الترم الصيفي+الأستاذات والأساتذة+نموذج تقديم الطلب(طالبات )..

[حنين الود]

السسسسسسسسسسسسسلام عليكم زي مو عارفين كلنا بدأ التسجيل للترم الصيفي .. عارفه حتقولوا بدري بس دا الي حصل ..واتوزعت أوراق تقدروا تروحوا تاخدوها من السكرتاريه في القسم..وتعبوها بالمواد الي حابين تضيفوها السيمستر الصيفي..والنموذج في المرفقات ..لازم تقلبوا راسكم عشان تقرووه
الأشياء الي حابة أعرفها ..بالعادة مين دائما بيدي صيفي غير سهام فطاني طبعا..كريتيسيزم .. وهل البنات بيدرسوا مع الأساتذه في الصيفي ؟ إيش المواد الي بيدرسوها..مين الأساتذه الطيبين ؟؟كيف شرحهم ؟ وهل المناهج تتيسر كتير ولا بس ضغط على الفاضي؟؟إيش المواد الي تنصحوا ناخدها في الصيفي؟؟ لو عندكم معلومات أو خبرات أتفضلوا خبرونا ..

[حنين الود]

^ إيش الورقه العبيطه دي؟

[ام حمدان]

ههههه والله اضطريت اطالع فيها بالمقلوب كني سعدان خخخ عشان اقراها مضبوط
بس ماشالله متى فتحولكم الصيفي فيهم الخير والله اخيراً فتحووووه

موفقين جميعاً يارب

[حنين الود]

^
عقبال مايفتحولكم بس زبطولكم حملة مرتبه وفيها مطالباتكم وطلباتكم ..وإحرقوا الدنيا بالإيميلات والطلبات وإن شاء الله يهتموا ويعرفوا جدية الموضوع ..
أم حمدان <أهم حاجه قريتي بالمقلوب ..دايما أحسك تضحكي عليه

[ام حمدان]

المشاركة الأصلية كتبت بواسطة حنين الود ^ عقبال مايفتحولكم بس زبطولكم حملة مرتبه وفيها مطالباتكم وطلباتكم ..وإحرقوا الدنيا بالإيميلات والطلبات وإن شاء الله يهتموا ويعرفوا جدية الموضوع .. أم حمدان <أهم حاجه قريتي بالمقلوب ..دايما أحسك تضحكي عليه

ايوه قريت بالمقلوب طيب افهم من كلامك انه ماانفتح للانتساب بس للانتظام والله شغلانه هم ليه جميلهم مايكمل بس إن شاء الله بنقعد وراهم لغاية ماينفتح لنا كمان

هههه اضحك منك مو عليك لانه اسلوبك يعجبني احسك تعاملينا كاننا اخواتك مو ناس اغراب عنك وانقهر لمن اشوف بعض الناس تفهمك غلط لاني رغم اني مااعرفك وجها لوجه بس استشفيت طيبتك وروحك الحلوه من ردودوك فالمنتدى

[حنين الود]

أنا مو متأكدة من الإنتساب بس صحباتي اليوم بيقولوا مافي صيفي للإنتساب..وكمان أخت وحده من صحباتي إنتساب بس قسم ادارة واقتصاد وتقول ماعندهم صيفي.. بس يارب يفتحولكم .. جربي ترسلي إيميل للـ د. المشاط تعرفي منه معلومات يمكن فيه صيفي ..ورديلنا هنا
يارب دائما تضحكي ..وعارفه فاهمتك بس بأستعبط عليكي

[عزوف]

مين قال في صيفي ؟؟؟

ما نزل يا حنين القرار ~ اللي صار اليوم فقط حملة من البنات و البندري هي اللي راح تاخذ الاوراق كـإثبات انو الطالبات يبغون الصيفي عشان التخرج وغير التخرج

فـ احتمال يعطونا وجة واحتمال لا ~ وزي منتو عارفين القرارات كيف تجي ومن وين :)

[حنين الود]

^
^
أنا كنت بقول نفس الشي .. بس د.رندا شايفه كل حاجه والسكرتاريه نفس الشي.. وتقدري تسألي الليدر أروى مغربي..

[عزوف]

المشاركة الأصلية كتبت بواسطة حنين الود بس د.رندا شايفه كل حاجه والسكرتاريه نفس الشي.. وتقدري تسألي الليدر أروى مغربي..

كيف يعني ممكن توضحين لي

[حنين الود]

^
حبوبه مين صور الأوراق؟؟ من فين البنات صوروها؟؟ من أول سألت وقالوا مافيه ..وبعدين تأكدت اليوم ..ولو كان مافيه صيفي كان قالتلنا د.رندا أو السكرتاريه قالولنا.. مو من الذوق أو من الخجل حيخجلوا مننا ويراعوا مشاعرنا ويقولوا اقلبوا وجهكم مافيه صيفي .. تعرفي اسلوبهم يادبا ..وبالنسبه لد.رندا شوفناها وكانت مشغوله بالميتنق