إداره وإقتصاد واللا تقنيه طبيه ..محتاره ..

[M!sS chocolate]

آآآآآآآآآآآآآه يانــــــــــــــاس شويه وأقطع شعري

محتـــــــاره على قولة أمي تقولي ماانتي عارفه فين خاتم سليمان

كل ماأحد يجيب سيرة التخصصات مدري اش يسير فيني

واللهي حسيت بشعور الوحده لمن تنخطب وتكون محتاره توافق واللا لا

من جد الشعور بالحيره شعور مخيــــــــــف

من زمااااااااااان وأنا أقول طب طب مالي الا الطب بعدين شوفت اخويا مبهدل فيه

وشويه جلست افكر في الموضوع وبطلت منه وشلته من راسي ..

قولت تقنيه طبيه وحبيت القسم وخصوصا المختبرات بما إني أحب المعامل

لكن دوبي أسمع شيء جديد طريقة تحليلهم للامراض حاجات بالشم يعرفوا المرض

وعاد انتوا وذكائكم اعرفوا وش يشموا أهل المختبرات ولا حد يقولي كذب

أخويا طب وهو اللي قالي عن دا الشيء ..

المهم ودحين وخلاص قرب التخصص طلعت حكاية الإداره والإقتصاد

أمي تقولي لالالالالالالالا تدخليه أبدا ماتستفيدي منه شيء في حياتك

واخويا يقولي يابنت الناس تدرسي هنا تخلصيه في 3 سنين وتكملي برا

سنتين وانتي جايبه الماجستير تجي هنا تتوظفي براتب أقل شيء

14000 ولد خالة أمي خلصها في سنتين ونص بمعدل 4 على طول جاته بعثه

لكندا ودحين هو هناك يدرس .. وقاللي يعرف واحد معاه في الطب في 4 سنه

سحب وراح للإداره والإقتصاد وكان تفكيره زي ماقولت لكم فوق خلصها بسرعه

وكمل برا ويجيه أحلى راتب ..وعندي ولد خالتي ام التسحيبات يدرس برا كان في ماليزيا
ودحين راح لأستراليا ويدرس هندسه .ودحين يبغى ينقل لإداره وإقتصاد ..

وغير كدا أنا كرهي الحفظ جداا سيئه في الحفظ والاقسام الطبيه كلها حفظ ..

انا إستخرت عشرومية مرره بس ماأحس بحاجه ..

وصلنا لنهاية الموضوع <<بدري

انتوا اش رأيكم بالكلام اللي كتبته فوق .وأعتـــذر عن أي كلام كان فيه إساءه لأهل المختبرات
القسمين حلوووو ولهم مستقبل .وأهل المختبرات حبايب قلبي ...

[Mr-Ammar]

انا رااي تدخلي الشي الي تحبيه.. لانك راح تستمتعي وتبدعي فيه

وبعدين مين قالك ادارة واقتصاد سهل؟

كلو حفظ ودش وكلام كتير يعني مو شرط تمشي فيه وتخلصي بسرعه او حتى محد ضامن البعثه

فرأيي انك تحطي اول شي تقنيه طبيه اول وازا ما قدرتي لا سمح الله تمشي فيه تحولي ادارة واقتصاد

لكن ازا دخلتي ادارة واقتصاد ولا سمح الله ما مشيتي فيه ما راح تقدري تحولي لتقنيه طبيه...

وشوفي رأي البقية.........

[91girl]

انتي حاطة كل ايجابيات الادارة والاقتصاد وسلبيات الطب

يعني بس تبغي احد يقلك خشي ادارة واقتصاد

يعني لو احد قلك خشي مختبر حتجلسي وتقولي مجموعة من السلبيات وتثبتيها بقصص
بس لو احد قالك خشي ادارة مش حتقولي شي

خشي ادارة مدام تحسي انو فيلو مستقبلك
والخيار اولا واخيرا لك
لا تخلي احد يضغط عليك هذا مستقبلك

[M!sS chocolate]

