سؤال عن المواد الاختيارية في الطفولة ، بليز رايكم

[A7la remo]

السلام عليكم ورحمة الله وبركاته

بنات حبيباتي مبروووووووك النجاح للجميع

ايش اخباركم وكيف الاجازة معاكم ..؟

طبعا احس مافي اجازة كلها اسبوع وقلق الحذف والاضافة بس الله يصبرنا

حبيباتي ابغى أسألكم ؟؟

أنا دحين مستوى رابع وحاخذ مواد الخطة تمام بس مادة برامج رياض اطفال راح احذفها لاني ما ابغى اخذها مع د.لطفية عبد الشكور ، كفاية تدرسني مادة مهارات فنية وحركية ما ابغى انكب نفسي في مادتين سمعت انها مو كويسة ولو درستك مادتين في نفس الترم تنكب المعدل وانا بصراحة خايفة على معدلي منها ..

المهم انا ابغى احذف المادة دي حتى لو يزيد ترم في الاخير مو مشكلة اهم شي معدلي لا ينزل ، بس ابغى اخذ مادة اختيارية مكانها عشان 5 مواد احسو قليل

سؤالي : أقدر اخذ مواد اختيارية من دحين والا الاولوية للبنات اللي ماشين على الخطة واصلا عندهم اختياري الترم الجاي؟

وسؤالي الثاني : تنصحوني آخذ مادة حاسب في رياض الأطفال مع منال مديني ، والا منظمات وتشريعات الطفولة مع هيام قطناني ، والا صحة بيئة ومجتمع مع نداء جنبي ؟؟

بلييييييييييز احتاج رايكم في دي المواد والاستاذات الله لا يحرمكم الاجر وربي حااايسه وما ادري ايش اسوي

انتظركم يا بنات الطفولة الله يسعدكم يارب ويرضى عليكم :)

[من خيوط الحرمان أنسج صبري]

تقدري تاخدي مواد اختيارية
حاسوب مع دكتورة منال مديني .. وماراح تندمي بإذن الله ..
تعاملها راقي جداً و تراعي في الدرجات و تعطي بونس ، عدا ان المنهج قديم شوية
بس الحمد لله اخدت معها a+

موفقة يارب

[A7la remo]

تسلمي لي ياقلبي الله يووووووفقك وييسر لك كل امورك ويفتح لك أبواب الخير يارب

[فرفشة]

اختي احلى ريمو انصحك تاخدي حاسوب ومع د/ منال مديني بالذات وما راح تندمي ان شاء الله .. اسهل مادة واحلى مادة بالنسبة لي والدرجة باذن الله تضمنيها اذا شديتي حيلك اغلب البنات +a صح فيه تعداد بس يمشي حاله .. وبالتوفيق يارب .. دعواتك ..

[A7la remo]

الله يسعد قلبك فرفشة ،، مشكووورة ماقصرتي والله
حبيت المادة ومدام مدحتوها شكلي بأتوكل على الله واخذها
تسلمي ياقلبي الله يعطيك العافية ويوفقك في دراستك بأعلى الدرجات يارب :)
الله ييسر يارب ويكتب اللي في الخير

[patchi ..]

حمستوني لهـااا .. بس كيف يعني المنهج ققديم ؟

يعني دسسسسم ؟ :(

[أرووش]

انا كمان اصوت لمادة حاسوب مع د.منال

صح اسئلتها كلها تعدااااااد وتعتمد عالحفظ بس الممنهج سهل

والدكتورة عسسسسل

مادة منظمات اخذوها صاحباتي مع أ.ميساء ويقولو مره سهله وكتير جابو فيه فوق 90
اما دكتورة هيام دي ما اعرفها

مادة صحة بيئة ومجتمع مع نداء لا تفكري مجرد تفكير تاخديها ولا في ترم من الأترام