السنة التحضيرية << طالبة ثانوي تسأل ممكن؟؟

[قدرات+90]

السلام عليكم ورحمة الله وبركاتة

بدخل بالموضوع على طول ماعرف لللمقدمات

بس حبيت اعرف عن السنة التحضيرية لان مابغى اتووه واكون متوترة
ايش الصعبات الي واجهتكم وكنتو تقوول ياريت كنا نعرف واستعدينا لهاا

طبعاا الدرااسة كلهاا انجليش كيف كانت الدرااسة وهل لازم اتكلم مع الدكتورة بالانجليش <<<<يعني تنصحوني بايش من دي النااحية

ولي دخل معهد انجليش ايش اسمه وهل استفاد منو ؟؟

طبعاا انا ماعرف ايش الاشياء الممكن تواجهني بالجامعة وفي السنة التحضيرية ياريت تعلموني بيهاا

اتمنى انكم تتكتبون تجاربكم
وادعولي ان ادخل الجامعة
ويارب يوفقكم وتدخلو التخصص الي تبغوه

[قدرات+90]

انا انتظر

[ahmed 19]

اول شيء
راجعي كل يوم
ثاني شيء مو لازم تكلمي الدكتورة بالانجليزي !! عادي اساليها بالعربي !<<بأستثناء مدرسة الانجليزي
ثالث شيء انا دخلت معهد بريطاني استفد منو في شيء واحد بس,في الانجليزي المستوى الثاني .الي درستو في المعهد درستو في المستوى الثاني بس :)

[ابو سنو]

وعليكم السلام اختي المواد كلها انجليزي بس تتكلم مع الدكتوره بالعربي خطه أ اسهل بكثير من خطه ب لان فيها مواد بالعربي وان شاء الله تعدي التحضيري على خير وبصراحه انا اول مادخلت الجامعه قالوا البنات مره صعبه لدرجه اني ابغى احول ادبي بس الحمدلله كملت مااهتميت لكلام البنات لان لكل وحده راى خاص وبصراحه انا في الترم الاول معدلي كان نازل لاني ماعرف ملخصات والمنتدي وماذاكر اول باول كنت اذكر ليله الامتحان احسبه سهل ممكن فيه اعاده لان كان عكس هدا الشى
لان الترم التاني عرفت من البنات الملخصات وصيرت افتح المنتدى بشكل يومي علشان اعرف الجديد وجبت معدل عالي بفضل الله ياربي لك الحمد
وانصحكي اختي انه تاخذي ملخصات من بدري من اول اختبار لانه مافي اعاده والاختبارات الدور الاول 30 والدور التاني 30 والاختبار النهائي من 40
وبالتوفيق تحياتي

[الحلم الضآئع !]

أكيد ممكن . .

آلسنة آلتحضيرية سهلة .. يعني لو تحبي آلموآد آلعلمية .. لأنو نفس آلثآنوي بس آنجليزي . .
زآكري من ملخصآت . . بس لآ تعتمدي عليهآ ..
شوفي مرآجعة آلدكآترة إلي يعني ... أسئلة مرآجعتهم تجي في آلآختبآر . .

طبعآ مو لآزم تهرجي آنجليزي .. لأن في دكآترة لمن تشوفك تهرجي آنجليزي .. عآد مآ تسيبك كل مآ تسألك تسألك آنجليزي . .

إيش كمآن . . ؟؟!

آلآنجليزي .. أنآ أقول إنهآ أحلى مآدة في آلتحضيري كلو . .


يعني أنآ أنصحك .. نصيحة لو تبي تسويهآ سويهآ .. لآ تختبري آختبآر تحديد آلمستوى , أبدئئي من أول مستوى .. لأنك حتستفيدي كتتتتتير . . صح آلكلآس ممل بس و آلله حسب آلدكتورة في دكآترة تلعبك و تضحكك و في دكآترة بس تتكلم . . و تنآمي في آلكلآس . .


لآ تغيييبي في آلمحآضرآت .. أنآ عن نفسي مآفي محآضرة كنسلتهآ ..
خلي آلغيآب لآخر آلترم .. قبل آلآختبآرآت .. لو تبي تزآكري .. إلآ لو في محآضرة مرآجعة . .



آممممممممم . . حآولي تستفيدي من آلموآد آلسهلة إنك ترفعي معدلك .. ترى أنآ آستسهلت و .... شفت آلعيد . .



أي آستفسآر تآني أسألي . .

و آلله يوفقك . .

