قولولنا كيف بتذاكروا ؟

[Hope!]

السلام عليكم ورحمة الله وبركاته

الهدف من هالموضوع تعلمونا كيف بتذاكرو
راح احط اسئلة للناس اللي مو عارفه كيف تحكي عن نفسها
بس تقدرو تكتبو بدون ما تجاوبو ع الاسئلة براحتكم يعني ^^


1) روتينك اليومي ؟ متى ترجع من الجامعة وايش تسوي لين تنام ؟

2) متى تبدأ تذاكر للاختبارات؟ وكم محاضرة تنجز في اليوم؟

3) كيف تقسم الويكند؟

4 ) مستواك الناتج من هذا الروتين ؟

5) ايش اللي تتمنى تغيره وتحس حتجيب درجات افضل لو غيرته؟

6) كيف تبدأ تذاكر المحاضرة؟ ( ايش هيا خطوات مذاكرتك )

اتمنى الكل يجاوب ع الاسئلة ، حتفيدو نفسكم وغيركم
شكرا لكم

[Feras L. Kindi]

السلام عليكم ورحمة الله وبركاته

وعليكم السلام ورحمة الله وبركاته

الهدف من هالموضوع تعلمونا كيف بتذاكرو راح احط اسئلة للناس اللي مو عارفه كيف تحكي عن نفسها بس تقدرو تكتبو بدون ما تجاوبو ع الاسئلة براحتكم يعني ^^

اوكي :)

1) روتينك اليومي ؟ متى ترجع من الجامعة وايش تسوي لين تنام ؟

تختلف من يوم لآخر ... بس بشكل عام: أصحى > أفطر > أروح الجامعة > أرجع البيت > اتغدى > اقعد مع الاهل > العب ع الكمبيوتر > أنام > تكرار.

2) متى تبدأ تذاكر للاختبارات؟ وكم محاضرة تنجز في اليوم؟

قبل الإختبار بأسبوع - أسبوعين...

3) كيف تقسم الويكند؟

من الأحد إلى الخميس دوام .... جمعة وسبت إجازة

4 ) مستواك الناتج من هذا الروتين ؟

ليش الإحراج؟

5) ايش اللي تتمنى تغيره وتحس حتجيب درجات افضل لو غيرته؟

أزبط جدولي ووقتي عشان أذاكر زي الخلق

6) كيف تبدأ تذاكر المحاضرة؟ ( ايش هيا خطوات مذاكرتك )

تختلف من مادة لأخرى ... بعضها أجمع الملخصات وبعضها أجيب محاضراتها والأخر أجيب التسجيلات ومنها اللي أدور لها شروحات ع النت سواء فيديو أو صور ... بس بشكل عام أبدأ أشيل الملهيات وأهيء نفسي للمذاكرة

اتمنى الكل يجاوب ع الاسئلة ، حتفيدو نفسكم وغيركم شكرا لكم

جاوبنها وعفوًا ...





نجي للمهم اللآن

طبعًا الروتين اللي كتبته سيء جدًا وجابني واللي معايا ورى
وحتى لو كتبت لكم الروتين المثالي للطالب المثالي ماراح تستفيدوا أي شي...
كل واحد يحدد روتينه, ظروف الناس تختلف من بعضها ... بعضهم عايش لوحده في السكن فما يقعد مع اهله ... بعضهم هو اللي ماسك شغل البيت كله عشان كذا ما يلاقي وقت لخرجات مع اصحابه .. البعض مايخرج مع اصحابه او ما عنده فتلاقيه فاضي.
صعب ان الواحد ياخذ روتين شخص اخر عشان يطبقه او يستفيد منه.

اللي تحتاجوا تعرفوه كطلاب سنة ثانية طب هو الأتي:-
1- حياتك قبل الطب "لا تساوي" حياتك بعد الطب ... اختلاف تام.
2- ليست بمأساة أو كارثة ... بشرط !! ... تذاكر أول بأول.
3- هذه حياتك من الآن فصاعدًا .. فتأقلم معاها .. بأي طريقة!
4- المناهج ليست صعبة في الفهم ولا المصطلحات صعبة الحفظ ... لكنها طويلة! ... قد ما تعطيها من وقتك قد ما تعطيك من معلومات تفيدك في حياتك الطبية أولا ثم الإختبارات.
5-دايما لخص واحتفظ بالملخصات ( يفضل تتعلم طريقة الخرائط الذهنية ) عشان ترجع لها في وقت الحاجة ...
6- كن مرتب من أول يوم وحاول تسوي إعادة تهيئة لحياتك اليومية .. يمعنى إنك تفضي أول أسبوعين من الدراسة ما تسوي فيها أي شي يشغلك عن المذاكرة أبدًا !! لو عندك خروجات أو تلعب أو تتفرج أرميها فقط مؤقتًا طول ما في درس ما خلصته .. إلين تفهم كيف الدراسة ماشية وكيف الضغط عشان تلاقي وقتك فاضي تقدر ترتبه .. بعدين يصير تحط أي شي في الأوقات الثانية.
7- لازم تستمتع بوقتك ... لازم ! .. وإلا راح تنفجر وتضيع وصعب هنا ترجع للمسار.
8- سمعتوا عن Teach Me Medicine by Med13 ؟ .... سجلوا فيها إن أمكن

