نصائح عامة 2

[pharm.d .s]

بسم الله الرحمن الرحيم
اليوم حبيت اتكلم عن موضوع مهم للغاية
1- وهوا المزاكرة في الكلية .....
طبعا كليتنااا من الكليات الي تحتاج مزاكرة تركيز مع وجود كمية لابأس فيها من المحتوى العلمي
ودايما اقول اغلب الدكاترة تهتم بالكم وليس بالكيف ....
بس في حاجة لازم الطلاب \ الطالبات يركزوا عليهاااا
اسئلة السنوات السابقه
مرا حاجة مهمة الواحد يطلع على هادي الاسئلة لانو الدكاترة ما يتغيروا وكمان والاسئلة تتكرر مع السنوات بشكل كبير
علاوة على كدا لازم الواحد يفهم طريقة كل دكتور في وظع الاسئله لانو في مواد موجود فيها كمية مهوله من المعلومات مستحيل الواحد يقدر يحفظها كلها ممكن ترجعوا للي قبلكم بالنسبة لكل دكتور يركز علية اية ويحب يجيب اية او كيف طريقه المزاكرة للمادة طبعا لاتعتمدوا على رائي واحد
وكمان لا تخلوا ظميركم واسع اقرؤا المناهج كلوا بس في بوينت لازم تركزوا عليهااا

2-المعدل :
طبعا انتوا عارفين انو نظام حساب المعدل اتغير وسار متساوي بين السنوات ( الله يعينكم )
والمعدل مهم في حاجة مصيرية الي هياااا:










اختيار المستشفى في سنة الامتياز ..
( على حسب اخر سنتين يعني )
وصدقوني مرا تفرق معاكم انكم تتخاروا المستشفى الي راح تقضوا فيها سنة الامتياز فحاولوا تخلوا معدلتكم عالية

[MaJnOnHa]

والله قهر لما سمعت خبريه المعدل من جد قهر يعني الحين ايش حادهم ع التحضيري ودي لو يخلوننا نبدأ من جديد لان معدلي بالتحضيري حلو لكن مو مررره ابي انا ابدأ من جديد واخليه top بس للأسف :-(


شكرا ع المعلومات المفيده ويآلله كل يوم نتحمس زيآده ..


بس سؤال اختي انتي متى تبدين مذآكره ؟ .. يعني نذاكر يوميا ولا نهاية الاسبوع ولا كيف ؟!



وكيف تشوفي الدوام مضغوووط مره ولا عادي ؟

[pharm.d .s]

المشاركة الأصلية كتبت بواسطة majnonha والله قهر لما سمعت خبريه المعدل من جد قهر يعني الحين ايش حادهم ع التحضيري ودي لو يخلوننا نبدأ من جديد لان معدلي بالتحضيري حلو لكن مو مررره ابي انا ابدأ من جديد واخليه top بس للأسف :-( شكرا ع المعلومات المفيده ويآلله كل يوم نتحمس زيآده .. بس سؤال اختي انتي متى تبدين مذآكره ؟ .. يعني نذاكر يوميا ولا نهاية الاسبوع ولا كيف ؟! وكيف تشوفي الدوام مضغوووط مره ولا عادي ؟

