سؤال للطعمين في القسم

[enou]

السلام عليكم
انا طالبه منتسبه علم نفس مستوى 4
ابغا اعرف ايش الاقسام اللي موجوده في الكليه وفين احسن او اسهل
كيف التحويل ولاشروطوالمعدل
فيدوني الله يوفقكم دنيا واخره

[قصة غروب]

وعليكم السلام ورحمة الله
اهلا وسهلا اختي الغاليه ف منتدانا.
بالنسبه لسوالك اعتقد انه مابتقدري تحولي من كليه ادبيه انتساب الى كليه طبية انتظام
لكن برضوا علشان تتاكدي راسلي عمادة القبول والتسجيل وهم بيفيدووك اكثر مني.
وبالنسبه للاقسام قولي ايش تبغي تعرفي عن كل قسم وان شاء الله مانقصر معك.
تمنياتي لك بالتوفيق
تقبلي مرووري
تحياتي

[enou]

تسلم ع الرد
اصلا انا ماني عارفه الاقسام اللي عندكم فا ابغا اعرف ايش الاقسام

[قصة غروب]

الله يسلمك
وبالنسبه للاقسام
عندنا قسم تقنية المختبرات الطبية
قسم الاشعه التشخيصيه
قسم العلاج الطبيعي
قسم التغذية الاكلينيكيه
قسم التمريض
وموفقه خير ان شا ءالله

[enou]

امممم
تغذيه كلينيكيه شكلها طيبه
بس كييييييييف

[قصة غروب]

اختي الغاليه الشغله مو زي مانتي متوقعه انه طيبه يلا دخلناها وخلاص
اختي هذا بيكون مستقبلك لازم تسالي عن التخصص هذا وتعرفي كل شي فيه قبل لا تدخلي التخصص هذا.
اما بالنسبه لكيفك اكثر ناس يفيدونك هم عمادة القبول والتسجيل لان هم اللي عندهم الخبر الاكيد.
بالتوفيق ان شا ءالله
تحياااتي

[enou]

طيب ياسيدي عارفه انو مستقبل ومو حاجه عاجباني ودخلتها والسلام
تغذيه كلينيكيه شفتها حلوه انا عندي فكره عامه عنها عشان كدا قلت حلوه ومستقبلها حلوه كمان
مالت على حريم العماده عندها كلهم حقين شيله اكياس القهوه والحلويات وطهمجه وكاي وكي واذا بنكلمهم نسالهم ياترد من غير نفس وماتطالع فيك ولاتشرشح وياريت الرد يفيد فشي كانك سالت جدار قلت اسال هنا اكرملي من الخلق دول ليش اضرب مشوار للجامعه واسال وارجع ماعرف شي زي ماروحت
ومشكور ع الرد ماتقصر

[قصة غروب]

ربي يكوووون ف عونك والصراحه دايم نسمع ع الطريقه اللي يستخدمها الموظفات ف شطر الطالبات في معاملة الطالبات ربي يكون ف عونكم
لكن اختي الغاليه انا انصحك ترسلي ايميل لعميد القبول والتسجيل وتستفسري فيه عن كل شي تبغي تعرفينه وهوا مابيقصر معك وبيرد عليكي ان شا ءالله
وبالنسبه كيف تقدري تاخذي ايميل العميد ادخلي ع موقع عمادة القبول والتسجيل وبعدين ع موقع العميد وبتحصليه حاط ايميله|.
ربي يوفقك ووييسر لك
تحياااتي

[enou]

فكره والله اراسل العميد احسن
بس طبعا موضوع موظفات العماده اللي عندنا ماينفع نسكتلهم اكتر من كدا لازم يوقفو عند حدهم ايش مفكريننا جايين نستهبل حسبي الله ونعم الوكيل فيهم
والله تسلم يا اخ قصه غروب ماتقصر الرد اول باول جزاك الله خير ويوفقك دنيا واخره

[قصة غروب]

انا والله اشوف هذا انسب فكره ممكن تفيدك والعميد ماشاء الله يستجيب يعني مو زي الباقي يطنش.
الله يكون ف عوونكم من جد ومالكم غير انكم تشتكونهم علشان يوقفوهم عند حدهم, الله يوفقك وييسر لك ولا شكر ع واجب
واي استفسار ان شا ءالله ماانقصر معكم سواء انا او اعضاء منتدانا الغاليين
تحيااااتي