ll حياكم الله ..هنا للإجابه على أسئلتكم أحلى دفعه ll med 12

[بشائر الفرح =)]

السـلام عليكم ورحمة الله وبركاته ,

أهلاً و سهلاً ومرحباً وي الله إنك تحييهم > القهوه لوسمحتوا

بداية وقبل كل شيء حابه أبارك لكم " دكاتره / دكتورات " القبول في الكليه بكل الكلمات وبكل المشاعر أنتم تستحقون أن تكونوا هنا * .. هنيئاً للكليه أنتم *

ها أنتم تحصدون ثمار جهدكم وتعبكم .. الحمد لله الذي بنعمته تتم الصالحات .. ألف مبروك لكم من اللحظه التي اختاركم فيها ربنا أحد طلاب الكليه إلى أن تقفوا في المستشفى تعالجون المرضى بكل حب وبكل إخلاص في عملكم .. !

لاحظت أن الجميع يسأل عن " المقابله / الزي / كيف الدوام وما المطلوب منا / إلى آخر الأسئله ؟ "
وهي أسئله سألناها قبلكم يجي مليون مره من الفرح والحماس :)

لذلك قررت أن أفتح هذا الموضوع من أجلكم
للأجابة على كل أسئلتكم بشكل من التفصيل والإيضاح ..
من قبل دخول الكليه إلى نهاية سنه ثانيه > بحكم إننا صغار تونا خلصنا ثانيه وكذا هههههه
والدكاتره م حيقصروا إن شاء الله من دفعتنا med 11 وحتى باقي الدفعات م نستغني عنهم دائماً متواجدين هنا ويساعدوا الله يعطيهم العافيه *

هلموا ي أحبه :)

إهداء صغنون *
" تبهى ي وطن الأحرار .. بجيل همه الإعمار "



# لازم أختم الموضوع بـ ألف وخمسميه خمس وخمسين مبروك لأحلى دفعه med 12

[بنوته لزوزة]

يشرفني اكون من اوائل المتواجدين في الموضوع..

فعلا ربنا مايضيع تعب، والي يصبر ويجتهد اكيد حينول الي مراده...

عنجد ماصدقت اني انقبلت لدرجة اني كنت ابكي وماما تقلي حددي موقفك انقبلتي ولا لا

ودحين لما اتزكر يجيني الضحك :d

بس انا زعلانة على صحبتي انقبلت موازي والفرق جددددن بسيط جزء من المية علئ قولهم
وبقنعها انو الموازي نفسو نفسو العادي ومو راضية تقتنع
على فكرة هوا مافي اختلاف بينهم صح؟

عموما مبروك المرة المليون لدفعتنا الصابرة والمتحملة والداااافورة جدا جدا جدا

والله يوفقنا ويبلغنا اعلى المراتب

شكرًا مقدمًا ميد11 ❤

[Abdullah Al-juhani]

وعليكم السلام ورحمة الله وبركاته ،،

الله يبارك فيكِ د. بشاير ، انت أدرى بموقفنا اللي احنا فيه وأكيد حتتحملونا ^^"
بما إني فاضي وما عندي شيء قعدت أفكر بالنسبة لألوان السكربز !! هل الكلية تحددها ولا الطلاب ؟
وإذا الطلاب يحددوها كيف نرسى لنا على بر

[بشائر الفرح =)]

المشاركة الأصلية كتبت بواسطة a . Y . J وعليكم السلام ورحمة الله وبركاته ،، الله يبارك فيكِ د. بشاير ، انت أدرى بموقفنا اللي احنا فيه وأكيد حتتحملونا ^^" بما إني فاضي وما عندي شيء قعدت أفكر بالنسبة لألوان السكربز !! هل الكلية تحددها ولا الطلاب ؟ وإذا الطلاب يحددوها كيف نرسى لنا على بر

هلا والله دكتورنا
أكيد أكيييييييييييييييييييييد وهل في ذلك شك ؟ على العين والرأس والله اسئلوا لحد ما تطفشوا

بالنسبه للألوان السكرب فاللون المحدد من الكليه هو الأزرق الملكي لكلية الطب هو اللون الرسمي بشكل عام لكل الدفعات ..
ممكن إنتوا تحددوها ليش لا بس حتلقوا صعوبة ف الإتفاق إلى حد ما > مجرد إحساس
لإنن مؤكد كل واحد حاب لون معين .. مو زي لما يكون الأمر إلزامي !
وغالباً الأزرق الملكي كشخه ويحسسكم بالطب أكثر