طبعا احب ابشرك انو كليتنا كل يوم بقرار يا دكتور ممكن تلاقي بكرة طالع قرار يطلعون التحضري من المعدل اكيد ماراح استغربها
بس ان شاء الله تقدر ترفع معدلك وربي لو عرفت تزاكر مزبوط راح تزبط نفسك مرااا
اهم شيء تكون متحمس هوا الي راح تبدع في الكلية
اما بالنسبة للمزاكرة انا اقرا المحاضرات الي اخدتها قبل ما اخد محاضرة جديدة وطبعا مو كل المواد المواد الدسمة بس وقبل الكوز ازاكر كل الدونيا مزبوط طبعا لازم قروب ستدي لانو مرا تساعد
وكمان لا تجي محاضرتين في مادة دسمة بدون ما تكون قارئ الي قبلها
طبعا لاتخلي اول مرا تفتح فيها المنهج ايام الكوزات لانوا مصيبة كدا بصراحة
بالنسبة للدوام احنا ياشيخ اخر دفعة انهرت بالنظام القديم
دخلنا سنة اولى طوالي دوام من 8 الى 4 ولا ساعه نقصان وبريك ساعه بس في النهار ومواد جبارة
بعد سنة الهلاك ما حسينا اي سنة كانت صعبة علينا بالعكس الدوام سار خفيف عن اولى
فشهادتي مجروحة الصراحة
ترى حتى سنة تانية بالنسبة ليا اسمها سنة الراحة لانو تقريبا البايوكمستري نص مواضيعوا اخدنها في البايو والانتومي والفسيولوجي كلوا اخدناه في البايو ومع الشابنر ما كان عندنا مشكلة بالمصطلحات الطبية فيعني السنة الي قبلكم هما عاشوا نفس ظروفكم وراح يساعدوكم احسن مني

[MaJnOnHa]

طيب سؤال محيرني الكوزات بمواعيد ولا بعض الدكاتره يفاجئ الطلاب + فيه دكاتره معقدين ويعقدو الماده علينآ ولا كلهم طيبين ؟

[pharm.d .s]

المشاركة الأصلية كتبت بواسطة majnonha طيب سؤال محيرني الكوزات بمواعيد ولا بعض الدكاتره يفاجئ الطلاب + فيه دكاتره معقدين ويعقدو الماده علينآ ولا كلهم طيبين ؟

لا الكوزات بمواعيد ثابتة وجدوال تنزل من الادارة طبعا انتوا تعملوا الجدول مشترك بين البنات والاولاد يعني لازم تتفقوا على جدول واحد عشان الادارة ما تحط جدول خنفشاري
اغلب الدكاترة طيبين بس في كم دكتور اسئلتهم الله لا يورك بس الي حلو عندنا انو المادة يدرس على الاقل 2 دكاترة وممكن توصل الى 3 او 4 دكاترة فيعني ازا خبصت بجزئية دكتور اكس تقدر تجيب درجات عند الدكاترة التانين
بس ترى ممكن انت تكون عندكم مشكله مع دكتور فلان بس الناس شايفينها عادي مرا
على سنتنا لما كنا خامس كنا متعقدين من دكتور الدفع الي جات بعدنا مرا مرتاحين معاه ودكتور تاني عقدهم فيختلف من ناس لناس
اسمع كلامي ولا تبني رائيك على تصورات شخص تاني لانو راح تروح في دهية <<< اسأل مجرب

[Arrwa]

طيب يا اختي ومن فين نجيب اسئلة السنوات السابقة ؟؟

[pharm.d .s]

المشاركة الأصلية كتبت بواسطة arrwa طيب يا اختي ومن فين نجيب اسئلة السنوات السابقة ؟؟

اسئلوا الليدر تبعت السنة الي قبلكم
لانو كل سنة احنا نورث اسئلتنا للسنة الي بعدنااا والعملية مستمرة

[MaJnOnHa]

آه وسؤال ثآني كم كويز راح ناخذ ومواعيدها متى تكون ع الاغلب ؟

[pharm.d .s]

المشاركة الأصلية كتبت بواسطة majnonha آه وسؤال ثآني كم كويز راح ناخذ ومواعيدها متى تكون ع الاغلب ؟

كل ترم في كوز واحد فقط اغلب المواد كدا ويكون تقريبا على الاسبوع السادس او السابع

[Qotaiba HBK]

مشكورة وجزاك الله ألف خير .. ~

.
طيب سؤال من ناحية اصعب سنوات الصيدلة باستثناء ثانية، طبعاً بـ شـكل عـام .. ايش بـ رأيك الأصعب ثالث ولا رابع ولا خامس .. ؟
.

+

.
سمعت انه فـ سادس ( الامتياز ) فيها اختبار شامل نهاية السنة .. يعني الزبدة أبغى أعرف لازم أكون مُلّـم بـ كل اللي درستـه من ثاني .. ؟