وطلقتها بالثلاث خخخخ...وعقبالكم . ومن هنا أشكر كل طلاب وطالبات دفعتي لانو كنتوا كقلب واحد ولا احد يـأنى عن مساعدة الثاني صح أحيانا عندكم مشادات فيما بينكم بس في النهاية تبقون اخوان واخوات .. وأتمنى اذا احد زعل مني ولا قصرت معه السموحة فما بدر مني فغير مقصود.. دعواتي لكم بالتوفيق والنجاح دوما وأبدا ..

[noonz]

*تجربة العضوة : ساااااارونه بسم الله الرحمن الرحيم حتكلم عن تجاربي بالتحضيري ونصائحي لكم وأتمنى تستفيدو منها أولا : *حاااولو تحولو لاساتذه كويسين او تحضرولهم اذا حظكم طلع عند مو كويسين. *عليكم بمذاكرره نماذج اختبارات قديمه مرره مهم احيانا يجيبو منها وبرضو حتكوني مرتاحه نفسيا لانك عرفتي طريقه الاسئله ع الدروس وكمان حاولي تحلي الهوموركات ولو صعبت عليك فكره اسألي استاذتك. *السكاااشن مهممممه اللي هي حتكون محاضره لحل تمارين ممكن تاخدي لك كم معلوومه تفيدك . *فيه ملخصات مساعده زي لو مافهمتي نقطه ممكن ترجعيلها وتشوفيهاا. * طبعا المذاكره اول بأول والمراجعه ماتحتاجو انبهكم عليهاا. وحبدأ بالخطه اللي افتتحت فيها التحضيري خطة ب الأحياء (bio): المذاكره من السلايد ولاتأخرو المذاكره زي ماسويت ع بالي حيرجعو التست بانك. ممكن تجمعو المصطلحات والكلمات الجديده عليكم بورقه وراجعوها بأي وقت فااضي عشااان تثبت ماتطيــر وانتبهووو من الخيارات بالاختبار يجيبو لكم كلمااات متشااابه مرره بس يغيروو لكم الحرفين الاولانيه او من النص عااااد شوفو تفنونهم فيهاا الحلوو فيه الجزئيه اللي تدخل بالدوري ماتدخل بالفاينل. عندكم الدكتوره حنان الشاذلي مرره تمام. الكيمياء (chem): المذاكره حتكون من السلايدز وفيه كذا استاذه عامله سلايد خاص فيها كماااااان عندكم ملخصااات يوسف زويل فيهااا طرق مختصره ومعلوماات مهمه يجيبوهاا بالاختباااار ماتنذكــــر بالكــــلاس. وكماااان فيه تست بانك للدكتووره ليلى مرره مهم زي أسئله الاختبار. اختبار الفاينل كل التشبترز داخله . وعندكم الدكتوره ليلى الحربي واكرام يمكن ترجعلكم وفوزيه البلوي والاحصاء (stat): اعتمددي ع الكتاااب وشرح استاذتك واذا مافهمتي نقطه ارجعي للملخص وحااولي تفهمي واناااا افضل جماال السعدي بــــس انتبهوووووووو انتبهوووو انتبهوووو مو تذاكروه قبل الكتاااااب كذااا محتفهووو انا كنت اخذ منه بس الحلول والتنبيهاااات استفدت كثير منها بالاختبارات. اختبار الفاينل كل التشبترز داخله . عندكم استاذه لميس العمودي و سماح سندي و ريم الحربي. * ذحين حتكلم عن مواد الترم الثاني {فيزياء- رياضيات } , {اتصال – حاسب } بالنسبه للفيزياء (phys): المذاكره من الكتاب ودفتر ملاحظاتك اللي مع الاستاذه وعندك ملخصات يوسف زويل الحمدلله ذاكرتها بالدوري الثاني وجبت درجه عاليه وكمان فيه ملخص هناء فرحاان مرره روعه وندمت انو مافتحتها قبل لانو اكتشفت اغلاطي بالدوري كانت اجوبتها فيها  فتحتها ع الفاينل لانو مافي وقت اذاكر ملخصات زويل .. اختبار الفاينل كل التشبترز داخله . عندك استاذه هناء فرحان وسناء أباضه .. الرياضيات (math): طبعا الكتاب اهم شي ذاكريه مع شرح استاذتك وعندك ملخص جمال السعدي بس بصراحه انا بس احيانا اذاكر كم صفحه واتركه معتمده أكثر ع الكتاب. وعندك كمان محاضرات يوسف زويل حلووه ع موقعه واحيانا يعطيك اختصارات للحل. وفيه الورك شووب فيه تماارين كثيره تدربي عليه. اختبار الفاينل كل التشبترز داخله. عندك دعاء قاروت كانت استاذتي بس مشكلتها سريعه شوي وكمان فيه أماني باجمال. الاتصال (comm): المذاكره من الكتاب وحيكون فيها تكاليف عليها 30 درجه لازم تضمنيها لانو بالاسئله ممكن تنقصي لانو الدروس مرتبطه ببعض. ذاكريه بتركيـــز وفهـــم اختبار الفاينل كل الفصول داخله. عندك أمل عسيري وأميره النمر. الحاسب (cpit): المذاكره من الكتاب وانتي بتذاكرري لاززززززم تطبقي ع الجهاز لانو يجيبو اسئله من التطبيق حتى وقت اختبار النظري ذاكري العملي. الجزئيه اللي تدخل بالدوري ماتدخل بالفاينل. عندك حليمه ابو سمرا كثير مدحوهاا وكمان استاذتي ساره النفيعي . وبالنسبه للانجلش (eli): دوامو مرره طويل حيكون 4 مستويات كل مستوى فيه اختبارين سبيكنق واختبارين رايتنق واختبار نصفي وفاينل واختبارات بورتوفليو.. بالنسبه لطريقه السبيكنق: المستوى الاول والثاني حتكون 5 أسئله و اوصفي صوره. والثالث والرابع تختاري ورقه والموضوع اللي يطلع فيها تتكلمي عنو وكمان تسألك الاستاذه اسئله وع حسب الاستاذات بعضهم يخلوك تتكلمي قدام البنات وبعضهم بس معاها وكل استاذه وتطبيقها لشرووط الاختبار البعض يسهل للطالبات. والرايتنق : نفسي الشي لكل المستويات موضوعين واختاري واحد واكتبي عنو ممكن يكون نفس المواضيع اللي كتبتوها أوشبيهه فيها. والاختبار النصفي والفاينل: حيكون قطعتين وحده من الكتاب والثانيه من برا وفوكابلري بس احفظي معاني الكلمات وحيكون حلوو والايفري دي : ليفل 1و2 حيكون سؤال او جواب مكتوب قدامك وشوفي من الخيارات المناسب معاه. اما ليفل 3و4 حيكون سماعي. وقرمر الافضل تذاكريه من اخر الكتااب. وليسننق: حتسمعي محادثين وتجاوبي ع الاسئله اللي عليها. اختبارات البورتوفليو: حتكون ع كل 3 وحدات أو 4 وحدات تختبريها بنهايه كل الاسبوع .. وبالتـوووفيـق