اي سؤال في قسم المحاسبة انا جاهز "معلومة , شرح , استفسار ,"

[محمد الجحدلي]

السلاام عليكم كيفكم يا طلاب المحاسبة

الله يكون بعوننا إن شاء الله ونتخرررج <<<<ترم تخررج

انا قلت خلنا نفيد الطلاب الجدد عشان ما يدخلو على عماهم مساكين

اي احد يبي شرح لمادة انا جاهز

واي احد يبي معلوومات عن المادة ومتى انسب وقت لها انا جاهز

واي احد يبي معلومات عن الدكاترة انا جاهز

واي شي ثاني انا جااهز

بس طبعا مو كل الدكاترة اقدر افيدكم فييهم بس ان شاء الله ما نقصر معااكم


وان شاء الله كلنا نكوون يد وحدة ونساعد بعض

واذا انا ما جاوبت غيري يجاوب ان شاء الله

واهم شي لا تدققو على الاخطاء الأملائية

وانا في انتظار استفساراتكم واسئلتكم

اخوكم محمد الجحدلي <<<06 يعني قديم بالجامعة

وارجو التثبيت لتعم الفائدة

[أبو عبدالعزيز2020]

أخوي محمد كيفك إن شاء الله تمام

أولا : الله يجزاك الجنة على حبك لتقديم الخير والفائدة لاخوانك الطلاب

ثانيا : حاب استشير في شغلك وهيا انا ناوي إن شاء الله أخذ صيفي ok ، المواد اللي ابغى أخذها هي : محاسبة متوسطة 2 وابغى أخذ معاها مادة ثانية من هذه المواد الثلاث ( مراجعة 1 ، محاسبة إدارية ، نظم معلومات محاسبية )
وجزاااك الله كل خيررر .

[محمد الجحدلي]

المشاركة الأصلية كتبت بواسطة أبو عبدالعزيز2020 أخوي محمد كيفك إن شاء الله تمام أولا : الله يجزاك الجنة على حبك لتقديم الخير والفائدة لاخوانك الطلاب ثانيا : حاب استشير في شغلك وهيا انا ناوي إن شاء الله أخذ صيفي ok ، المواد اللي ابغى أخذها هي : محاسبة متوسطة 2 وابغى أخذ معاها مادة ثانية من هذه المواد الثلاث ( مراجعة 1 ، محاسبة إدارية ، نظم معلومات محاسبية ) وجزاااك الله كل خيررر .

هلا والله اخوي ابو عبد العزيز

الحمد لله انا بضحة وعافية وشكرا على السؤال

اولا:اميين يا رب

ثانيا: في البداية مادة متوسطة 2 اصعب مادة مررت عليا جدا دسمة من المعلومات
فا لازم تكوون مفتح ومركز واذا انت ما تقدر تركز عشان صيف فا ما انصحك تنزلها لانو يبغالها واحد مفتح

وبعدين عندك الدكاترة اولا في دكتور جمال عبدالحميد :صراحة هوا دكتور كويس شرحو كويس بس مو مرررة انسى يزودك درجة دايما يدي درجات طايحة انا بصراحة ما احبو

ثانيا الدكتور تركي بقشان: صراحة الدكتور هذا روعة وقمة في الاخلاق ولاكن هو يزود في المنهج شوية يديك بعض المعايير زيادةبس شرحو حلو واختبارات ما اقوولك سهلة يبغالها مذاكرة وهوا طيب انا افضلو على دكتور جمال عبد الحميد

لكن المصيبة اذا نزلها صادق حسنين ابدا لا تنزل عندي لا يعرف يشرح ولسانو وسخ بس يسب
ومحد فاهم منو شي لازم تتمصلح معاه عشان تنجح فانا انصحك لو نزلها لا تنزل عندو


بخصوص المادة الثانية: لا تنززززل مرااجعة خليها في الترم لانها صعبة وتحتاج لتركيز وبعدين الدكتور صادق الي يدرسها واذا لازم تنزلها عند صادق كلمني على الخاص وانا اتفاهم معاك هناك افضل


المحاسبة الادراية انا انصحك انك تنزلها لانو الدكتور زايد ابو شناف هو الي يدرسها <<<للي ما يعرغه افضل دكتوور في قسم المحاسبة ادب واخلاق وشرح ودرجات كل شي
فاانا افضلها كمادة في الصيف



مادة نظم معلومات محاسبية: تبغى الصراااحة هي مادة جدا مملة لانو كلها كلام نظري والدكتوور المناسب لها ممدووح باعويضان اسئلتو حلوة وفيه اسئلى معرووفة له يكررها فا حتستفيد هي صح ممملة المادة وكم مررة نمت في المحاظرة بس هو يختصرها سريع سريع ويخلص


وهنا الخص كلامي واقوولك بكل بساطة تبغى تنزل متوسطة 2 خذها عند تركي بقشان كووويس

المادة الثانية خذ محاسبة ادراية منهجها مو مررة طويل ويكفى انو الدكتور زايد ابو شناف يدرسها



وإن شاء الله اكون افدتك

اخوووك محمد الجحدلي

[توووbearooيتي]

وعليكم السلام ورحمة الله وبركاته ,,,

تشكر أ / محمد ,,,,,

وبإذن الله تعم الفائده طلاب وطالبات ,,,

[محمد الجحدلي]

