هل يوجد معهد في جدة معترف فيه للتوفل؟؟؟؟؟؟؟؟؟

[al jooory]

السلام عليكم

ياجماعة ساعدوني ..
انا ابي اقدم على وظيفة معيدة وقالو انو لازم من الانقلش ،، وانا مادري عن هالمعلومة ،،
اختبرت الكفايات ودرجتي فيه مرررة نازلة ...

هل يوجد معهد في جدة معترف فيه للتوفل ؟؟ يعني آخد منو شهادة تغنيني عن اي اختبارات؟؟

وإدا فيه كم سعر الكورس وكم مدته ؟؟

أرجوا الرد علي بسررررعة جزاكم الله خيييييير..

[الكاسـر]

يالغالية ..

على ماعتقد اغلب المعاهد معترفة ..~

لكن في معاهد فيها اختبارات icdl وفي معاهد مافيها اماكن للإختبارات

المعهد يدرسك ويفهك ويقلك الطرق حقت الإختبار لكن مايقدر يعطيكِ شهادة بدون دراسة

وغير كدا شهادة التوفل معترف فيها بكل مكآن مو بس هنآ

حتى في الجامعة يختبروا التوفل .. شوفي عمادة خدمة المجتمع ..

وجامعة عزوز على ماعتقد لها نسبة معينة .. يعني مثلا تجيبي 50 من 100 يعدوا البني آدم ..~

^_^

[al jooory]

شكرا أخي الكاسر
بس ياليت تقولي كم المدة اللي ادرسها تقريبا عشان آخد الشهادة مثلا في المعهد البريطاني ؟

[لولــــــــــــو]

صحبتي درست في معهد نيوهورايزن التوفل تقريبا ب3000 يعملوا لك إمتحان تحديد مستوى وحسب المستوى يدرسوك حتى تتأهلي لمستوى التوفل وفي نفس المركز بعد تدريس التوفل تمتحني فيه ...والمستوى في المعهد نفسه اظن ب1800 والله ييسر لك كل خير اذا عندك وقت ادرسي حسب المستوى حتى الوصول للتوفل وإذا لا ..ابدأي في التوفل وامتحني او ادرسي التوفل وامتحني في الكفايات للغة الانجليزية .
سبحان الله والحمد لله والله اكبر ولا إله إلا الله

[الكاسـر]

يالغالية الدراسة بإجتهادك ..~

تقدري تخلصي مستوى في اسبوع وتقدري في اسبوعين وتقدري في 10 اسابيع

يعني على حسب اجتهادك ..

ومعهد نيوهورايزن فيهـ اختبارات توفل ..~

انتي روحي لأي معهد وشوفي ..~

شوفي في معهد اسمه وول ستريت للبنات محله قبل اشارة الخالدية ..

تقاطع الخالدية مع الروضة >> مدري المكان كدا صح ولا لا ..~

المهم انه قبل الخالدية ..~

شوفيه وجربيه ..~