الطريقة المثالية

[ابن الأنصار]

السلام عليكم ورحمة الله وبركاته

بداية قبل كل شيء ...

كل عام وأنتم بخير بمناسبة العام الدراسي الجديد >> أدري إنه جالكم مغص

بصراحة >> أكييد أجل بتكذب !!!

أنا طالب رايح لثاني ثانوي علمي - إن شاء الله - وبما أنه نظام الدرجات عندنا نظام السلخ ( التراكمي ) فأنا بصراحة متحير لموضوع ...

كيف أذاكر وأحصل على الدرجات العالية ؟؟ (( أرجوووووووووووووووووكم ساعدوووووني في هذي النقطة ))

كيف أحصل على حب المدرس من أول يوم ؟؟

ما هي الأشياء التي تضايق المعلم ؟؟

وأيضا الأشياء التي يحبها ؟؟

كيف أكون لي شخصية لها قدرها في المدرسة ؟؟

كيف نظام المشاركة في الفصل ؟؟ (( بصراحة المدرسين إلي عندنا يقولوا لاحد يسأل إلا بعد الدرس ، ويقعد يتكلم ولا أحد معاااه ، وفي النهاية لما يلاقي الطلاب نااايمين يقوول في أحد عنده سؤال !!! ))

اش الأشياء الي أقدر أسويها أول يوم عشان أكسب احترام المعلم والطلاب في فصلي ؟؟

والله يجزاكم خيير ، وأدعوا الله تعالى بأن يوفق من يرد علي ويرزقه من حيث لا يحتسب

[Suzi]

هلا وعليك السلام ايها الطالب النجيب

اهم شي لاترآكم اول باول وحلو انه النظآم تقويم يعني مالكم مفر آبد

اهم شي على حسب تجربتي بما آني متخرجه احم احم اهم شي التزآم الصمت في الكلآس مدري انتوا الاولاد كيف

احس هذا اكثر شي يشد انتبآه التيشر وبالنسبة للسؤال وقت الدرس فهذا من حقكم

وفي طريقة تانيه انكـ تحتفظ بنوتة تدون فيها كل اللي صعب عليك وقت الشرح وبالنهايه تسال الاستاذ

بالتوفيق لكـ

[روعة طموح]

المشاركة الأصلية كتبت بواسطة ابن الأنصار كيف أذاكر وأحصل على الدرجات العالية ؟؟ انتى كيف تحب المذاكرة لوكنت بالك طويل ذاكر اول باول لو بالك موطويل زي نظم جدول وقبل الاختبار بثلاث ايام انتى لازم تكون مطلع على المنهج بس طول ماانتوا نظامكم كل يومين اختبار كل يوم ذاكر الدرس الا عليك واقرا الدورس الا قبل عشان تشمل المنهح (( أرجوووووووووووووووووكم ساعدوووووني في هذي النقطة )) كيف أحصل على حب المدرس من أول يوم ؟؟ حسب المدرس في مدرسين يحترموا المؤدبين بس مايحبوهم يحترمهم ويحبوا الاشقياء لانهم انشط بين للمدرس انك مهتم اسئله كيف المنهج كيف تحب اسلوبك اايش الاشياء المهمة الا تبغاها اذا كان فرفوش خليك فرفوش كان رسمي خليك رسمي انا عن نفسي لمن كنت بالتطبيق كنت احب البنات الاخلاق والا يتحاورا معايا وفي معلمات لا حسب الشخصية ما هي الأشياء التي تضايق المعلم ؟؟ الكلام وقت الحصة الاحراج الزياد يعني لو غلط غلطة بسيطة لاتقعد عليها لوكانت غلط بالمعلومات قله مثلا استاذا انا الا اعرفه كده كده فهل معلومتي غلط طيب ليه غلط مثلا وهكذا خليك محترم ولاتثقل دمك ولاتكون كسلان تعل قلبه وأيضا الأشياء التي يحبها ؟؟ النشاط الحيوية المشاركة التحاور الفعال الصمت وقت الحصة الاحتراااااااااااااااااااااااااااام كيف أكون لي شخصية لها قدرها في المدرسة ؟؟ ابرز نفسك شارك نقاش اطرح افكار للمعلمك والمدير كن صادق اخلاقك رفيعة كيف نظام المشاركة في الفصل ؟؟ (( بصراحة المدرسين إلي عندنا يقولوا لاحد يسأل إلا بعد الدرس ، ويقعد يتكلم ولا أحد معاااه ، وفي النهاية لما يلاقي الطلاب نااايمين يقوول في أحد عنده سؤال !!! )) حسب المدرس انتى لومافهمت نقطة اكتبها ومجرد ماينتهى من الشرح اسئل اوكلمه بااحترام وقله وجهة نظرك باسلوب راقي ان شاء الله حايفهم او اقترح انه يعطيكم فاصل بين الحصة تسئل فيه وبعدين يكمل وانتبه لاتخليه يحطه بباله ويقعد كل شوية يقومك خليك ذكي وحذر حتى باقتراحك وقله مثلا انتى خبرتك كبيرة واحنا نبغى نستفيد منك استفادة كاملة ومن ذا الكلام من غير مبالغة او كذب اش الأشياء الي أقدر أسويها أول يوم عشان أكسب احترام المعلم والطلاب في فصلي ؟؟ حاول تتحاور معه عن المادة اسئل كيف اقدر اجيب عندك العلامة الكاملة طريقتك اسلوبك شارك معه مثلا لوطلب اي حاجة خليه يعرف اسمك والله يجزاكم خيير ، وأدعوا الله تعالى بأن يوفق من يرد علي ويرزقه من حيث لا يحتسب