> في فكره جيده ممكن تفتحوا لكم صفحه على الفيس وتتفقوا هناك > زي كل الدفعات
يعني إن شاء الله بيكون سهالات .. ومن أكثر المواضيع الشيقه اللي حتشغلكم أول السنه

وي هلا فيكككككك دائماً
> بالمناسبه التصميم روعه
ماشاء الله لاقوة إلا بالله مبددددع :)

[بشائر الفرح =)]

المشاركة الأصلية كتبت بواسطة بنوته لزوزة يشرفني اكون من اوائل المتواجدين في الموضوع.. فعلا ربنا مايضيع تعب، والي يصبر ويجتهد اكيد حينول الي مراده... عنجد ماصدقت اني انقبلت لدرجة اني كنت ابكي وماما تقلي حددي موقفك انقبلتي ولا لا ودحين لما اتزكر يجيني الضحك :d بس انا زعلانة على صحبتي انقبلت موازي والفرق جددددن بسيط جزء من المية علئ قولهم وبقنعها انو الموازي نفسو نفسو العادي ومو راضية تقتنع على فكرة هوا مافي اختلاف بينهم صح؟ عموما مبروك المرة المليون لدفعتنا الصابرة والمتحملة والداااافورة جدا جدا جدا والله يوفقنا ويبلغنا اعلى المراتب شكرًا مقدمًا ميد11 ❤

هههههه فعلاً الشعور يكون مختلف تماماً .. بس إنتوا تستاهلوا صراحه :)
والحمد لله ربي فرحكم وأعطاكم اللي تتمنون يارب لك الحمد ,

بالنسبه للموازي فأبداً أبداً مافي أي اختلاف صدقيني , اللهم ما يأخذوا مكافاه فقط
نفس الكلاس ونفس الدراسه ونفس كل شيييييييء مافي أي اختلاف بين الموازي والإنتظام غير المكافأه .. قولي للدكتوره لا تفكر إنه موازي وتزعل بالعكس تفكر إنها طبيبه وتفرح وتقدر إن شاء الله إذا شدت حيلها ورفعت معدلها وجابت الأولى ع دفعة الموازي تتحول للإنتظام > لإن غالباً التحويل يكون صعب .. و إن شاء الله ف الإمتياز حينزل لها راتب زي كل الطالبات
فلا تشيل هم أبداً الموضوع أبسط مماتتخيل ..

اي والله مبروك لكم افرححححححوا بأنفسكم إنتوا حاجه خطيره الله يحفظكم
عفواً عفواً هذا واجبنا وما أبغى أسمع كلمة شكراً مرا ثانيه ههههههه مفهوم ! >

[بنوته لزوزة]

المشاركة الأصلية كتبت بواسطة بشائر الفرح =) هههههه فعلاً الشعور يكون مختلف تماماً .. بس إنتوا تستاهلوا صراحه :) والحمد لله ربي فرحكم وأعطاكم اللي تتمنون يارب لك الحمد , بالنسبه للموازي فأبداً أبداً مافي أي اختلاف صدقيني , اللهم ما يأخذوا مكافاه فقط نفس الكلاس ونفس الدراسه ونفس كل شيييييييء مافي أي اختلاف بين الموازي والإنتظام غير المكافأه .. قولي للدكتوره لا تفكر إنه موازي وتزعل بالعكس تفكر إنها طبيبه وتفرح وتقدر إن شاء الله إذا شدت حيلها ورفعت معدلها وجابت الأولى ع دفعة الموازي تتحول للإنتظام > لإن غالباً التحويل يكون صعب .. و إن شاء الله ف الإمتياز حينزل لها راتب زي كل الطالبات فلا تشيل هم أبداً الموضوع أبسط مماتتخيل .. اي والله مبروك لكم افرححححححوا بأنفسكم إنتوا حاجه خطيره الله يحفظكم عفواً عفواً هذا واجبنا وما أبغى أسمع كلمة شكراً مرا ثانيه ههههههه مفهوم ! >

الله يسعدك يادكتورة و بإذن الله نكون على قد المسؤولية ..
انا سمعت انو في مواد الثقافة والعربي اتوقع او حاجة كدا تكون كلاسات الموازي مو معانا !
و كمان بالنسبة للتحويل لازم تكون الأولى فقط على دفعة الموازي مو على كل دفعة الطب صح ؟
وآممم تقريبا كم يكون عدد طالبات الموازي ؟


* ممكن تورينا صورة للجدول

حالفة مااطلع من الموضوع بدون مااسأل أو اطلب و دي المرة محا اقول شكرا بس بجد يعطيكي العافية حبيبتي ..

