استفسار بسيط عن مادة مقدمة الادب واللغويات

[s2t]

السلام عليكم جميعا ...
في الاول احب اشكر الاخت ام حمدان ووايت روز ونور العمر وغييييييرهم كثير ساعدونا في الملخصات والروابط اللي بتفيد الطلبة ..
انا عندي استفسار بسيط عن مقدمة في مادة الادب
بالنسبة للالمنت تبع الشعر فين الاقيها؟؟
وهل ممكن اني اكتفي بقراءة وفهم ال summry اللي يخص القصيدة وبكدة اقدر احلل القصيدة واستخرج من السامري العناصر STILTS المطلوبة لحل القصيدة اما لا ؟؟

الاستفسار الثاني عن مقدمة في اللغويات انا ماني عارفة كيف اذاكرها ومرة خايفة منها اللي ماخد المادة دي ياليت يقولي كيف ذاكرها لانو من جد ماني عارفة كيف اتصرف معاها

ومرة اسفة اذا طولت عليكم .....

[ام حمدان]

وعليكم السلام ورحمة الله وبركاته

العفو اختي ماسويت اي شي يستاهل الشكر

شوفي ياعسل الشروحات الي وجدناها عن الشعر والقصص والمسرحيه هنا
http://www.skaau.com/vb/showthread.php?t=284262
ملفات شرحات الشعر سواء سمري او تحليل ممكن تستنبطي منها العناصر والمحسنات البديعيه
وتكتبيها على شكل براقراف زي ماكتبت لكم وايت روز بالطريقة الي علمتنا اياها الاستاذه
لكن برضو خليكي مجهزه شرح بسيط لكل عنصر على جنب في حال طلبت منك تشرحي شي واحد فقط وليس تحليل كامل
لانه التحليل هو الي تكتبيه على شكل براقراف ويتضمن كل العناصر السته الي نبهت عليها
عموما راجعي اسئلة الماده الي موجوده في الدليل الارشادي وراح تعرفي كيف ممكن تجي الاسئله وعلى اساسها تجهزي اجوبه

اللغويات
بقولك كيف ممكن تذاكريها على شكل خطوات

شايفه رابط الاخ عبدالهادي الي حطيته فموضوع الدوره الي يحتوي على تسجيل لاستاذ يشرح كامل المنهج
http://www.skaau.com/vb/showthread.php?t=268604

ضروري تتصفحي موضوع الدورة اول شي وتحملي السلايدات

وهذي الخطوات الي انصحك بإتباعها في مذاكرة اللغويات
1- تمسكي كتابك وتشغلي الشريط وتتبعي معاه وتفهمي منه وبنفس الوقت تحاولي تترجمي معاه الي مافهمتيه من الكلمات او المصطلحات
2-ترجعي تقرأي الشابتر مره ثانيه عشان تتأكدي من فهمك وتخططي على السطور المهمه وسط الشرح
3- تحفظي الي فهمتيه من تعاريف ومصطلحات ومفاهيم وامثله عليها من الشروحات
4- تراجعي من السلايدات عشان ترتبي افكارك
5- تبداي تحلي الاسئلة تبع الكتاب لحالك وبعد كذا شيكي على الاجوبه في اخر الكتاب واحفظيها وافهميها لانها مهمه ويجي منها في الامتحان

وامشي بالطريقة ذي على كل الشابترات
وحاولي ماتروحي على الشابتر الي بعد الا لمن تكوني تأكدتي من فهمك وحفظك للشابتر الي قبله

ملاحظه --في شابتر 4 راح تحتاجي الموقع هذ عشان تفهمي منه الاصوات ونطقها ورموزها


http://www.uiowa.edu/~acadtech/phonetics/english/.html


هذي الطريقة الي راح امشي عليها إن شاء الله

انا ترجمة اللغويات الحمدلله انتهيت منها من زمان بس يبقالي ابدا مذاكره مباشرةً وربك يعين الماده مو صعبه لكن تحتاج تركيز

الله يسهل عليك وعلى الجميع

[s2t]

الله الله عليكي يا ام حمدان ماشالله في نفس الوقت كتبتي الرد
ياشيخة انتي لو تطلبي عيوووني فدا راسك
مررررة اشكرك انتي من جد ساعديتني كثير حتى السمستر اللي راح كنت معتمدة على ملخصاتك ونجحت الحمدلله
الله يسعدك يارب
بس الرابط


http://www.uiowa.edu/~acadtech/phonetics/english/.html
مو شغال للاسف ان امكن تنزلي رابط شغال
ويعطيكي الف عافية يارب

[ام حمدان]

هههههه حسستيني اني مسويه شي كبير وانا ماسويت شي يستاهل تسلم عيونك ياعسل

حبيبتي الفضل في نجاحك بعد الله يعود لمجهودك وليس

ملخصاتي ---انتوا ماتدرون قد ايش كلمة ملخصات ام حمدان مسويه لي عقده

هي نقل للمحاضرات وليست ملخصات

بالنسبه للرابط جربته بعد ماكتبت الرد وكان شغال

بس ماادري وش صار فيه حاولي تدخلي وقت ثاني إن شاء الله يشتغل لانه صحيح انا متأكده منه
او اكتبي في قوقل
www.uiowe.edu
واختاري الرابط الي بيطلع نفس الرابط هذا
http://www.uiowa.edu/~acadtech/phonetics/english/.html
وراح يفتح معاكي


وفالك النجاح هالترم بأعلى الدرجات يارب

[انتساب انجليزي 5]

السلام عليكم يام حمدان الصراحه انتي لك فضل كبير علي ماشاءالله عليك مومقصره في شي كل الي نبغاه تجيبيه الله يوفقك وينورلك دربك قولي امين
بس ممكن سؤال بالله ابغى اعرف فين الدليل الارشادي تبع ماده الادب تعبت وانا ادور
وشكرا

[ام حمدان]

العفو ياعزيزتي انا مالي اي فضل على احد الفضل لله وحده ثم لجهودكم

بالنسبه للدليل الارشادي هو شامل لكل مواد القسم وليس فقط الادب

وفي اول صفحاته تلقي فهرس موضح فيه محتويات الدليل وارقام الصفحات فانتي ابحثي عن رموز المواد الي تبغي تشوفي شي عنها واقريها

تفضلي الملف في المرفقات

وفقكم الله ويسر اموركم