وأخيرًا خذوا هذه النصائح الذهبية من خبرتي ( ويالها من خبرة ) وخبرة الكثير من زملائكم:
1- المذاكرة أول بأول !
2- المذاكرة أول بأول !
3- المذاكرة أول بأول !
4- لا تراجع ولا استسلام
5- أبدًا لم يفت الأوان ... دائمًا في وقت للبداية من جديد والبداية بقوة .. حتى لو وصلت لإنك تعيد السنة, هذا موضوع يترتب عليه حياتك وحياتك عائلتك فحتى لو تأخرت مو مشكلة .. المهم تكون ماشي صح !


طبعًا الكلام دا عبارة عن رأي شخصي وخبرتي المتواضع من التخبط في الكلية هذه ... ولكن ع التخبيط ع قد المتعة

الله يوفقكم ويعينكم إن شاء الله ... المرحلة الجاية صعبة وطويلة وحلوة .. بالفعل مغامرة لن تنسى! ... وثقوا كل دقيقة من حياتكم عشان حتندموا لو ما خلدتوها في ذاكرتكم


في أمان الله

[بشائر الفرح =)]

المشاركة الأصلية كتبت بواسطة hope! السلام عليكم ورحمة الله وبركاته الهدف من هالموضوع تعلمونا كيف بتذاكرو راح احط اسئلة للناس اللي مو عارفه كيف تحكي عن نفسها بس تقدرو تكتبو بدون ما تجاوبو ع الاسئلة براحتكم يعني ^^ أهلاً بك 1) روتينك اليومي ؟ متى ترجع من الجامعة وايش تسوي لين تنام ؟ اممم الروتين اليومي عادي وبحسب الدوام طويل أو قصير وبشكل عام قراءه يوميه أحاول قد ما أقدر ألتزم فيها والمذاكره ف الويكند 2) متى تبدأ تذاكر للاختبارات؟ وكم محاضرة تنجز في اليوم؟ قبل بأسبوعين تقريباً أوعلى حسب الماده صعبه أو سهله 3) كيف تقسم الويكند؟ الخميس : لعب في لعب الجمعه : مذاكره خاصة الصباح السبت : نكمل نذاكر اللي ماخلصناه يوم الجمعه وننجز المهام الباقيه بس بشكل عام يكون أخف من الجمعه 4 ) مستواك الناتج من هذا الروتين ؟ الحمد لله بلاقيني أتحسن شويه شويه 5) ايش اللي تتمنى تغيره وتحس حتجيب درجات افضل لو غيرته؟ تقسيمة الوقت تحتاج تطوير عندي ولملمة الماده بطريقة ذكيه كذلك 6) كيف تبدأ تذاكر المحاضرة؟ ( ايش هيا خطوات مذاكرتك ) أول شي أقرأها كلها بعدين أحدد الأشياء المهمه وبعدين أبدأ أذاكر أو أحفظ وأحياناً أبداً مذاكره ع طول إذا كنت مضغوطه وكذا اتمنى الكل يجاوب ع الاسئلة ، حتفيدو نفسكم وغيركم شكرا لكم

العفو
الله يوفقكم
وتسيروا أحسن مننا كمان وتجوا تحكونا عن يومكم الدراسي :)

[Dr.Ammar]

إضافة بسيطة:

الروتين اليومي حيكون واحد من اثنين

1) إما انه الواحد حيرجع من الدوام وينام ساعتين ثم يصحى ويذاكر محاضرتين او ثلاثة في اليوم (او اقل في اول أسبوعين او ثلاثة لضعف اللغة الطبية)

2) وإما انه حيرجع ويجلس صاحي ويرتاح ساعتين ويشرب قهوة (لو حابب) ومن ثم يبدأ يذاكر ألي يقدر عليه


انا من النوع الثاني، روتين جيد بالنسبة لي


وبالتوفيق لأطباء المستقبل