اشياء ومعلومات عن الشرفية .. عشان تتحمسوا لو انقبلتوا فيها :p

[besho2009]

السلام عليكم

ممكن يكون موضوعي بدري حبتين .. بس عشان حسب توقعاتي انه دي اليومين راح تقفل السليمانية

وتفتح الشرفية ابوابها :p >> مني متاكدة اكيييد بس انو حسب السنة الي فاتت ..

وممكن يكون كلامي غلط فكل شي جايز ..

الموهيييم ، اتذكروا دايما الخيرة فيما اختاره الله لاتزعلوا على شي ..

ربي لو حطك في فرع الشرفية فمهي نهاية الدنيا والشرفية زي مالها عيوب لها مميزات

ومميزاتها اكتر كمااان ..

بما اني كنت فيها فحابة اتكلم عنها شوية

اول شي فيها بوابتين :

البوابة الرئيسية >> دي الي دايما ندخل منها احنا كلنا

البوابة التانية >> دي لطالبات السكن ( على فكرة في سكن خاص للشرفية) , وللدكاترة هما بس

يدخلوا ويخرجوا منه ..

ــــــــــــــــــــــــــ

فرع الشرفية فيها 6 مباني او 5 تقريبا مني مفتكرة ..

هوا مكان ملموم كدا حبتين ومايضيع ابداااا ..

والكلاسات دايما تكون في مبنى 3 ومبنى 6 واغلبها في 3 :)

مبنى 6 >> كنا ناخد فيه اشياء معينة زي الحاسب , ومهارات الاتصال , احصاء مممكن وكدا مسلن


اما المباني الباقية زي :

مبنى 2 >> للادارة هناك نروح نسال عن اي شي ونلاقي مسؤؤلة التحضيري فووق ونقدر نطبع

جداولنا ونستفسر وكدا يعني .. مانروح لداك المبنى الا للضرورة ..

مبنى 4 >> على ما اعقد هوا اللي فيلو المكتبة : تبيع كل كتب التحضيري وتبيع مراسم واقلام وملخصات

ونماذج اختبارات ونقدر نصور هناااك وكل شي

وجمب المكتبة في مكتب لموظفة الامن , واتزكر كمان هناك المسؤؤلة الي اعطتنا وقتها بطاقات البنك

وبرضو في نفس مبنى 4 فووق استاذات المعهد ( حق الانجلش ) والمسؤلات وكلووووو

اي سؤال عن الانجلش تروحي داك المبنى بسس فووق الدور التاني ..


مبنى 5 >> بكل امانة داك المبنى ماقد طبيتو في الحياة اتوقع انو للاستازة او شي زي كدا

عموما مايحوج اي احد يروحلو ..

ـــــــــــــــــــــــــــ

وبييين دي المباني في ساحة كدا زي ماشفتو في الصور ( الساحة الخضراء ) زرع وحركات


ــــــــــــــــــــــ

الاكل :

فيه كفتريتين وحدة اول ماندخل من المبنى الرئيسي نشوفها >> على اخر السنة سارت تبيع باسكن


والتانية جوا مبنى 3 >> تبيع كدا فطور خفيف وشوية شبسات وحلويات

بس والكافتيريا الاولى هيا الاكبر وفيها اشياء الزز كدا


ــــــــــــــــــــــ

اشياء عامة عنها :

* لو تبي مسلن استازة معينة تساليها فين مكتبها بعضهم يكون في 3 الدور الاول , او التاني وكدا

* لكل مبنى مسؤؤلة وليها مكتب تقدري تروحي تساليها

* مبنى 3 >> فيلو 3 ادوار ومبنى 6 >> فيلو دوريين ..

* ماكانوا يدققوا على جوالات الكاميرا ابدااا .. تلات ارباع البنات بي بي وايفون

* اللبس تنانير لانو مشددين على البناطيل مررة واهم شي التنورة ماتكون مرة قصيرة

وعادي اي لون مسمووح

* زمان كانوا يفتحوا بوابة الخروج الساعة 10 على الترم التاني ساروا يفتحوه عادي في اي وقت :)

* احمسسس شي كلنا قددددد بعضضضضضض ومافي احد اكبر من احد :p

وكلنا نحسس بمعاناة التانيين :p

* جداول الاختبارات يعلقولنا هيا والدرجات احيان كمان وكدا دايما نلاقي اعلانات معلقة في كل مكان ..

* درجاتنا كانت تنزل اول شي قبل السليمانية :p

ـــــــــــــــــــــــــــــــــــ

عيوبه :

* الدكاترة مو دايما يكونوا موجوديين لانهم مسلن لو درسوكي سبت واتنين وربوع مايجو احد وتلوت

فانتي لازم تسالي دكتورتك عن دا الشي

* انا كنت انقهر من حكاية لمن يفتحوا الباب من 10 وزي ماقلتلكم غيروه ع الترم التاني

إن شاء الله انتو يكونوا نفس الشي ..

وبسسسسس دا الي افتكرو واي احد عندو اضافة لايبخل :)

وهيا سنة عدت بحلوها ومرها :)

ودحين احنا سرنا الحمد لله في السليمانية ..