المشاركة الأصلية كتبت بواسطة 91girl انتي حاطة كل ايجابيات الادارة والاقتصاد وسلبيات الطب يعني بس تبغي احد يقلك خشي ادارة واقتصاد يعني لو احد قلك خشي مختبر حتجلسي وتقولي مجموعة من السلبيات وتثبتيها بقصص بس لو احد قالك خشي ادارة مش حتقولي شي خشي ادارة مدام تحسي انو فيلو مستقبلك والخيار اولا واخيرا لك لا تخلي احد يضغط عليك هذا مستقبلك

تم تعديـــــــــل الموضوع وتمام انك نبهتيني أحس كأني جالسه اهين أهل المختبرات بكلامي
ومشكوره عالتنبيه ..
وصح كأنو أبغى أحد يجي يقولي أدخلي مختبرات هو لانو الحكايه سارت دوبها
عشان كدا لسى عقلي مركز على حكاية الإداره والإقتصاد ..

[د.شيمو]

وانا اقلك تقنية وخذي دا الكلام من د.شيمو لانو له مستقبل جيد

[ميعاد]

انا إستخرت عشرومية مرره بس ماأحس بحاجه ..

اول شي لاتقولي كذا مو شرط انتي تحسي باايش,, فالنهايه اللي حيسير هو الخيرر..

انا من زماان شاايفاكي مصممه عالمختربات غيرتي رايك بس عشان يشموا ..

انــآزيك محتااره بين تخصصين,, وماابغا افكر اكثر لانو احس اعصاب دمااغي اتفجرت..

ان شاءالله يسير اللي فيلو خير..

[AnoOosa NoOoSa]

تبغي الصــــراحة

زمن الادارة والاقتــصاد خلاص راح

دحين زمن الطب والحاســـب

وعلى فكرة المختبرات لمن تدرسي يعلموكي كيف تحللي بيدك

بس لمن تتوظفي إن شاء الله في المستشفيات موجودة أجهزة بس تحطي العينة فيها وهي تطلع النتيجة بنفسها

[بيو كيميائية ^_^]

المشاركة الأصلية كتبت بواسطة anooosa nooosa تبغي الصــــراحة زمن الادارة والاقتــصاد خلاص راح دحين زمن الطب والحاســـب وعلى فكرة المختبرات لمن تدرسي يعلموكي كيف تحللي بيدك بس لمن تتوظفي إن شاء الله في المستشفيات موجودة أجهزة بس تحطي العينة فيها وهي تطلع النتيجة بنفسها

مين قال !!!!

ترا فيه ناس متخرجين من الطب وماتوظفوا

ورواتب خريجين كلية الإقتصاد أعلى من الدكاترة

كله بس مو عاجبكم إلا الطب وأخوانه

ليش مافيه في الحياة إلا الطب

نروح المستشفيات على الفاضي

وياريت نلقى أطباء كفؤ إلا القليل للأسف

هذا سبب من أسبباب تخلف العرب للأسف ماخذينها لقب فقط

في الغرب

يحترمون كل التخصصات ويعطونها أكبر إحترامـ ومايقللون من أهمية أي تخصص

وترانا محتاجين إقتصادين وإدارين كثير

بدل الأجانب


هذا الكلامـ لأي شخص يقلل من أهمية أي تخصص مو شرط أقصدك أنتِ

لأني لقيت كمـ رد ماعجبني

[AnoOosa NoOoSa]

المشاركة الأصلية كتبت بواسطة بيو كيميائية ^_^ مين قال !!!! هذا الكلامـ لأي شخص يقلل من أهمية أي تخصص مو شرط أقصدك أنتِ لأني لقيت كمـ رد ماعجبني

أعتقد اني قلت انها وجهة نظري ومو شرط تعجب الكل

يابـــيو أنا أحترم ردك والادارة والاقتــصاد انا ماقلل منها بالعكس تخصص حلو لكن عشان يكون لك في مستقبل لازم يكون معاكي اقلها ماستر مو بس بكالوريوس

تسجيل خروووج من الموضوع

[ملاذ الخواطر]

أدخلي إداارة وإقتصاد من جد رااتب كويس ومافية ذاك الحفظ الكثيييير

اما المختبرات والقرف سيبيه على جنب

وياما ناس دخلو وحولوا

وإلي يقول إذا ماعجبك حولي على طول

أقولك مايصير تحولي إلى بعد سنه كاااااااملة