[doode11]

السنه التحضيريه::

والله حلوه وتعب
قبل مانصحك :: استعيني بالله وادعي ربنا يكتبلك الخير والتوفيق

اول شي واهم شي زاكري اووول باوووول اهم نقطه دي وحلي الاسئله حقت كل درس ولاتضيعي وقتك

تاني شي واهم من اللي قبلو لاتسمعي كلام البنات ابدا ابدا مهما قالو وايا كان
ترا التحضيري مو سهل بس مو صعب وكل شي اتاكدي فيلو بنفسك ومن تجربه (انا كلام البنات ضيعني :( )

تالت شي ف المحاضره سيبي البي بي هههههههههه

رابع شي ازا انتي جربتي الملخصات وتحسي تفهمي منها زاكريها ولو زاكرتي وحسيتيها شتت معلوماتك اتركيها (انا الملخصات مرا تشتتني )

خامس شي الانجليزي مو صعب ف التحضيري ولو دخلتي معهد محا تستفييدي منو الا ف كلاسات الانجليزي
لانو كل ماده لها مصطلحاتها

سادس شي لما تزاكري لاترجمي كل كلمه وترجمي السؤال مع الاستاذه بس خدي الفكره العامه وشوفي المصطلحات الرئيسيه بالمنهج واعرفي معناها

لما تزاكري العلمي حاولي تغيري الارقام وتحلي تشوفي انتي فاهمه ولالا

يوم الاختبار لازم تتنامي قبل الاختبار لو ساعه ولو رحتي مواصله محا تستفيدي شي لو انك حافظه المنهج حفظ

ويوم الاختبار لاتنسي الاله الحاسبه واي شي يخص المنهج زي الاحصاء تاخدي ورقه القوانين

ويوم الاختبار لازم تكوني مختمه من قبل ولا يوم الاختبار محا تقدري تخلصي المنهج مو لانو طويل لانو ممكن توتر تسيرلك ظرف ولا انتي من النوع البطئ ف المزاكره او اي شي لاززززم تختمي قبل

وازا كانت درجتك ف الدوري الاول نازله لاتتحطمي لانو طبيعي ماتعرفي طريقه الاسئله بس خليها خبره انها تفيدك ف الدوري الثاني والنهائي

وخلي ساعه ف يدك يوم الاختبار لانو الوقت حتحسبيه بنفسك . لانو المراقبات الله يهديهم يغشوكم ف الوقت(مو كل المراقبات)

ولاتضيعي وقتك وتسحبي على محاضرات لاي سبب كان

وطبعا نظمي وقتك واهتمي بنفسك وحبي نفسك ونظمي وقتك بطريقه انو كل شي محسوب بالثواني (انا كدا بكل حياتي )
لاتضيعي وقتك باشياء مالها داعي

واذا دخلتي التحضيري واستفدتي من نصايحي بس قولي (الله يحققلها اللي تتمناه ويسعدها )


واخيراً( حوبي التحضيري يحبك ههههههه)

[so1413]

شوفي المادتين الوحيده الي المفروض ماتذاكرين من الكتاب هيا الاحصاء والكيمياء
مررره الكتااب سهله واذا ذاكرتي من الملخصات ماراح تفهمين بااقي المواد كلها حلوه وسهله
واهم شي تذاكري اول بأول وتنسي الطلعه مع صاحباتك والسوالف خلها حق الاجازات
وفي المحاضره ركزييي كلي تفكير كله مع الدكتوره انا كنتا اسرررح مرره اخر المحاضره اخرج
مني فاهمه شي واهم شي انك تدعين وتستغفرين ربك وادعي لنفسك في كل صلاه انو ربي يوفقك في الدراسه
واممممم بث الله يوفقك

[ms.moon]

نصيحتي لك

لاتسمعي لااحد كل انسان وطريقته ف المذاكرة

اول مادخلت السنة التحضيرية كانوا يقولولي صعبة

بس اكتشفت انها سهلة للي يذاكر اول بااول

وبالنسبة للغة رح تتعودين صدقيني

اما الملخصات فاانا اقولك ماكنت اذاكر ملخصات غير ف الرياضيات لاني كنت احتاج احل كثير واتمرن

هو الكتاب + الاختبارات السابقة

وبالتوفيق يارب ... >> وعيشي اجازتك

[الحلم الضآئع !]

إيوة نسيت أقلك .. زآكري ملخصآت آلآختبآرآت إلي قبل .. يعني حقت آلسنة إلي فآتت إلأي هي حتمون حقتنآ ..
لأن يجي منهآ كتير .. لو مآ غيروآ آلمنهج طبعآ . .

[hadeel a]

السلام عليكم
انا عن نفسي شفت السنة التحضيرية حلوه صح في اشياء تعبت فيها بس ككل ما ندمت ابدن ان دخلت دي الجامعه يعني انا قدمت على جامعات كتير عشان ابعد عن التحضيري و في النهاية استخرت و دخلت دي الجامعه و اهم شي انتي كمان تستخيري و إن شاء الله تدخلي الجامعه و تتوفقي كمان