الله يوفقك ان شاء الله وتكون نسبتك بالتخرج 100/100
اي استفسار انا جاهزة
وان شاء الله افدتك

[ستأتي أيامي]

وعليكم السلام ورحمه الله وبركاته ..

كيف أذاكر وأحصل على الدرجات العالية ؟؟
المذاكرة أول بأول يعني كل درس تاخذو تصمو صم .. وهكذا
صح تتعب لكن وكما يقول المثل

( من كانت بداياته محرقة كانت نهاياته مشرقة )

كيف تحصل على حب المدرس ؟؟
الاحترام ، والاحترام ، والاحترام أهم شي .
وبالنسبة ليا .. أحس لما كنت أجيب نشاط في نفس الدرس أو معلومة من خارج الكتاب ، المحاضرة الجاية ..
الأستاذة مرررررره تنبسط ، وتجلس طول اليوم مدايح فيا .

يعني لما تاخذوا درس فقه مثلا ، المحاضرة الجاية تجيب فتوى متعلقة بالدرس بس تكون من مصدر موثوق ،
أو يكون الدرس عن حاجة فيها شي غير معروف كثير عندنا زي ( الخردل ، الأترجة )
المحاضرة الجاية جيب عينة من الخردل وعينة من الأترجة ,
الخردل هو نبتة زي السمسم ومذكورة في القرآن .
الأترجة هي فاكهة شبه الرسول صلى الله عليه وسلم المؤمن بها ..
ما أدري فهمت عليا أو لأ ؟؟


كيف تكون شخصية لها قدرها في المدرسة ؟؟

مررررره سهلة ..
لما يكون في حفلة شارك ، بمقالة أو شعر أو أي حاجة ..
كمان أحيانا يعملوا مسابقات أعمال فنية عن الإرهاب أو بلا جريمة وأشياء زي كذا ، حاول تشارك فيها ,
أيام ما كنت في المتوسط كنت أشارك في حفلات المدرسة كلها ، وكانت كل حفلة المديرة تعطيني كرت دعوة خاااااص لأمي الله يطول بعمرها ويمتعها بعافيتها ، وكانوا المدرسات مبسوطين مني بشكل مو طبيعي ، وأشارك في الأناشيد ، وصرت أتوسط لصاحباتي عند المديرة انهم يشاركوا معايا في الحفلا ت

حاول قد ما تقدر تثبت وجودك في المدرسة ،، وربنا يوفقك وتحصل الـ 100
أهم حاجة تصمم إنك توصل وبإذن الله حتوصل ,,

آسفة ع الإطالة ..