مناقشة محاضرة تحليل وتصميم نظم bus 355 شعبه ba عند د.هشام كتوعه

[عادي ومتواضع]

بسم الله الرحمن الرحيم

السلام عليكم..
يسعدني ان اكون احد اعضاء منتديات طلاب وطالبات جامعة الملك عبدالعزيزوفي بداية موضوعي هذا اشكر جميع القائمين على المنتدى من اعضاء ومشرفين لما يقدمونه من خدمة لاخوانهم الطلاب والافاده للجميع..
تمنيت ان يكون اول موضوع اتطرق الحديث اليه ليعم بالفائده للجميع ..لكن إن شاء الله في قادم الايام نفيدكم ونستفيد منكم..
وفي هذا الموضوع منه نتفح حوار لنقاش مادة تحليل وتصميم نظم bus 355
لان الشعبه مشتركه ما بين طلاب وطالبات وكذلك الماده بدون كتاب مقرر..ولكنها تعتمد على مذكرات خارجيه وحالات علميه..وبما ان تواصل الطالبات مع الدكتور فيه صعوبه نوعا ما فحبيت اطرح الموضوع بالمنتدى ليستفيدون من اخوانهم الطلاب وتبادل المعلومات والمذكرات ومناقشة كاحدث في المحاضره واي شي يتعلق بالماده عبر هذا المنتدى ويفيد كل منا الاخر..
ولا نتمنى من طرح هذا الموضوع الا الافاده ودعواتكم لنا بالتوفيق في الماده خصوصا ودراستنا الجامعيه والحياه العلميه بصفة عامه.. ولا ارجو الا ان ارى التفاعل مع الموضوع

للامانه الموضوع منقول ليستفيد الجميع

[loletaaaaa]

الله يسعدك يارب
والله اكتر ماده خايفه منها ده الترم هيا دي الماده
لانو طريقه الاتصال معدووووومه
والمشرفه حقتنا
قالت كل بنت تقعد فمكان معين عشان الحضور والتحضير
هيا تعال وشوف مافي الا تلفون واحد شغال
وقداااااااام
يعني مانقدر نكلم الدكتور ولا نجاوب معاه وهو يحب الطالب الي يجاوب :(
الماده مره تقهر
والله يستر
بالنسبه لموضوع تقسيم الدرجات انا وزميلاتي اقترحنا عليه ورسلنا ايميل انو
15 حضور
25 نصفي
40 فاينال
10 حاله
10 واجبات
مدري شوفو واتشاورو
عشان مو بكره يجي ويورطنا هو قال حيقسمها بخبرتو بس احنا شفنا دي التقسيمه حلوه وكويسه
على اساس انو اختباراتو قالو سهله
بس فالحاله بيكون شحيح فالدرجات فنضمن نفسنا فالاختبارات


واشكرك عالموضوع مره تانيه

[عادي ومتواضع]

المشاركة الأصلية كتبت بواسطة loletaaaaa الله يسعدك يارب والله اكتر ماده خايفه منها ده الترم هيا دي الماده لانو طريقه الاتصال معدووووومه والمشرفه حقتنا قالت كل بنت تقعد فمكان معين عشان الحضور والتحضير هيا تعال وشوف مافي الا تلفون واحد شغال وقداااااااام يعني مانقدر نكلم الدكتور ولا نجاوب معاه وهو يحب الطالب الي يجاوب :( الماده مره تقهر والله يستر بالنسبه لموضوع تقسيم الدرجات انا وزميلاتي اقترحنا عليه ورسلنا ايميل انو 15 حضور 25 نصفي 40 فاينال 10 حاله 10 واجبات مدري شوفو واتشاورو عشان مو بكره يجي ويورطنا هو قال حيقسمها بخبرتو بس احنا شفنا دي التقسيمه حلوه وكويسه على اساس انو اختباراتو قالو سهله بس فالحاله بيكون شحيح فالدرجات فنضمن نفسنا فالاختبارات واشكرك عالموضوع مره تانيه

يعطيكم العافيه..
اما بالنسبه للدكتور فكويس وفاهم وهو حاس في الطالب ومانسي انه كان طالب وربي انه افضل دكتور حتى الان من اول ما دخلت الجامعة..
اما منناحية التوزيع فأنا افضل يكون تقسيم الدرجات 50 درجه اختبارات و50 درجه مقسمه والدكتور ما راح يقصر مع المجتهدين فمن رأيي

30 نهائي
20 نصفي
10 حاله
15 واجبات
15 حضور
وهذا اهم موضوع حاب انا قشه ..ايش رايكم؟؟ بعدين وربي انتو يالبنات تقهرون توزعون الدرجات كلها على الامتحانات لانكم دافورات بس تحفظوون وربي نفسي ادخل مع التلفون واكفخ الي توزع الدرجات على الامتحانات

[loletaaaaa]

هو محد بيدرس دي الماده غيري وغيرك :s?
على فكره
اليوم ماكانت الكهربا مقطوعه عندنا ولا شي
بس
التلفون كان خربان وماقدرت المشرفه تدق عليه وتقولو انو سامعينو
وماكان عندها رقم جوالو

ولا كان كل شي ماشي :s
الله يستر بس من دي الماده الي الى الان مااخدنا فيها الا محاضره وحده :s

[طالب mis]

أهلين وسهلين ومرحبتين إن شاء الله بكون مشارك معكم بالموضوع أول باول المادة حلوة وإن شاء الله نتعاون مع بعض لاستفادة أختي لوليتا لاتخافي من المادة أخديها من عندي

[عادي ومتواضع]

المشاركة الأصلية كتبت بواسطة طالب mis أهلين وسهلين ومرحبتين إن شاء الله بكون مشارك معكم بالموضوع أول باول المادة حلوة وإن شاء الله نتعاون مع بعض لاستفادة أختي لوليتا لاتخافي من المادة أخديها من عندي

حياك الله ..واتمنى من الجميع التفاعل

[loletaaaaa]

الله يسعدك ياطالب mis
انا اكتر شي مخوفني اسلوبو الين دحين ماادانا شي
وكمان طريقتو يعني المحاضره الوحيده الي اخدناها معا عقدنا فيها
كل مااحد جاوبو ماايقول صح ابدا
لازم يقاوح ويمالط مع الواحد ويقولو برر ومدري ايش
:S

[طالب mis]

المشاركة الأصلية كتبت بواسطة loletaaaaa الله يسعدك ياطالب mis انا اكتر شي مخوفني اسلوبو الين دحين ماادانا شي وكمان طريقتو يعني المحاضره الوحيده الي اخدناها معا عقدنا فيها كل مااحد جاوبو ماايقول صح ابدا لازم يقاوح ويمالط مع الواحد ويقولو برر ومدري ايش :S

الدكتور أسلوبه كذا هو الصح دائما ولاتسئلي اسئلة مالها داعي بالمحاظرة أقولك شي اجلسي ساكته أحسن مثلي أنا

[طالب mis]

أهلين أخواني الحالة عليها 10 وترى مع الايام يمكن ينقص درجات من الحضور ويحطها في الحالة هو يهتم في الحالة كثير

[عادي ومتواضع]

المشاركة الأصلية كتبت بواسطة طالب mis أهلين أخواني الحالة عليها 10 وترى مع الايام يمكن ينقص درجات من الحضور ويحطها في الحالة هو يهتم في الحالة كثير

يعني الحضور 10 والحاله 15 ..؟ والله يكون احسن