مشكلة Lane 216 لله المشتكى ولا انا غاسله يدي من هالجامعه ؟

[[ نون ]]

السلام عليكم ورحمة الله وبركاته

بصراحه شي غريب اللي يصير في الجامعه

انا طالبة انجليزي انتظام .. اخذت Lane 213 الترم الاول و نجحت فيه بـ 76

وما اعتقد هالدرجة مصادفه ولا دفه ولا مجامله

هالترم اخذت Lane 216 و كل شي ماشي تمام و درجتي بأول اختبار تعتبر مقبوله

لكن في نهاية الترم جاتنا الدكتورة مأثر الراوي و قالت شوفوا لكم شعبة ثانيه انا ما اقدر ادرسكم !!

و بدأت رحلة البحث عن شعبة متوافقه مع الجدول .. طبعا لقينا عند استاذه من مركز اللغة اسمها هيفاء الرياني لكن المشكله مو هي اللي تصحح اوراقنا اللي يصححها دكتورة امل شعيب

و هذا خذلك مثل ما يقولون ( كل شيخ وله طريقته )

طيب احنا وش ذنبنا اذا كل وحده تشرح و تصحح على مزاجها و اخر شي يقولون اللي يصحح الاوراق لجنة !!

و اخرتها اخذ اف !!

يعني انجح في كل المواد و مو باقي لي الا مواد اخر ترم و توقف لي هالماده !!

يعني هل معقول انا ما اعرف اكتب !!

طيب كيف نجحت فيها الترم اللي فات و بـ 76 !!

يعني جاملوني الترم اللي فات و لا ظلموني هالترم !!

اللهم اجرني في مصيبتي واخلفني خيرا منها

بصراحه حالتها صعبة هالجامعه !!

[اللهلوب]

هدئ اعصابك

هذي الماده الان عديتها بعد محاولتين فاشله .. بس الثالثه الحمد لله مشى الحال

يعني ..

الله يعينك

[مملكة عمري]

الله يعوضكـ خـــير أختـــــي

إن شاء الله خيرة

[زيـــنـــة]

أنا نفس مشكلتك عزيزتي ، في الأول أخدت 87 و التاني رسووووب ...

بس أنا آخد مع رشا قزاز حسبي الله عليها

انا متأكدة انو اللي نجحوا يتعدوا عالأصابع ، المشكلة مو هنا ، المشكلة انو مافي أحد يوقف في وجههم و يحاسبهم على اللي هما بيعملوه!!!!!!

و الله حرام عليهم ، المفروض انا اكون متخرجة الترم الجاي ، و يسووا كدا !

يا بنات و شباب ايش رأيكم كلنا نكتب أسماءنا و نرسلها لعميد شؤون الطلاب أو عميد كلية الآداب أو نوصل الموضوع لمدير الجامعة عشان يشوف الإهمال و التسيب و قد ايش احنا بنتعب و في النهاية نرسب !

اذا توافقوني انا اول وحدة تحط اسمها و ترسل معاكم ، ترى لو قعدنا دايما ساكتين و خايفين مافي احد حيطالع في وجهنا ، بس اذا اتكاتفنا و حطينا يدنا في يد بعض أكيد بإذن الله حنعدي ...

حتى لو مافي أحد يسمع لنا عالأقل سوينا اللي علينا و الباقي على رب العالمين ...

بس أهم شي كل واحد ووحدة فينا يقول حسبنا الله و نعم الوكيل ...

[فجر الأعياد]

المشاركة الأصلية كتبت بواسطة زيـــنـــة أنا نفس مشكلتك عزيزتي ، في الأول أخدت 87 و التاني رسووووب ... بس أنا آخد مع رشا قزاز حسبي الله عليها انا متأكدة انو اللي نجحوا يتعدوا عالأصابع ، المشكلة مو هنا ، المشكلة انو مافي أحد يوقف في وجههم و يحاسبهم على اللي هما بيعملوه!!!!!! و الله حرام عليهم ، المفروض انا اكون متخرجة الترم الجاي ، و يسووا كدا ! يا بنات و شباب ايش رأيكم كلنا نكتب أسماءنا و نرسلها لعميد شؤون الطلاب أو عميد كلية الآداب أو نوصل الموضوع لمدير الجامعة عشان يشوف الإهمال و التسيب و قد ايش احنا بنتعب و في النهاية نرسب ! اذا توافقوني انا اول وحدة تحط اسمها و ترسل معاكم ، ترى لو قعدنا دايما ساكتين و خايفين مافي احد حيطالع في وجهنا ، بس اذا اتكاتفنا و حطينا يدنا في يد بعض أكيد بإذن الله حنعدي ... حتى لو مافي أحد يسمع لنا عالأقل سوينا اللي علينا و الباقي على رب العالمين ... بس أهم شي كل واحد ووحدة فينا يقول حسبنا الله و نعم الوكيل ...

