يا حظي الردي :(

[أنثىْ لأ تنحنَيِ }`]

سلااااااااام

بنات انا مره متحطمه

كنت ناويه ادخل فرنسي

بس انصدمت اني انقبلت جغرافيا

وابغا اعرف التحويل بعد تيرم ؟؟ وكم المعدل الازم للتحويل للفرنسي

واذا ماجبت هالمعدل ينفع التيرم اللي بعدو احول ولا خلاص

ياليت تردون عليا

[manar7000]

يا قلبي عليكي

واللهي حاسه بمعاناتك

كنت ابغى اعلام وحطوني جغرافيا

بالنسبه للتحويل

انا اعرف انو بعد تيرم

اما المعدل فماعندي اي فكره

وإن شاء الله الباقيين ينفعوكي

[أنثىْ لأ تنحنَيِ }`]

شكرا ياقلبي


وين الباقيين

انقذونا من هول مصيبتنا

[ندووو]

والله انا كماان حاسة بي معانتكم لانوا كنت ابغى علم نفس ودخلوني تاريخ انا برضو اعرف انوا بعد ترم بس شفت واحدة كاتبة انوا بعد ترميين بس الله يستر ان شاء الله يكون بعد ترم

[دلع واسلوبها ولع]

نحن السابقون وأنتم الاحقون

انا صار لي نفس الكلام
كنت ابي انقليش و دخلوني مكتبات بس جلست ترم و حولت و الحمد لله انقبلت
اما بالنسبه للمعدل للفرنسي
ما يطلبوا معدلات عاليه انا اعرف بنات معدلاتهم 2 و دخلوا فرنسي بس انتي حاولي ترفعي معدلك و بأذن الله رح تحولي و بالتوفيق للجميع.

[مضيعه]

نفس معانتي

انا كنت ابغى علم اجتماع وحطوني جغرافيا

بس سمعت انو لازم ترميين عشان تحولي >> الله يستر

ربي يوفقك ان شاء الله

[أنثىْ لأ تنحنَيِ }`]

التيرمين من كليه لكيه

بس من تخصص لـ تخصص من نفس الكليه بعد تيرم

شكرا حبيباتي والله يرفع من روحكم المعنويه

ويااااااااااارب يوفقنا

[ميمو مدني]

ياحبايبي معليش الله يعوض عليكم ويخترلكم الخير يارب..

(انثى) حبيبتي معدل الفرنسي 3.50 والتحويل يكون من الترم الاول بس مااعرف هل يقبلو من جغرافيا لفرنسي ولا لا لانو ايش المواد الي ممكن يعادولوليك هيا لازم تسألي في الشيي دا

وبعدين يابنات انتو لمن شفتو معدلاتكم المفروض ترتبو رغباتكم بحسب المعدلات المطلوبه لكل كليه يعني مو وحده تكون جايبه معدل قليل وتحط تخصص المعدل الي يبغالو اكتر من معدلها عشان لا تتحطمو وشدو حيلكم ربنا يعينكم..

[أنثىْ لأ تنحنَيِ }`]

(انثى) حبيبتي معدل الفرنسي 3.50 والتحويل يكون من الترم الاول بس مااعرف هل يقبلو من جغرافيا لفرنسي ولا لا لانو ايش المواد الي ممكن يعادولوليك هيا لازم تسألي في الشيي دا


^^

يعني لازم تكون في مواد مشتركه بين الفرنسي والجغرافيا

تيب انا موادي كلها جغرفيا وعندي ماده علم الانسان اللي هي تبع علم الاجتماع وثقافه اسلاميه وماده حره

ينفع يحولوني ولا لا

[ميمو مدني]

والله ياقلبي ماابغا افتيلك مااعرف بس انا الي اعرف انو للتحويل ن تخصص لتخصص لازم يكون المواد زي بعض عشان يعادلويك هيا وتنزاح عنك وتقدري تحولي بس انا حسئلك في الشيي دا وانتي كمان اسئلي ايش ممكن المواد الي يعادلوليك هيا فيالجغرافيا عشان تحولي لفرنسي..