الصوتياات.!!

[رحماك ربي]

السلام عليكم
أتمنى ان يكون الجميع بخير
وصلت لمرحلة إني أحتاج أحد يساعدني ويشد على يدي فتوكلت على الله وبعد بحث وجهد لقيت مدرسه خصوصيه لما قلت لها صوتيات قالت إذا امريكي ما اقدر وإذا بريطاني مافي مشكلة
أنا حاسه إنو أمريكي بس ما أبغى أسبق الاحداث وانصدم بس قولولي هل مواد اللغويات عموما عندنا انجليزي امريكي أوبريطاني
وجزاكم الله كل خير

[نايف ...]

اتوقع تلعب عليك المدرسه هاذي
حسب معرفتي ان الصوتيات واحده
لان الصوتيات تعتبر هي مخارج الحروف ونطقها والخ

[القهوة العربية]

مادة شيقة جدا وممتعه ولا تحتاج لحفظ كثير - ولا منها اى خوف - ربما نوع من الندم قد ينتابك بعد ماتتجاوزين المادة من المدرسةالخصوصى - ( لان حسب معلوماتى من كثير الطلبة يستغرب فى الاخير انه عند مدرس خصوصى - لا يضحكو عليكم العبطا) - ان شاء الله راح نشوف مدرسين ومدرسات من ابناء وطنا الغالى خصوصيين خاصة الاعضاء المتمييزين فى هذا المنتدى - اصحاب خبرة ودراية عالية من الدكاترة واهل ثقة ومصداقية

[Super Linux]

وعليكم السلام ورحمة الله وبركاته

من جد كلام القهوه العربية الماده حلوه

انا حذفت ريدينق 2 السبب السويسي في طالبين من الاسبوع الي فات وهم يطاردونه واشتكوه لانه عطاهم 60 وهم يستحقو اكثر من كذا

قلت ياعمي ريح راسك واضفت بدالها ف نفس الوقت صوتيات عند عبدالرزاق شيخ عمر
والدكتور هادي وباين انه بن حلال والكلاس مافيه الى 10 يعني من جد فله
ومعايه دوافير القسم ههههه << جالس جنبهم

لامدرسين ولاحاجه شدي حيلك الماده حلوه تعلمك مخارج الحروف والنطق الصحيح للكلمات
يعني لو شديتي حيلك ف هالماده وبعدين اخذتي علم الاصوات اضمن لك بعد الله ان نطقك راح يكون صحيح 100%

والله يوفقك

[رحماك ربي]

السلام عليكم

أخي نايف والله ما أدري هذا كلامها واحس ضيعتني الله يعين

أخواني القهوة العربية ،Super Linux
كلامكم حمسني أذاكرها لوحدي واجتهد مع إني حملتها قبل كذا وجاني مثل الاحباط وعدم الثقة علشان كذا صرت أبحث عن مساعدة بس إن شاء الله بتوكل على الله واذاكرها لوحدي وللعل الله يكتبلي الخيره في هذا القرار دعواتكم
الله يجزاكم الجنه ويوفقكم ماقصرتوا ^_^

[ودعت جرحك]

السلام عليكم ورحمة الله وبركاته

اللي أخذناها الترم الماضي بريطاني بس أخذنا الاختلافات بين البريطاني والأمريكي وعموما
المادة شيقة جدا تحتاج للفهم أكثر وهي لا تخلو من الصعوبه وبالتوفيق .

[nour al3mr]

وعليكِ السلام و الرحمة

المدرســـة صادقة لأنه بين كل لهجة تختلف طريقة النطق

أفتكــــر أنه كان أمريكي بس أعطيها الكتاب وخليها تشوفه لك

[مني يغار الورد]

ربي يعينك
انه اخذه الحين المس قالت بنركز في الامريكي ~_~ مااعرف اذا يفرق من استاذة لاستاذة!
يارب المادة تكون سهلة وان شا الله ماتحتاجي لمدرسة
الله يوفقك وييسر امرك