ملتقى الاستفسارات عن الدكتورات ( plan A + B )

[أسرار سامي♥]

السلام عليكم ورحمة الله وبركاته
كيفكم بنآتِي ؟
الحمد لله وخلص الترم الأول
هَا كيف التحضيري ؟ حلوه و لزيززه مُو
فتحت هذا الموضوع لكم
تتبادلوا استفسارتكم وتذكروا تجاربكم مع الدكتورات
حتى الكل يستفيد في الترم الثاني
أتمنى كل وحده تذكر تجاربها مع الدكتورات و تقول هِي (سليمانيه أو شرفيه )
و تستفسر "كلنا ناخذ و نعطي " " نفيد ونستفيد "
مع احترام الدكتورات أكيد

طيب بالنسبه لتحويل الشعب
مافِي تحويل رسمي يعني بعد ما تحولي راح يضل في جدولك اسم شعبتك الأساسيه



كِيف أحول ؟
تِكلمِي الدكتوره اللِي بتحولِي عندها وتشرحي لها الأسباب ولآ تستلمِي :) - و بعد موافقتها تِكلمي دكتورتك و تشرحيلها الأسباب
بعد كذا تروحِي لمنسقة المادة وٌ تطلبي منها ورقة تحوِيل ثم تطلبي من الدكتورتين التوقيع على الورقَه
طبعا هذا كلها عشان الغياب و الحضور وما تاخذي حرمان في المادة
ومهم مهم مهم انه في الأختبارات تختبري مع شعبتك القديمه

ونصيحتي لِك
جربي دكتورتك لان الفهم و الاستيعاب يخلتف من بنت لبنت فأحضري محاضرة دكتورتك ثم احكمي وقرري



اتمنى يكون هالملتقى مفيد وزي ماقلت كلنا نفيد ونستفيد
و راجعة لكم بدكتوراتي
تنبيه : هذا الملتقى للاستفسار عن الدكتورات فقط أي استفسار خارجي سيحذف بمساعدة المشرفات
الله معاكم

[Mirinoxd]

بسم الله أنا أبدأ :))

كيمياء \ دكتورة إيمان حجازي, طيبة وشرحها تمام مرا ولو ما فهمتي تعيد لين تفهمك وماتحب انها تخلص النقطة الا والكل فاهم, بس دا الشي راح يؤدي لشي تاني وهو تأخر ف المنهج
ف ممكن تضطروا تاخدو كم محاضرة اضافية دا الشي راجع للشعبة نفسها, دكتورة عادلة وكلامها دايما يحفزني, تراجع معانا وتطمنا, احيانا تكون سريعه حبتين بس نبهوها وهي حتمشي حبه حبة معاكم.
اللي تنحط مع ايمان لاتخاف وان شاء الله تفهم معاها مزبوط.

أحصاء \ دكتورة أريج عبدالعظيم, سعودية وصغيرة ف السن وكانت من طالبات عبدالعزيز, الاحصاء منهج سهل ولو كنتي مركزة معاها راح تفهمي, تتطرق لكل النقاط بس في الي احسن منها, طيبة وتجاوب على اسئلة الطالبات
وتعيد الشرح عآدي, وتسوي مراجعات قبل الأختبارات, بس انا عني ما كان يقنعني جوابها ليا لما أسألها ف اشياء مافهمتها, يعني تحسيها هي كمان شويا متلخبط عليها المنهج, عكس سماح سندي الي اشوفها متمكنة ماشاء الله عليها وبرضو دعاء بوقري. بس عموما ازا انحطيتي مع أريج عبدالعظيم برضو مرا كويس و حتفهمي معاها الدروس كلها ان شاء الله.

أحياء \ دكتورتي الأصلية منى علي محمود, طيبة مرا وتعيد كتير وكانت سريعه ولما طلبو منها البنات تمشي حبة حبة تماشت معاهم وغير كدا كانت كل محاضرة ترجع تراجع معاهم كل الي اخدوه في المحاضرات الي قبل, انا نقلت من عندها بعد 3 اسابيع للدكتورة سالينا صديق, لو كانت انقليزيتك مو كويسة ما انصحك بسالينا أبداً لأنو شرحها كلو أغلبو انقليزي وسريعه سريعه مرا وكانت تخلص لنا شابتر شابترين في أقل من ساعه, مع إن المحاضرة مدتها الأصلية ساعه ونص, أنا عني كنت استفيد منها ف حاجة وحدة وهو نطقها للكلمات, لأنو دكتورة منى مصرية ونطقها للكلمات الانقليزية مو بيرفكت فمرات كنت اضيع معاها, عكس سالينا الي كانت انقليزيتها ممتازة فدا الشي ساعدني انو تترسخ الكلمات بسرعه ف راسي والاثنين مرا كويسات لكن يعتمد على لغتك لانو لو انقليزيتك مو كويسة مرا حتتوهي مع سالينا.