وهذي صور للشرفيه ..
http://www.skaau.com/vb/showthread.php?t=424352

بالتوفيييق للجميع ...

[*sweet smile*]

مشكورة اختي على الموضوع الرائع

حاسه اني داخلة عرض بس ما حبيت اخرج بدون رد

و لاني حصل لي موقف و تمنيت لو وحدة تعمل فيني خير و تنزل موضوع تفهمني كل شي

عن المباني و .......

لاني حاسه بنفس الشعور اول ما دخلت الجامعة ( الفرع الرئيسي )

و الله تهت توهة ما من بعدها توهة قعدت حوالي اسبوعين عشان بس استوعب فين هذا و فين هذا هههههههه

بس بالنهاية كانت ذكريات حلوة صراحة

بالتوفيق =)

[besho2009]

المشاركة الأصلية كتبت بواسطة *sweet smile* مشكورة اختي على الموضوع الرائع حاسه اني داخلة عرض بس ما حبيت اخرج بدون رد و لاني حصل لي موقف و تمنيت لو وحدة تعمل فيني خير و تنزل موضوع تفهمني كل شي عن المباني و ....... لاني حاسه بنفس الشعور اول ما دخلت الجامعة ( الفرع الرئيسي ) و الله تهت توهة ما من بعدها توهة قعدت حوالي اسبوعين عشان بس استوعب فين هذا و فين هذا هههههههه بس بالنهاية كانت ذكريات حلوة صراحة بالتوفيق =)

اهلين حبيبتي نور الموضوع ..

وانا على قولتك لاني كنت حايسة العام واتمنيت احد يساعدني مع انو المكان صغير بس كبداية كدا

ما كنت اعرف شي فيلو :( ..

عشان كدا عملت الموضوع ..

وصراحة الله يستر من السنة الجية بما اني في السليمانية واول مرة والمكان اكبر يعني اوووم الحوسسة

[*sweet smile*]

المشاركة الأصلية كتبت بواسطة besho2009 وصراحة الله يستر من السنة الجية بما اني في السليمانية واول مرة والمكان اكبر يعني اوووم الحوسسة

عاتي اذا تبي تعرفي عن اماكن المباني او اي شي عن فرع الرئيسي

ما يردك غير الكيبورد

صرت خبرة في اماكن مباني الجامعة من كثر اللف و الدوران فيها

[besho2009]

المشاركة الأصلية كتبت بواسطة *sweet smile* عاتي اذا تبي تعرفي عن اماكن المباني او اي شي عن فرع الرئيسي ما يردك غير الكيبورد صرت خبرة في اماكن مباني الجامعة من كثر اللف و الدوران فيها

يناااااااااااسسسس يسعدك صراحة ..

دا من زوقك

خلاص لازم بما اني مستجدة عندكم تعلمولي جولة وتوروني المباني وكل شي

[*sweet smile*]

المشاركة الأصلية كتبت بواسطة besho2009 يناااااااااااسسسس يسعدك صراحة .. دا من زوقك خلاص لازم بما اني مستجدة عندكم تعلمولي جولة وتوروني المباني وكل شي

سورري كتير على ردي المتأخر

بس ما شفت موضوعك الى الحين

حبيبتي فيه اذا تبي

الاخوات الله يسعدهم السنة اللي فاتت عملوا قروبات بنات

تأخذهم في جولة حولين الجامعة و تعرفهم بالمباني اذا قدرتي دخلي نفسك معهم

او حتى اسألي البنات اللي يمشون بالعكس مرة متعاونين الله يسعدهم يا رب

بالتوفيق =)

[لجين الشريف]

بيشو بليز ردي عليا
ذحين كول اللي في الشرفية على طول يتحولوا دايركت للمقر الرئيسي

[besho2009]

المشاركة الأصلية كتبت بواسطة لجين الشريف بيشو بليز ردي عليا ذحين كول اللي في الشرفية على طول يتحولوا دايركت للمقر الرئيسي

حسب تخصصك حبيبتي وحسب معدلك

مسلن التخصصات الي في السليمانية :

الكليات الصحية كلها , ادارة واقتصاد , اقتصاد منزلي , علوم , حاسب

التخصصات الي في الفيصلية :

الي اعرفو علوم وحاسبات >> لاحظي في منهم في السليمانية

فهنا للمعدل والدرجة الموزونة دور : )

إن شاء الله تكوني فهمتي قصدي ..

[The Silent Pain]

انا عشان اجيب مبنى مراجعتي لفيت الين نص تانكي البنزين خلص ههههههههههههههههه
قلت لابويا من كبر الجامعة بشتري لي دراجة نارية عشان الحماس ههههههههه وادخلها المحاضرات معايا

والحين افكر كيف لو كملت مع الجامعة والمباني الله يعين كل دوار و اللوحة واقرا واذا فوت لوحة اعتبر نفسك بتضيع 20 دقيقة والله يعين

ادري داخل غلط بس موضوعك حلو لانك تساعدي الناس في اشياء انتي جبتي العيد فيها

اما الان حان وقت ابو زيد هههههههههههه

سلام

[لجين الشريف]

مشكورة
بس كم المعدل المطلوب للفرع الرئيسي