أنا سمعت من كم بنت انتساب وانتظام وعددهم مو قليل ناويين يكتبوا معاناتهم في قسم الانجليزي في اكثر من جريدة بس بوقت متفرق والبنات ماقصروا بصراحة راحوا وتكلمو بالقسم الترم اللي فات بس مالقوا اي تجاوب حسب كلامهم والان رح يتكلموا بالجريدة

بس اللي اعرفوا انه في بنتين وحدة قريبها في حقوق الانسان والثانية عندها محامي خاص بس البنات ينتظروا رد البنتين

والله يوفق الجميع يارب

[مملكة عمري]

مشكلة الرايتنق أنه موهبة مو أي أحد يتقنها
الكتابة صعبة وهذا الشي مو مأخوذ بالحسبان في التصحيح
يعني مايحاسبونك على القواعد والاملاء بس إلا كمان على الافكار والاسلوب

بالنسبة لـ أ. رشا قزاز الحق ينقال تشرح زين
إلاّ ممتازة في توصيل المعلومة
لكن الله يهديها دقيــــــــــــقة في التصحيح
وعلى قولتك اللي نجحوا قليييل

يلا انتم شدوا حيلكم وحاولوا تطورا نفسكم في الكتابة
الله يوفقكم خــــير
لاتحطوها عقبة في طريقكم للنجااااح
وان شاء الله الترم الجاي تنجحوا فيها بأعلى الدرجاااات

[زيـــنـــة]

أنا ماراح أسكت عن حقي عشان مادة كتابة عزيزتي

ربك ما يغفل ولا ينام ، اذا هيا شاطرة ما تفرض شطارتها علينا ، و إذا كان عالأسلوب و الكلام دا فـ مو معقولة كل البنات دول ما عندهم أسلوب ولا يعرفوا يكتبوا !!!

الله ماشفناه بالعقل عرفناه ، اذا هيا دقيقة في تصحيحها مو معقولة تطلع نص الشعبة رسوب ، و المشكلة انو كتيييير بنات من شعب تانية كمان مو بس من شعبة رشا رسبوا و ما نجحوا في المادة ، إذا كان التصحيح جماعي فـ دا يعني انها لعبة ملعوبة علينا عشان يأخرو تخرجنا بكيف ما كان !

استحااااالة يكون دقة في التصحيح سبب في فشل كل العدد دا من البنات ، بس الحق مو عليهم ، الحق عاللي سايبهم و مو مراقب أفعالهم السيئة .!.

الدقة المفروض تطلع شي كويس ، و مافي معيار مستند اليه عشان يرسبوا كل البنات بالشكل الظاهر دا ،،،

[majed99]

اختي زينه ارجو ان تهدي شوي من اعصابك

ان شاء الله ما يضيع حقك عند ربك

عموما الظلم حاصل في كثير من الدكاتره

ان جالس احاول اجمع كم شخص ونرسل لمدير الجامعه بالمشاكل الحاصله

بس بشرط يكون الشخص اللي عنده مشكله مـاكد انه مظلوم ( يعني مو جاي يذاكر قبل الامتحان بيوم ويجي يقول ظلم )

عموما حاولي تهدي وتجمعي افكارك وتشوفي الاشياء الغلط وترسلينها على مدير الجامعه

ربي يوفقكم ويوفقنا ويبعد عن F

[زيـــنـــة]

ماجد ، المشكلة اني انا راسلت مدير الجامعة قبل كدا بس ما رد عليا ، طبعا وحدة ما تسوي شي ، لكن لو كلنا نكلمو و نكتب أسماءنا أكيييييد في أشياء حتتغير بإذن الله ...

الوضع في الجامعة سار لا يطاق و أنا حقيقة مو قادرة أتحمل ، هما مفكرين نفسهم أشطر مننا و أكبر مننا

بالله يا بنات و يا شباب ، أنا قلت لكم مستعدة أحط اسمي أول وحدة بس أضمن انكم حابين تشتكوا ، و كل اللي عندهم شي بيعانوا منو يبلغ التانيين عشان نجمع أكبر عدد ممكن من الأسماء و نرسلها لمين ما كان ...

[PACIFIC OCEAN]

إن شاء الله تعديها في الفصل الجاي ..

وبخصوص هالمادة لا يضيق صدرك إذا مو كل الطلاب وأنا منهم رسبوا فيها نقدر نقول السواد الأعظم ::

أنا حملتها مرة واحدة وبعضهم مرتين ... هذي المادة أحسن تسمية لها :

مثلث برمودا

والله يعوضك خير والجميع إن شاء الله ،،،