بصراحه محتار مدري تخرجت ولا لا ممكن الافاده

[خالد البليهد]

مساءكم ورد انا مخلص كل المواد المطلوبه مني يعني مجتاز 139 ساعه بنجاح والمسجله لي 139 ساعه بدون اي حمل او رسوب من بداية الجامعه ولكني لحد الآن ادخل برنامج الاودس

وفي نفس الوقت في الموقعي حقي ماكتبو متخرج علمآ باني لم اكتب استمارة متخرج وش الاسباب

وفيه ناس ماعاد يدخلون النظام والاسباب لانهم تخرجوا ولكن انا مكتوب مستمر في الدراسه

وادخل........بصراحه احترت

السؤال كيف اعرف نفسي متخرج او لا؟؟؟

[خالد البليهد]

اتمنى اجد رد واضح

[يلدرم]

اذا تخرجت ماتقدر تدخل النظام ويكتب لك حاصل على بكالوريوس في العلوم

[خالد البليهد]

طيب وش بقى لي يالغالي ترا وربي فشيله مسوي حفل تخرج مع الاهل والاصدقاء والكل قلت

له متخرج لاني منتهي من كل المواد يعني فيه مواد جديده ولا وشهو الامر فيه ضبابيه وغريب

انا مخلص كل المواد بدون اي حمل او رسوب يعني وش المشكله الله لايوفقهم اذا كان ماخرجو

او صنعوا مواد من روسهم وربي شي يقهررررررررررر ممكن ترد علي

وبعدين الخطه الدراسه ليه مكتوب اجمالي ساعات التخصص 125 وانا مخلص 139 يعني زياده فوقها

وبدون حمل او رسوب يعني وش المشكله

[العلم والعالم]

عادي يا أخي أفرح بتخرجك

أنا الفصل الماضي لم يغلق عني النظام حتى إستلمت الوثيقة

لكن ليش مخلص 139 ساعة

[خالد البليهد]

المشاركة الأصلية كتبت بواسطة العلم والعالم عادي يا أخي أفرح بتخرجك أنا الفصل الماضي لم يغلق عني النظام حتى إستلمت الوثيقة لكن ليش مخلص 139 ساعة

يالغالي الاسباب طال عمرك اخذ مواد حره ممكن ثنتين ومع ذلك اجتزتها بنجاح

ولو تلاحظ اني قبل لا اسجل المواد في الترم الثامن هذا والاخير نظرت في الخطه

وطلع اللي بقى لي واخلص واتخرج ست مواد ومنزله تلقائيآ دايركت بالجدول

وهي اللي تخليني اخلص وخلصت كل شي بنجاح ولكن لحد الآن ادخل

موقعي الجامعي ومكتوب مستمر بالدراسه وفيه مربع الجدول وفاضي مافيه مواد

وش المشكله والله انك طمنتني شوي.......طيب انت مطلع لك متخرج نفسي

[abu al3ez]

هلا اخوي خالد
انت ما حولت حالتك لمتوقع تخرجه عشان كذا
النظام كاتب لك مستمر في الدراسه
حاول تراجع العماده يشوفون لك حل
ولا تخاف متخرج متخرج ان شاء الله

[العلم والعالم]

مستمر في الدراسه أهااااا


لازم تغير حالتكـ من طالب مستمر الى طالب متوقع تخرجه وهذه العمليه المفروض تعملها في بداية الفصل

لذلك الآن لابد من مراجعة الجامعة أو من ينوب عنك ويعبأ نموذج موجود في الشئون التعليمية ثم تختمه من رئيس القسم وبعد ذلك تسلمه لمسجل الكلية في مبنى عمادة القبول والتسجيل

[خالد البليهد]

المشاركة الأصلية كتبت بواسطة العلم والعالم مستمر في الدراسه أهااااا لازم تغير حالتكـ من طالب مستمر الى طالب متوقع تخرجه وهذه العمليه المفروض تعملها في بداية الفصل لذلك الآن لابد من مراجعة الجامعة أو من ينوب عنك ويعبأ نموذج موجود في الشئون التعليمية ثم تختمه من رئيس القسم وبعد ذلك تسلمه لمسجل الكلية في مبنى عمادة القبول والتسجيل

يعطيك العافيه الغالي طيب الحين تعبئة استمارة التخرج اقدر اخلصها في وقت تسليم الوثائق

اللي هو في 3-8 ولا شرط اساسي ولازم اعبيه قبل هذي الفتره ممكن تفيدني؟

[العلم والعالم]

والله شف أنا خلصتها في ساعة أو أقل

في بداية الفصل مريت الشئون التعليمية وعبيت النموذج ثم وقعته من رئيس القسم وبعد ذلك رحت لمسجل الكلية في الشئون التعليمية وسلمته النموذج وطلعت من عنده ومريت النت اللي موجود في نفس العماده وشيكت ولقيت الحاله مغيره الى طالب متوقع تخرجه

وفي نهاية الفصل وبعد ظهور النتيجه بشكل نهائي لم يغلق عني السستم حتى بدأ تسليم الوثائق ورحت أستلم الوثيقة واالنظام شغال عندي وقالي الموظف دور الوثيقة من ضمن الوثائق المطبوعه ولم أجدها وطلب رقمي الجامعي وقالي مر علي بعد نصف ساعه ومريت بعد 20 دقيقه ولقيت كل شي جاهز ومطبوع

لكن للمعلومية إذا رغبت في أن يكون إسمك بالوثيقه نفس الموجود في الجواز فلا تنس صورة من جواز السفر