الله يسعدو\ها اللي ترد عليا

[zOmA]

السلام عليكم ورحمة الله وبركاته

لو سمحتم عندي كم سؤال يعني أسأل وتردوو عليااا ضروروري , دحين لو ابغى اتخصص
تقنية معلومات كم المعدل المطلوب عشان ادخلو ؟؟؟؟

تخصص حاسب وتقنية معلومات لازم مسار علمي ولا ادآب وعلوم إنسانية ؟؟؟

وانا دحين خلصت السنه التحضيرية مسار ادبي وعلوم إنسانية ابغى اتخصص تقنية معلومات ايش اسوي ؟؟؟

ايش افضل علوم الحاسب ولا تقنية المعلومات ولا البرمجة ؟؟

وايهما افضل في مجال العمل ؟؟؟

وآسففه على الإطاااااله



وشكرا

[zOmA]

وينكم يا شباب محد يرد عليا كلكم تقروو الموضوع ولا تردو

[zOmA]

حراام عليكم ليه محد يرد عليا أبغاكم تجاوبوني ضروووري

[رموز الحياة]

وعليكم السلام والرحمة والبركة
معليش يابطة من امس احاول ارد على رسالتك بس للاسف كل ما اعتمدت المشاركة يطلع لي انت غير مسجل<< ترا بالعافيه خلاني عضو من اعضائه هع هع
نجي على المووهم

دحين لو ابغى اتخصص تقنية معلومات كم المعدل المطلوب عشان ادخلو ؟؟؟؟
عزيزتي المعدل على حسب كم وحده في دفعتك حابه تدخل حاسب يعني هما بالعاده يأخذوا تقريبا 150 طالبه وبالاولويه ،،العام قبلوا جيدجدا اللي هما عالنظام الجديد،، بس على دفعتنا كان المعدل امتياز،،والشغله مقدرة ومكتوبه ورياارب يتحقق مناك

تخصص حاسب وتقنية معلومات لازم مسار علمي ولا ادآب وعلوم إنسانية ؟؟؟
اممممم بصراحه ماابغى احطمك لان مسارك اداب بس اللي اعرفه ان مسار الحاسب علمي الا اذا تغير النظام مع النظام الجديد ،،

وانا دحين خلصت السنه التحضيرية مسار ادبي وعلوم إنسانية ابغى اتخصص تقنية معلومات ايش اسوي ؟؟؟
شوفي ياعسلة هما يمشوا معاكم خطوة بخطوة يعني يقولوا لكم متى موعد التسجيل ومتى يقفل وكمان يحددوا لكم الكليات لكل مسار ،، قبل كل شي لازم تدرسي ترم حاسب وبعدين تدخلي تقنيه او نظم او علوم مو دايركت تقنيه

ايش افضل علوم الحاسب ولا تقنية المعلومات ولا البرمجة ؟؟
من فين جبتي برمجه هع هع ،، اممممممم انتي بعد قبولك بالحاسب راح يعملوا لكم محاضرة ايش الفرق بين الثلاث الاقسام( تقنيه- نظم -علوم) واذا ماعملوها لكم انتم طالبوا فيها ،، وبعدين مافي شي اقولك افضل من شي يعني امكن انتي تميلي لقسم غيرك مايميل له وانا اميل لحاجه انتي ماتميلي لها فهذا انتي اللي تقرري،،

وايهما افضل في مجال العمل ؟؟؟
جينا عالسؤال اللي يوقع عالجرح شوفي يازوما الارزاق بيد الله وثقي تماما ان اللي ربي كاتبه لك حتأخذيه،،
اتركي مسألة الوظيفه والعمل لوقتها ،، وبعدين كلنا مانعرف فين الخير لنا ،، انتي الحين كل اللي عليك انك تدخلي قسم انتي حاااااااااااااااااااااااابته وعندك رغبه فيه مو علشان هذا مستقبله افضل والا غيره افضل ،،علشان ياعسله ماتجي في نص سنواتك الدراسيه تندمي على دخولك قسم انتي بالاساس ماكنتي حابته و بأذن الله ماتواجهي هالمشكله ،،
وعلى قولتهم انتي بالبدايه استخيري وتوكلي على ربك وادخلي قسم تحبييييه
الله يسهل عليك ويحقق مناك

وتشرفينا وتنورينا بالتقنيه


اي سؤال لايردك الا كيبوردك هع هع

[Oo 3soOola oo]

وانا دحين خلصت السنه التحضيرية مسار ادبي وعلوم إنسانية ابغى اتخصص تقنية معلومات ايش اسوي ؟؟؟

انا اعرف انهم يقبلو مسار علمي بس

[wawa_wawa]

ايوا حتى انا اعرف انهم يقبلوو مسار علمي بس .. بس انا اساسا علمي ولما جيت دخلت انتساب .. حطوني اداري وانساني


اهئ اهئ .. والله حرام .. بس انا وحده قالتلي مداكي .. تدخلي ترم اداره واقتصاد او اداب وبعدين تحولي حاسب لما تجيبي

معدل حلو طبعن .. بس مني عاارفه وانا حموووووووووت لو ماتخصصت حااااسسب حاسه نفسي القسم الوحيد


الا حاابدع فيلوو .. الله يعين .. ويكتبلنا الخير

[Oo 3soOola oo]

شدي حيلك وجيبي معدل عالي وحولي

وإن شاء الله يقبلوكي مافي شي مستحيل اهم شي يكون عندك امل + اصرار

[wawa_wawa]

ابا اسألك ياعسوووله .. هما نقلوو الكليه حقت الحاسبات .. لرابغ ؟.؟


لاني بقرا في اخبار الجامعه نقلو الهندسه والحاسبات بس مني عارفه حقتنا ولا الاولاد .. بس كده مره بعيد .. يووووو

[Oo 3soOola oo]

لا ما نقلوهااا

بس في فرع فرابغ هندسة وحاسب طلاب ماادري في بنات او لا

[wawa_wawa]

اها .. يعني الحمدلله حقتنا في ,., والله اتفجعت .. قولت ايش يوديني راابغ .. يسلموو ياعسل ..