المشاركة الأصلية كتبت بواسطة توووbearooيتي وعليكم السلام ورحمة الله وبركاته ,,, تشكر أ / محمد ,,,,, وبإذن الله تعم الفائده طلاب وطالبات ,,,

العفو اختي وان شاء الله يا رب يعم الفائدة الطلاب

يا رب يديني على قد دنيتي



اخوك محمد الجحدلي

[خوي الليل]

هلا محمد كيف الحال
انا بس ابى استفسر التيرم الجي انا عندي محاسبة حكومية كيف هادي المادة ومين الدكتور اللي كويس فيها

[محمد الجحدلي]

المشاركة الأصلية كتبت بواسطة خوي الليل هلا محمد كيف الحال انا بس ابى استفسر التيرم الجي انا عندي محاسبة حكومية كيف هادي المادة ومين الدكتور اللي كويس فيها

طبعا احسن دكتوور طلال سجيني للمادة ذي

اهم شي تكون عندك السئلة هو في تقريبا 100 سؤال اختيارات كلها تجي في الاختار

واهم شي انو الدكتور يعرفك ويحبك لا تكون من الطلال الي يقعدو ورى وحالهم حال نفسهم

لا خليك قداام اول صف وشارك وخليه يعرفك ويحبك واضحك معاه

لانو اذا حبك حتكون اعلى درجة <<<<كان يحبه


يعني من الاخر خذها عند دكتور طلال سجيني وشارك معاه وخليه يعرفك وخذ المية سؤال حقتو

وان شاء الله تجيب فوق ال80 او فوق ال85




تقبل تحياتي اخوك محمد الجحدلي

[M!sS chocolate]

أنا لسى سنه تحضيريه أبغاك تعطيني مفهوم عام للمحاسبه
صراحه سويت بحث في جوجل بس مافهمت ولا حاجه
وموادها غريبه ...

وكيف مستقبلها الوظيفي ...

[محمد الجحدلي]

المشاركة الأصلية كتبت بواسطة m!ss chocolate أنا لسى سنه تحضيريه أبغاك تعطيني مفهوم عام للمحاسبه صراحه سويت بحث في جوجل بس مافهمت ولا حاجه وموادها غريبه ... وكيف مستقبلها الوظيفي ...

والله الصرااحة انا مني عارف ايش اقولك انا الي عندي حقولو
وطبعا ما حيكون شي كامل واذا زيادات من بعض الي في المنتدى اهلا وسهلا


طيب المحاسبة بوجه عام هي عملية تسجل وتحليلي وتبويب البيانات والمعلومات واصالها لمتخذي القرار لاتخاذ القرار المناسب


طيب ايش يعني الكلام المكتوب:

اولا :عملية تسجيل

كيف يعني تسجيل البيانات والمعلومات انت لما تبيع تشتري تقووم بتسجيل الاشياء الي سارت في المنشاءة سوا كان بعتها نقدا ولا بالاجل "على الحساب" او اشتريت بضاعة


ثانيا :تحليل هذه البيانات والمعلومات

يعني احنا بعد ما سجلنا البيانات والمعلومات كيف حنستفيد منها

حنستفيد منها باشياء منها ناحية رقابية على المبيعات كم بااع

ورقابة على المخزوون كم بقي

ومن ناحية تحليلية وهي لتحليل عمل المنشاءة من ربح او خسارة كيف كان الشغل ماشي
وكم تحتاج المنشاءة السنة الجاية عشان تحسن من مستواها وهي القوائم المالية اهمها

قائمة الدخل: تعطيك هذه القائمة نتيجة اعمال المنشاة في السنة من ربح او خسارة وربحية السهم لو كانت شركة مساهمة

قائمة المركز المالي"اهم قائمة": هاذي القائمة تعطيك موجودات المنشاة ومطلوبات المنشاة وحقوق المساهمين "ألملاك" يعني ما للمنشاة وما عليها من ارصدة نقدية واستثمارت وقوة المنشاة في السووق من حيث السيولة وقوتها في تسديد القرووض التي عليها وتبين ما على المنشاة من التزامات كالقروض و هناك حقوق المالكين الي هما الشركاء او المساهمين"اذا كانت شركة مساهمة"

وفيه كمان قائمة التدفق النقدي

وكذا قائمة الارباح المبقاة

وفي قوائم اخرى كمان



ثالثا تبويب البيانات والمعلومات

وهي وضع هاذي البيانات والمعلومات بعد تحليلها في قوائم ليسهل قراءتها

من قبل متخذي القرار لاتخذا القرار المناسب



والنقطة الثانية من ناحية المستقبل الوضيفي


طبعا مستقبلها مضموووون اكثر من باقي الاقساام

بس برضو لازم تشدي حيلك مو تجيبي معدل 2 وتقولي محد قبلني

يعني في منشاة لايقل عن 3 او 4 محاسبين غير مدير الحسابات هاذي بمنشاة صغيرة


وان شاء الله اكون افدتك وما قصرت معاك وان شاء الله تكون وصلت المعلومة


اخوك محمد الجحدلي

[سلطان747]

السلام عليكم
جمعهة مباركه على الجميع
بخصوص الاخ عبدالعزيز 2020 اذا قررت تنزل محاسبة متوسطة وعند الدكتور جمال
ارسلي على الخاص عندي ملخص للمادة