الله يسعدكم ابغى اعرف ايش هيا كلية الاعمال

[غيروك بغيابي]

السلام عليكم ورحمة الله وبركاته

أسعد الله اوقاتكم بالخير والمسرات

! انا الآن تخصصي علم اجتماع >> انتساب بس لو حولت انتظام بروح لرابغ بيخصووني ادرة اعمال .

1_ ادارة اعمال ايش هيا بالظبط تخصص ولا مسار ولا؟ وكيف الدراسة فيه رياضيات كثييييير .

2_ هل فيه سكن للطالبات .؟

3_ هل اقدر اتخصص ادارة مستشفيات .

[Relax 2013]

ادارة الاعمال هي كلية, ( كلية الاعمال ) , والرياضيات فقط مستوى اول ( الرياضيات للتخصصات النظرية ) واتوقع اذا انتي محوله ماتدرسيها لان يمكن انتي درستي هالمنهج بالمواد العامه ويعادلونها لك

اما بخصوص سكن الطالبات اتوقع في سكن وتدفعين لهم مبلغ معين والاخوات يفيدوك اكثر , ولكن بالنسبة لي كنت راح اسكن وسالتهم وحسيت فيها تلاعب ويحشرون معك ناس ماتدرين هم صاحين ولا لا . اخر شي تركت فكرة السكن وصرت اداوم , ولكن هالكلام قبل 3 سنوات تقريبا ويمكن تغير ونصيحه اذا فيها مبلغ تدفعينه وطالبات يسكنون معك ابعدي عن سكنهم ودوري طالبات محترمات واتفقوا على سكن ومثل ماقلت لك الاخوات بيفدوك اكثر اكيد في منهم جربوا واقرب لوضعك

اما موضوع التخصص , اذا حولتي للكلية قدامك 7 تخصصات ( قانون - محاسبة - ادارة مستشفيات - تمويل - تسويق - موارد بشريه - نظم معلومات )
ويحق لك تتخصصي اي تخصص من التخصصات السابقة طالما انك احدى طالبات كلية الاعمال واجتزتي المتطلبات وهي 40 ساعة دراسية .

[غيروك بغيابي]

مشكووووور ربي لا يحرمك الاجر

فهمت عليك بخصوص التخصصات والسكن .

لاكن مافهمت ايش قصدك [ويحق لك تتخصصي اي تخصص من التخصصات السابقة طالما انك احدى طالبات كلية الاعمال واجتزتي المتطلبات وهي 40 ساعة دراسية .] ؟

ياليت اذا ماعليك امر توضحلي .

[Relax 2013]

كلية الاعمال فيها 7 تخصصات
محاسبة ، تسويق ، ادارة مستشفيات ، قانون ، تمويل ، نظم معلومات ، موارد بشريه

ولما تحولي الى كلية الاعمال ، وتصيري من طالباتها راح تقدري تتخصصي اي تخصص من اللي ذكرته
يعني انتي سالتي هل تقدري تتخصصي ادارة مستشفيات ؟
وانا رديت عليك بكل التخصصات الموجودة اللي تقدري تتخصصي فيها سوا ادارة مستشفيات او اي تخصص اخر من اللي ذكرته

نفترض ان طالبة جديده وسجلت في كلية الاعمال واجتازت 40 ساعة
طبعا هي باقي ماتخصصت ولكن بعد 40 ساعة يسمح لها تختار احد التخصصات السابقة

اما وضعك ،
باذن الله لو حولتي كلية الاعمال وتغير في الاوديس انك طالبة في كلية الاعمال ، وكانت عدد ساعاتك المجتازة 40 او اكثر يحق لك تقدمي على تخصص ، اما اذا اقل راح تدرسي عندهم بشكل عادي لين تكملي 40 ساعه وتقدمي تخصص
ﻻنهم راح يحولونك ويعادلون ويحسبون لك مواد حسب الخطة الدراسية عندهم وبعد التحويل راح تبين لك عدد الساعات المعتمده بالنسبة لكلية الاعمال في خطتهم

مثل خلصتي الان 50 ساعه
وحولتي لكلية الاعمال راح يحسبون المواد اللي في خطتهم ودرستيها ويجمعون ساعاتها ونفترض انها طلعت 40 ساعه ، كذا راح تتخصصي وتكملي مثلك مثل اي طالبه بكلية الاعمال


اي استفسار ،،،واعتذر اذا في اخطاء املائية ولكن اكتب من الجوال

[غيروك بغيابي]

مشكوووووووووووووور جزاك الله خير
ربي مايحرمك الأجر ويسعدك وين ماكنت.