طي قيد..وفوقها يحرقولي اعصابي:(

[QUEEN..]

السلام عليكم..
انا راح ادخل في الموضوع بدون مقدمات..
انا جاني طي قيد عدم اجتياز السنه التحضيريه.عشان كملت ثلاثه اترام مع انه باقي لي فرصه وباقي ماده وحده<<احيــاء.
المهم:رحت للشؤون في كليتي(الشرفيه)وماطلوني ورحت السليمانيه وقالولي حولي انتساب وقدمت معامله الكترونيه وقالوا ارجعي لكليتك وجلست كذا اراجع كل يوم مره الكليه ومره الجامعه عشان مايقفلوا التحويل للانتساب تقريباً ثلاث اسابيع.
ومره رحت للكليه وقالوا خلاص راح تكملي زي باقي البنات بس ماراح نفتح لك الموقع<الاودس وماراح تنزل لك المكافأه طبعاُ انا ماصدقت خبر وجلست من يومها اذاكر وشاده حيلي وحارقه نفسي عشان اعدي.
ورحت يوم الاختبار الدوري عشان اختبر زي باقي البنات ومريت الشؤون اسأل عن مكان قاعتي..
قالولي انتي مالك اختبار دوري ماراح تختبري غير نهائي انا انصدمت بس قلت بذاكر اكثر واحاول واختبر عادي..
وصرت اسألهم:كيف راح يكون الاختبار؟ومتى راح اختبر؟ومن كم راح تكون الدرجه؟وكيف بيكون وضعي؟و...؟و...؟و...؟قالو ماندري عن شي انتي راجعينا ونرد عليك.
راجعتهم اليوم وع بالي بيكون عندهم رد يريحني!! بس قالولي بكل برود:مانتوقع راح تختبري اختبار نهائي اساساً وللحين ماندري عن شي!انا كان راح يغمى علي عندهم وربي.
يعني ماراح اختبر؟يعني ضاع مستقبلي؟!!!!!!!
سامحوني طولت عليكم بس حبيت ابرد قلبي واللي مر بنفس ذا الظرف وتعدل يطمني..واللي عنده معلومه ولو بسيطه يفيدني فيها..واللي ماعنده شئ لايحرمني من دعواته والله حالتي يرثى لها وماني عارفه كيف اتصرف ووين اروح!!

[шнм]

لـأحول ولـأ قوةة إلـأ بـ أللة ..
وأللة يأحبيبتي إذا هماأ ماأيدرون أجل مين إللي يدر ر ي ‘ .. ؟؟
بس حسبي ألله لو ظلمو و كي‘ .. وأللة يعينك ي‘ رب ويسهلك =(

[عالي مقداري]

الله يعينك ويسر امورك

[بسسه]

الله يجبر بخاطرك

وحسبي الله ونعم الوكيل

سامحيني مااقدر افيدك بشي ..

[Ro7y T7Bk]

طيب ما حاولتي تراجعي ولا تتدخلي موقع الجامعة و تكتبي شي ..,!!
ارجعي اتاكدي ..
كدا كدا ما بتستفيدي من الوقت
و الله يكون فـ عونكـ و ما حـ ننساكي من الدعاء ان شاء الله ..,

[QUEEN..]

حبيبتي وهم..عزيزي عالي مقداري..وكمان بسسه
مشكورين ع الرد وع الدعوات الحلوه!الله لايخليني منكم وحسبي الله عليهم زي ماظلموني.

[QUEEN..]

روحي تحبك انا كل يوم اروح الكليه وحتى الجامعه رحتها وراجعت موقع الجامعه بس مافي فايده:(

[Ro7y T7Bk]

طيب اكيد في خطأ ..
لآني اعرف كثير انتساب ..
بس عمري ما شوفت الحالة دي الي قولتيها ..,,

[rubi]

الله يعينك مادام سالتي كتير كدا

انا لو مكانك اروح للعميدة او مديرة القبول اسالي وحدة كدا ليها كلمة كبيرة

وقووووولي انك رحتي الكلية والجامعة وقولي ايش قالولك ووضحي انهم مرمطوكي وبهدلوكي كل وحدة تقلك شي وتلخبطك

وازا كمان دي ماعطتك اجابة واضحة عن وضعك

قوليلها اسال مين واروح لمين


الله يوفقك

دعواتك

[QUEEN..]

حالتي اول مره ادري انها تصير اساساً وعشان كذا سألتكم مشكور روحي تحبك يعطيك العافيه
روبي انا حاولت اروح بس مايخلوني ادخل ويقولولي الحل بيد الشؤون في كليتك بس بروح واحاول مره ثانيه الله يوفقك ويخليك حبيبتي