أيوا وحبيت أعلق على نقطة

ومهم مهم مهم انه في الأختبارات تختبري مع شعبتك القديمه

دا الشي ماصار مهم لأنو الاختبارات صارت الكترونية ف كنت اختبر ف أول قاعه احصلها قدامي فما يفرق لما تحولي انك تكوني ف نفس شعبتك حتى لو هما نزلو جدول للشعب.

يديكي العافية.

[legend45]

انا في فرع السلمانية خطة ب
الكيمياء : د.كتورة ليلى
الاحصاء : ا. دعاء بوقري او ا. سماح سندي
الاحياء : ا.حنان الشاذلي مرررره طيبة واول مره في حياتي اعرف انو الاحياء يتفهم

[سأهزم المستحيل!]

انا مو جديدة..ﻷني حملت مواد :) والحمدلله عديتهم بتوفيق الله وصرت خبره بالدكتورات .. ((( السليمانيه )))
خطه ب
الكيمياء : فايده بامانع +بسمه الحقبي سيئات جداً والله مااستفدت منهم حرف واحد وكمان دلال زين العابدين مو ذاك الزود بس اعتمدت ع فيديوهات يوسف زويل الله يجعله في الجنه يارب ومشيت تمام
اﻷحياء : يمدحوا حنان الشاذلي بس ماجربتها لﻷمانه والأحياء احس مايفرق لانه حفظ والحمدلله مره سهل وتتعدوه بدون قروشه بإذن الله
اﻹحصاء : سماح سندي وريما العمودي قممممممه ماشاءالله وأخلاق وذوق وكل شيء وحابه انبه اللي ماتعرف اﻹحصاء تراها ماده تضمني مذاكرتها وفهمها وحلها فاﻹختبار وتنصصصصدمي فالدرجه !!!!! الحل اتفقوا كل الدكتورات انو بحل السكاشن وحضورها مهم مهم مهم مهمم مررررره

خطة أ
الرياضيات : نجوى خوجه سيئه سيئه سيئه وماعجبتني ولافهمت معاها معادله وحده
دعاء قاروت تججنن الله يسعدها بس سريعه حبتين لكن متعاونه ﻷبعد حد معاك
الفيزياء : درستني وحده اسمها نورالدين مدري نسيت والله بس اسمها طويل ومركب مصريه والله العظيم بحياتي ماشفت أسوء منها شرح وأخلاق داخل الكلاس وألفاظ وتعامل وتحطططططيم ع كيف كيفكم استسلمت وحملت الماده من كلامها بس حسبي الله مع اني ما احملها المسؤوليه كامله بس والله كان لها يد بشرحها السيء وتحطيمنا يومياً بسلبيتها ونظرتها السوداء لنا
أستاذه نجوى درستني هالترم عسسسسل الله يسعدها ويوفقها ويرزقها من حيث لاتحتسب من اول محاضره قالت درست المنهج 11 سنه وبفضل الله ماعمر طالبه وحده رسبت عندي ترفع معنوياتنا ومرتبه جداااااااا وتسوي ملخصات وكل الشعبتين درجاتهم بحدود 26 وفل مارك حتى بالدوري الاول قالت 3 بنات بس جابوا 14 و17 وزي كذا



آسسفه طولت بس حبيت افيدكم وأنصحكم للكيمياء والفيزياء والرياضيات اللي ضايعه مع دكتورتها بفيديوهات يوسف زويل تلاقيها بالفيس بوك ابحثي ب اسم " درس خصوصي لزويل " الله يوووووفقكم جميعاً ويبلغكم ماتتمنون ♡♡♡♡♡'

[د/ندى]

كيمياء / كنت عند سهير جداا سيئة محاضرة تفهميي منها وعشرة لا بس سمعت انو عايشة مباركي كويسة

احصاء / كنت عند الا الفريدي جدنننننننننننننننننننننننن سيئة / ادا كنتي عند فاتن ف الاحصاء ف اضمني الدرجات العاليه وربي حضرت عندهها محاضرة فرقق شاسع بينها وبين الاء الله يسامحها بس , اخس درجات هيا شعب الاء كلهم طعششش

احياء / كنت عند فاطمة النفيعي و د/نورة الزهراني م بهم شي بس الافضل تكوني عند فريال المنسقة لانها تفهم وتركز ع الاشياء اللي بتجي بالاختبار اما حقوني كانو يقرؤؤ بدات فاطمة دي كانت تقرينا وقت المحاضرة بالدور شغل ايام التانوي الله يهديها

[manalkahled]

انا خطه الف وكنت عند نجوى خوجه في الرياضيات
اي وحده معاها تعرف انو مستقبلها انتهى لا تحاول ابدا