[بشائر الفرح =)]

المشاركة الأصلية كتبت بواسطة بنوته لزوزة الله يسعدك يادكتورة و بإذن الله نكون على قد المسؤولية .. انا سمعت انو في مواد الشريعة اتوقع او حاجة كدا تكون كلاسات الموازي مو معانا ! و كمان بالنسبة للتحويل لازم تكون الأولى فقط على دفعة الموازي مو على كل دفعة الطب صح ؟ وآممم تقريبا كم يكون عدد طالبات الموازي ؟ * ممكن تورينا صورة للجدول حالفة مااطلع من الموضوع بدون مااسأل أو اطلب و دي المرة محا اقول شكرا بس بجد يعطيكي العافية حبيبتي ..

أهلاً دكتوره ,

ايوا دفعة ميد 10 كان عندهم حكاية الفصل بين طالبات الموازي والإنتظام ف الثقافه والعربي
بس على دفعتنا ماعمرهم فصلوا بين الموازي والإنتظام ف المحاضرات .. بس كانوا أيام الإختبارات ومو دايماً يختبروا الموازي لحال والإنتظام لحال مع إن الأسئله وحده ,, عشان تقدري تقولي الموازي لهم كشف أسماء خاص بهم فيختبروهم لوحدهم !

اللي أعرفه إن أول طالبه على دفعة الموازي يحولوها إنتظام > يعني اللي تشد حيلها تقدر تحول إن شاء الله وفي بنات حولوا من موازي لإنتظام , هو شيء مقدور عليه بحول الله مع الإجتهاد القوي جداً ومو شرط ف سنه ثانيه بس .. في أي سنه تحقق الأولى يحولوها مباشره ..

> تقريباً عدد طالبات الموازي حوالي 45 طالبه أكثر أو أقل شويه

بالنسبه لصورة الجدول :
تفضلي واستمتعي :)
جدول الترم الأول - med 10

هههه ي هلا فييييييييييك والله دايماً تعالي
الله يعافيكك ويخليك , ويوفق صحبتك ويفتح ع قلبها :)

[ghazl]

مبروك للمقبولين وإن شاء الله تكون سنة تنافسية جميلة ;)

انا حاليا خارج جدة واحتمال ح فوت الدوره اللي بشهر 10 ؟؟ هل ح تكون مهمة/أساسية ؟؟ ح تأثر لو ماحضرتها

[بشائر الفرح =)]

المشاركة الأصلية كتبت بواسطة ghazl مبروك للمقبولين وإن شاء الله تكون سنة تنافسية جميلة ;) انا حاليا خارج جدة واحتمال ح فوت الدوره اللي بشهر 10 ؟؟ هل ح تكون مهمة/أساسية ؟؟ ح تأثر لو ماحضرتها

هلا دكتوره ..
والله تبغي الصراحه .. هي الدوره إختياريه ليست إجبارية الحضور لكن ف نفس الوقت حتفيدكم مرا وحتختصر عليكم مشوار طويل من الأسئله والحوسه بداية السنه .. فأنا نصيحتي الحاره إنك تحاولي قد ما تقدري تحضري .. لإنها من جد حتفيدك بحول الله *

موفقه ي رب

[ζ ـــږۉف الـتـ’ـمـيـــزْ]

الحمد لله اللي يسر لنا هذا

بنوتة انا زيك كمان جلست ابكي وارتجف وانادي امي واحس اني قاعده اصارخ واستغرب محد يرد على بعدين اكتشفت اني اهمس بس من التوتر اسمع صوتي عالي خخخخخ

الحمد لله اليوم وضعنا اقدامنا على اول خطوه من مشوار الالف ميل ..
الله ييسر لنا ان شاء الله

يعطيك العافيه بشاير على الموضوع
و مشكورين دفعه 11

واكيد لو في اي استفسار راح تلقوني هنا =)