بخصوص موافقة جهة العمل

[nasser_1987]

اخواني

هل بامكاني ارسال اوراقي بدون ورقة موافقة جهة العمل ؟


يعني كأني طالب

مع العلم بان جهة عملي موافقة على دراستي لاكن الاجراءت بتاخذ شوية وقت

وانا ودي ارسل اوراقي باسرع وقت

[العلم والعالم]

عادي يمكن ترسل بدونها

والجامعة ما يهمها ذلك

فائدة الموافقة لك أنت فقط

[أبوهمام]

انتـــــــــــــــــــــــــــــــــــــــــــــبه


تغلط غلطتي...................وتدرس بدون موافقه

انا درست بدون موافقه ع كلام ودي وتغيرت الأمور (مايدوم الآ الله) والآن بشق الأنفس عطوني اجازة اداء الأمتحان عن يوم الأمتحان فقط

ولوعندي موافقة كان ابلط بالاسبوعين كامله.


ثانيآ اذا تخرجت وجيتهم تطالب بتحسين وضعك الوظيفي (ترقيه او تغيير تخصصك) قالو لك بلها واشرب مويتها يالحبيب لأن ماعندك موافقه ولو حتى تطلب تصيح وضعك عن طريق الديوان لالالالالالالالالازم من الموافقه فنصيحه من واحد مجرب وسأل شؤون الموظفين واتصل ع الديوان لا تفرط في الموافقه وانا اخوك







اما من ناحية الأوراق فأرسلها عادي ولا تقول لعملك انك استغنيت عن الموافقه وخلهم يزينوها لك ع اقل من مهلم وغلفها واحتفظ فيها وحسك عينك تضيعها

وبالتوفيق حبيب البي

[nasser_1987]

العلم والعالم

جزاك الله خير ويعطيك الف عافية

[nasser_1987]

اخوي ابو همام اول شي اشكرك من كل قلبي على تفاعلك مع استفساري

عندنا في العمل مطلوب موافقة مديري المباشر ومدير الادارة ولله الحمد كلهم موافقين
بس اجراءات ورقة الموافقة تاخذ وقت

وانا ودي ارسل اوراق تسجيلي في اسرع وقت عشان مايفوتني التسجيل

عشان كذا شكلي برسلهم بدونها

وشاكر لك جدا جدا تفاعلك

[ابو سعود النايف]

المشاركة الأصلية كتبت بواسطة nasser_1987 اخوي ابو همام اول شي اشكرك من كل قلبي على تفاعلك مع استفساري عندنا في العمل مطلوب موافقة مديري المباشر ومدير الادارة ولله الحمد كلهم موافقين بس اجراءات ورقة الموافقة تاخذ وقت وانا ودي ارسل اوراق تسجيلي في اسرع وقت عشان مايفوتني التسجيل عشان كذا شكلي برسلهم بدونها وشاكر لك جدا جدا تفاعلك

الجامعة الآن ما تشترط وجود ورقة موافقة جهة العمل ، بإمكانك تحضرها فيما بعد
ارسل أوراقك الحين حتى يتم التسجيل ، وقدم طلب لجهة عملك
( موافقة جهة العمل على الدراسة ضروري جدآ ، وهو ما نص عليه نظام وزارة الخدمة المدنية ، يعني مثل ما قال أخوي ابو همام إنتبه تفرط بإحضار موافقة جهة العمل )
نسأل الله لنا ولك وللجميع التوفيق والسداد

[زياد الشرقاوي]

السلام عليكم ورحمة الله وبركاته ,,,,,,, بالنسبه لي يا ناصر نفسك بالتمام انا بلغت عملي بالدراسه وقدمت معروض ووافق المدير عليها وقالولي شؤون الموضفين كمل دراستك ولما تجي الاختبارات عطنا الجدول عشان نعطيك اجازه ويمكن قالولك نفس كلامي وانا ارسلت اوراقي للجامعه بدون ورقت موافقت جهت العمل وقبلوني ولله الحمد اتمنى لك التوفيق

[nasser_1987]

زياد الشرقاوي

يعطيك العافية اخوي وبالفعل جهة عملي قالت لي نفس الكلام

واشكرك جزيل الشكر

[nasser_1987]

اخوي ابو سعود

لا لا ان شاء الله بجيب الورقة ماراح اتركها

بس الحمدلله انا ارسلت اوراقي بالامس بدون ورقة الموافقة

وان شاء الله يتم القبول


وشاكر لك تنبيهك وحرصك

[mr_jobara]

الموافقة والله أعلم شرط أساسي لقبول الشهادة واعطيكم مثال

أحد الزملاء حصل على الماجستير قبل التحاقه بالتعليم ولكن لم يخبرهم بذلك تصدقو انهم قالوله لم تخبرنا بحصولك على الشهادة ومافي تحسين ( وهذا الكلام بحصوله على الماستر قبل التعيين ) فما بالكم بعد الإلتحاق بالوظيفة