استفسار عن قسم أحياء

[مرام12]

السلام عليكم

حابه اسئلكم ايش هيا المواد الي تاخذوها في أول سنه ؟ وهل السنه الأولى في التخصص سهله ولا صعبه ؟

وفيها تشريح ؟ والدراسه فيها انقلش ولا عربي ؟

وياليت الي تعرف تقلي اسماء الكتب حقت اول سنه ؟


دعوة صاادقة من القلب لكل وحده ترد

[their moon]

حابه اسئلكم ايش هيا المواد الي تاخذوها في أول سنه ؟ وهل السنه الأولى في التخصص سهله ولا صعبه ؟

اول سنة ونص مواد عامة لكل بنات الاحياء قبل التخصص في ناس بياخدوها على حسب توزيع المستويات في الخطه وفيه ناس لأ بيمشوا بترتيبهه هم
http://bio.kau.edu.sa/Pages-Bachelores.aspx

في هالرابط راح تلاقي اول 3 اترام موحده لكل اقسام الاحياء
ومافي شي سهل ولا شي صعب انتي وجهدك وحبك للقسم بشدة حيل ومذاكرة أول بأول راح تصير المواد الدسمة تمام التمام معك بإذن الله


وفيها تشريح ؟ والدراسه فيها انقلش ولا عربي ؟
يب فيه تشريح فار في مادة bio 202 ومادة bio 251 وكمان ممكن مادة bio 281



وياليت الي تعرف تقلي اسماء الكتب حقت اول سنه ؟

مو كل المواد كتب فيه مواد بتعطيكي دكتورة المادة سلايدات خاصة بيها على العموم ما اقدر احدد لك الا لمن اعرف انتي ايش مقرره تاخذي في اول ترم

بالتوفيييق

[skh]s]

وعليكم السلام ورحمة الله وبركااااته
يااهلااااا فيكي ^_^..
هااذي المواااد اللي تدرسيها قبل ماتتخصصي احياء حيوان /نبات/احياء دقيقة/هندسة وراثية


والدراسة بالانجليزي بس لا تخافي مرررة سهللل انا كنت بنصرع عشان الانجليزي بس الحمدلله طلع سهل وماينخاف منو ابدا^_^..
المواد ع حسب يجيكي جدول وانتي تعدلي فيه تضيفي المواد اللي تبغيها او تحذفي^_^
ايوا في تشريح في احياء202 بس الاستاذه تسوي كل شي انتي مثلا تخليكي تقصي الجلد او اي شي بس ماتمسكي فار ولا ارنب بكبرو وتشرحيه لا ولا تخافي احنا برضو كنا خايفين ومتقرفين بس خلاص لما يبدأ الدرس تحسي انك داخلة جو درس وتنسي انو تشريح ^_^

[مرام12]

الله يسسسسعدكم وتجيبو معدلات عااالية

تسسسلمو حبايبي :)