بخصوص الجدول >>مستجدة !

[pink11shadows]

بسم الله الرحمن الرحيم


حابه اسأل عن الحذف والإضافه في تخصص القانون يعني الماده اللي مكتوب عليها 3 ساعات يعني مقصود 3 محاضرات في الاسبوع لان كل محاضره بساعه او 3 محاضرات يوميًا ؟
واذا كانت ثلاث ساعات اسبوعيًا يمديني اخليها في يوم واحد ؟
لأني ابغا اخلي ثلاث ايام اوف ويومين دوام لاني ماتحمل الشمس على طول اتعب ...وانتو عارفين شمس الجامعه
ومتى يتقفل الحذف والاضافه ؟

[sosoana121]

مباديء القانون مثلاً ( وهي مادة ب 3 ساعات ) اما ان تدرسيها ؛

في 3 ايام من ايام الأسبوع ( سبت و اثنين و اربعاء)
بمعدل ساعه في كل يوم من ال 3 الأيام
لكن فعلياً مدة المحاضرة تكون 50 دقيقه فقط

او ان تكون المادة تدرس أحد و ثلاثاء
بمعدل ساعه و نصف في كلا من اليومين
و ايضاً الوقت الفعلي هو ساعه و 20 دقيقه

:::::::::

نعم ممكن ترتبي جدولكِ و تضيفي المواد المراد دراستها بشعب الأحد و الثلاثاء

بالتوفيق

[pink11shadows]

ماينفع تكون في يومين جنب بعض يعني سبت واحد !!
وبالنسبه للمواد الحره اختارها من اي كليه ابغاها والماده اللي ابغاها ؟

[سكووت]

المشاركة الأصلية كتبت بواسطة pink11shadows ماينفع تكون في يومين جنب بعض يعني سبت واحد !! وبالنسبه للمواد الحره اختارها من اي كليه ابغاها والماده اللي ابغاها ؟

هو على حسب الشعب المتوفرة , و دائما شعب البنات قليلة و دا الشي يصعب عملية ترتيب الجدول زي ماتحبي .. فالمواد اللي بثلاث ساعات تيجي مقسمة على سبت و اثنين و ربوع
والمواد اللي بساعتين عادة تكون مقسمة على احد و ثلاثاء ..

اما قصة انو تاخدي يومين او ثلاثة اوف , في تخصص الانظمة بشطر الطالبات صعب انو يسير كدا لأنو الشعب مرة محدودة و ماهي موزعة على كل ايام الاسبوع للمادة الوحدة زي التخصصات التانية اللي يكون عندهم شعب كتيرة للمادة الوحدة,انا قبل سيمسترين كان عندي يومين اوف احد وثلاثاء و بالحظ جاتني ,لكن السيمسترات اللي بعد كدا ماقدرت اخد اوف ,لأنو في مواد محتاجتها تكون سبت اثنين ربوع مواد تانية مهمة تكون يوم الاحد و الثلاثاء


بالنسبة للمواد الحرة براحتك من اي كلية

[sosoana121]

المشاركة الأصلية كتبت بواسطة pink11shadows ماينفع تكون في يومين جنب بعض يعني سبت واحد !! وبالنسبه للمواد الحره اختارها من اي كليه ابغاها والماده اللي ابغاها ؟

مستحيل ترتبي جدولكِ ع السبت و الأحد فقط
او اي يومين متتاليين فقط ،، الا اذا كانت
المواد ب ساعه واحدة

و مستحيل مره أخرى ان تجدي
مواد تخصص بساعه واحدة ،، لأن الغالب
ع مواد الخطة ان تكون عدد ساعاتها 3
و قلة من المواد ب ساعتين
ومادة يتيمة اختيارية بساعه واحدة هي قانون البحار
وهي غير متاحة لنا أيضاً

نظام الجامعة في تدريس المادة الواحدة بصفة عامة
اما سبت و اثنين و اربعاء: لمادة الثلاث ساعات فقط
او احد و ثلاثاء : لمادة الثلاث ساعات و لمادة الساعتين
سبت و اثنين فقط : لمادة الساعتين
اثنين و اربعاء فقط : لمادة الساعتين
يوم واحد في الأسبوع : لمادة الساعه الواحدة


المواد الحرة تحصليها امام الشئون الأكاديمية للكلية
وموجود نسخة عند كل مشرفة
راجعيها قبل اي اضافه حتى لا تدرسي مادة و لا تحتسب لك

بالتوفيق لك

[pink11shadows]

الله يوفقكم إن شاء الله