[لهيب الزهور]

الأحصاء:

شفياء الحظيرة ،، سماح سندي ،، ريما العمودي

الكيمياء:

ليلى الحربي ،، نهى الوزان

الأحياء:

حنان الشاذلي

[سعاادد]

انا بالشــرفيـة
كيمياء \ ريــما الحاثي .. كثير بنات كانوا م يفضلونها وحضروا عند عاشة مباركي بس انا كنت مرتاااحة معاها واحس انها متمكنة من المادة ماشاء الله وكل شي اكون معاها فاهمتة وحتى بساعاتها المكتبية تستقبلك بصدر رحب
احصاء \ فاتن الحسين .. انسانة متمكنة من مادتها بس عيبها قاعاتها زحمة لان كثير يجوا يحضروا عندها
احياء \ don't worry about this subject ( هههههههه فلسفة )
جدلان الجهد كلة عليك صح ان بعض الاستاذات يثبتوا المعلومات بس كمان لازم تنتبهوا للشرح ولاتسمعوا كلام اللي يقولوا مادة صعبة احنى اخذناها على روسنا قبلكم ولازم تتعلموا من اخطائنا (( لو تجلسي بالويكند بالبيت لحالك عشان بس تذاكري احياء ابدا لاتزعلي لانك بتريحي راسك وقت الاختبار وتجيبي درجات عالية اذا شاء الله)) امممم وبس هذا اللي اقدر اقولة

[Jasmin_]

بعد تجربتي الترم الاول أنصحكم بالأحياء عند د حنان الشاذلي بجد اول مروره اعرف معاها ان الأحياء يتفهم مرره دكتورة تمام أنا ما كنت من شعبها بس كنت احضر عندها إضافي وعادي كثير بنات يحضروا زيي وما كانت بتمنعنا. الإحصاء كنت عند دعاء بوقري كان تمام شرحها ويتفهم بس في الاختباراتما ما ادري ايش يصير رغم انو افهم وكلو تمام بس الاختبارات مو سهلة كمان في أستاذة سماح سندي وريما عمودي كمان تمام الكيمياء كنت عند د تهاني الزيات صراحه مع احترامي مرره ما تفهم مرره يعني تجلسي بالمحاضرة ما تستفيدي أنا حولت عند د ابتسام كان حلو شرحها في كمان نهى الوزان وليلى الحربي تمام للكيمياء << وياليت خطة ا يتكلموا عن تجاربهم مع الدكتورات وبالتوفيق

[sereeno]

السلام عليكم ورحمة الله وبركاته ..

خطـة ' أ 'السيلمانية

بسم الله نبدأ


math110


درستني أ. منال النهدي مااشي الحال في بنات كانوا يفهموا عليها وبنات لا :/
وأفضل الأستاذات أ. ليندا الزبن بشهادة الكتير و أ.نهلة الدواليبي ودرجات بناتهم ماشاء الله عالية ..


PHYS110

درستني د.سـامية أبو شوشة قمممممممممممممة ف الروعة ماشاء الله ..
بالإضافة إلى د.هناء فرحان الكل يمدحها ومعروفة ملخصاتها ونماذج اسئلة السنوات السابقة الي تعلمها وتكون متوفرة بمكتبة خوارزم داخل الجامعة للدوري الاول والثاني والنهائي..
أيضا هي مساعدة منسقة المادة د.ريم الوافي ..
والعدييد والعديييد من دكتورات الفيزياء أغلبهم كويسين ولله الحمد ..

COMM101

ب النسبة لمادة مهارات الاتصال أعتقد انها مادة جدددا سهلة مهما اختلفت دكتورتها .. ولكن يزيد حبك ف المادة بحسب الي تدرسك
وهادي المادة محاضرتها كانت من امتع المحاضرات لمن أحضرها درستتي أ.شيماء جستنية من أعسل وأجمممممل مايكوووون انسانه جدا رائعة
وطبعا بلا شك ..
د.أميرة النمـــــر
من أفضل وأفضل وأروع الدكتورات كانت تعرف درجات بناتها وحافظة كل وحدة ودرجتها حريصة جدا ومثقفة جدا وبتعمل مراجعات قبل الإختبارات وأنصح الكل يحضرها وما تمانع إنو أي احد يحضر عندها :))
وأيضا بشكل عام بيمدحو في أستاذات مهارات الاتصال وهادي المادة ما منها خوف سهللة جدا بإذن الله

CPIT 100

ب النسبة لمادة الحاسب .. درستني أ.منيرة العتيبي قممممة في الروعة أخلاق ف الشرح و التعامل وكانت معاها المادة جددا جميلة ..
وب النسبة لباقي الاستاذاات ماعندي عنهم معرفة كبيرة .. :))

و ف النهاية موفقييييين حبايبي