غيرو جدولي فجأة!!

[Alaa Al ghamdi]

السلام عليكم ورحمة الله

من الطفش قررت اشيك عالاودس وتفاجات ان الجدول تغير والشعب ملعوب فيها!! اوقات ودكتورات ماابغاهم!!

قلت يمكن كنسلو الشعبه الاصليه اللي كنت فيها لكن تفاجات انها لسه موجوده وفل كمان!!


مين زيي يابنات
ايش حتعملو تكملو على نفس الجدول ولا تراجعو المشرفه؟!


جنون الصمت ياريت تقوليلي ايش حصل معاك رجعوك في نفس الشعبه اللي طلعوك منها ولا ؟َ!





الله يعين
موفقين جميعا

[نَبّضْ]

يو انا تقريبن زيكي
بس ماغيروا الا مكان شعبة الانقلش من 12 لـ 2 مع استاذه عيشه
مخلينها سبت واثنين وربوع في مبنى 5 واحد و ثلوث في مبنى 7
والله غريبين كنت عارفه من اول الاوديس مارضي يفتح لي اكيد يسوون خراب في الجدول
الله يستر منهم حتى بعد ما بدأنا يغيرون من راسهم

[Alaa Al ghamdi]

كنت زيك السمستر اللي فات
سبت واثنين وربوع في مبنى واحد وثلوث في مبنى ثاني
شكلو غرفتكم الاصلية ماتكفي ولازم ينقلوكم غرفة اكبر وماكانت متاحه طول ايام الاسبوع
عموما ياريت غيرو اماكن المحاضرات ماهمني
لكن يغيرو ايامها والشعب والكاترة وكلو؟!!

الله يعين

[لؤلؤة*]

امممم جدولي زي ماهو ماصار تغيير

[battota]

نفس ما هو انا

الله يساعدك يا قلبي

وكلمي المشرفه افضل

[Dandona]

أنا غيرولي الجدول بفترة الحذف والاضافة
رحتلهم و أخذت معايا الجدول القديم
ورجعوه زي ما كان
روحي لــمشرفة القسم
و يا رب يرجع زي ما كان

[joony]

واااااااااااه ياالاااء

روحي للشوؤن وراجعي كمان مشرفتك واذا معاكي نسخه من جدولكم القدييم خديه معااااااكي


مهزززله ولله ... بكيفهم يغيروووو !!

[chσcσℓiηe]

يؤ ليش كده !!؟؟

حذفولك مواد ولا بس غيرو الشعب ؟!

[Alaa Al ghamdi]

المشاركة الأصلية كتبت بواسطة لؤلؤة* امممم جدولي زي ماهو ماصار تغيير

يلا الحمدالله

المشاركة الأصلية كتبت بواسطة battota نفس ما هو انا الله يساعدك يا قلبي وكلمي المشرفه افضل

ان شاء الله اول شي يوم الاحد ان شاء الله امر عليها

المشاركة الأصلية كتبت بواسطة dandona أنا غيرولي الجدول بفترة الحذف والاضافة رحتلهم و أخذت معايا الجدول القديم ورجعوه زي ما كان روحي لــمشرفة القسم و يا رب يرجع زي ما كان

طيب واللي ماعندها الجدول القديم

المشاركة الأصلية كتبت بواسطة joony واااااااااااه ياالاااء روحي للشوؤن وراجعي كمان مشرفتك واذا معاكي نسخه من جدولكم القدييم خديه معااااااكي مهزززله ولله ... بكيفهم يغيروووو !!

جوووني

مقهورة انو ماعندي نسخه للجدول القديم بس المفروض يبين معاهم في السيستم مو؟؟

المشاركة الأصلية كتبت بواسطة chσcσℓiηe يؤ ليش كده !!؟؟ حذفولك مواد ولا بس غيرو الشعب ؟!

لا بس غيرو الشعب والدكاترة اللي اخترتهم

مرة مقهورة خصوصا انو الشعب اللي كنت ابغاها وسهرت عشانها ومن اوئل العالم اللي ضافت

وفي الاخير يطلعوني منها وتصير فل
خايقة يقولو مليانه مانرجعك


الله يعين

استنى رد جنون الصمت مرت بوضع مشابه جدا والشعب كانت مقفلة
مدري رجعوها او لا


شكرا جميعا


ربي يوفقكم كلكم

[Adel Al-Amoudi]

سجلت دخولي عشان ارد . .

المهم ما غيروا لي شي , و كان المفروض تطبعي جدولك افضل
يلا تتعلم دا الدرس عشان ما تتكرر تاني << مو عتاب و لا شي بس انه اساعدك ^^

و يلا موفقة يا رب ان شاء الله تمشي الامور زي الناس

اعتقد يقدروا يسووا باك آب أو يوسعوا الشعبة لكي

بس مشكلة ما عندك شي تثبتي فيه ع انه جدولك كان كدا و كدا
و السؤال الاهم : فاكرة الشعب و المواقيت حق جدولك ؟ اكتبيها في ورقة او شي ^^

يلا راجعيهم الاحد و الله يفتح عليكي و راح ندعيلك =)