أستفسار الجمع بين الدراسة والوظيفة

[طيبة الخير]

السلام عليكم ورحمة الله وبركاته
انا طالب تخصص حاسب الي ولأني بصراحة بحاجة إلى المال بحثت وبحثت وبحث خلال سنة كاملة
ألى ان وجدت وظيفة في شركة ولله الحمد والشركة دوامها مسائي من الساعة الرابعة عصر وحتى الساعة 9 ليلا وانا جدولي الدراسي صباحي يعني وقت الدوام مناسبني

ولكن ,الاهل حطموني قالو لي راح تفشل بدراستك وتصير فاشل دراسيا وصاحب شغلتين كذاب
وانا بصراحة تحطمت لان الوظيفة ولله الحمد حلوة ومناسبة لتخصصي ومافيها ضغط كثير


انا معاي ثانوي ودبلوم حاسب تقدير أمتياز ودورة مهارات حاسب بتقدير ممتاز ايضا

فرائيبكم ومشورتكم ياأهل الخير
تقبل الله صيامكم وقيامكم

[طيبة الخير]

رائيكم ومشورتكم ياهل الخير ياهل جدة

[قلبي صفوي]

كلام الأهل صادق ان كنت بتدرس تخصص علمي انتظام والله انه الدراسة تشيب الراس

[همة همة همة]

المشاركة الأصلية كتبت بواسطة طيبة الخير السلام عليكم ورحمة الله وبركاته انا طالب تخصص حاسب الي ولأني بصراحة بحاجة إلى المال بحثت وبحثت وبحث خلال سنة كاملة ألى ان وجدت وظيفة في شركة ولله الحمد والشركة دوامها مسائي من الساعة الرابعة عصر وحتى الساعة 9 ليلا وانا جدولي الدراسي صباحي يعني وقت الدوام مناسبني ولكن ,الاهل حطموني قالو لي راح تفشل بدراستك وتصير فاشل دراسيا وصاحب شغلتين كذاب وانا بصراحة تحطمت لان الوظيفة ولله الحمد حلوة ومناسبة لتخصصي ومافيها ضغط كثير انا معاي ثانوي ودبلوم حاسب تقدير أمتياز ودورة مهارات حاسب بتقدير ممتاز ايضا فرائيبكم ومشورتكم ياأهل الخير تقبل الله صيامكم وقيامكم

..توكل على الله ادرس وتوظف دامك تقدر توازن بين الوظيفة والدراسة ..
انت اسال نفسك هل استطيع ان اوفي بكل جانب بدون ما افرط في جانب على حساب الاخر ..
اذا قدرت تجمع بين الاثنين بكفاءة توكل على الله ادرس واشتغل ..
واحد من الاعضاء اسمه طارق ماشاء الله تبارك الله قرات له في احد الردود انه متوظف من 6 سنوات وهو يدرس في الجامعة انتظام ومستمر ماقال اخاف افشل ..
الخوف من الفشل اول درجات السقوط ..وانت شاب في مقتبل العمر اتعب ولا تفرط في الاثنين ..
كثير موظفين ومتزوجين وقدموا بكالوريوس انتظام والان يدرسوا ومنهم بعض اقاربي ..تلقى نماذج كثيرة في ملتقى الماجستير والدكتوراة ..

ودوام وشغلك في الوظيفة جدا ممتاز مع دراستك في النهار ..

اعقلها وتوكل ..لو اني بمكانك ..اتخذت هذا القرار ..
استخير الله المدبر ..
والخيار بيدك بعد خيرة الله .. والله يبارك لك في عمرك وحياتك والجميع ..

هذا رأيي وقابل للرد والاخذ ..موفقين

[rubi]

تقدر
تقدر
تقدر

الكسالى بس هما اللي اعطونا فكرة وانطباع انو شغل+ دراسة مايجي

كتييير اعرفهم يدرسو ويشتغلوا وانتظام

وكمان انت بنفسك قلت الوظيفة مافيها ضغط كتير

يعني احسن من غيييرك

[mesho.ksa]

لآ ياغالي تقدر وتنص ان توفق بين الدرآسة والعمل


انا اعرف طلآب كثيرين انتظام يدرسو بالجامعة الصبآح وبالليل عندهم وظآئف ومرتاحين وموفقين بين العمل والدرآسة


وانا طآلب منتسب وادرس الصبآح وبالليل عندي دوآم والحمدلله موفق بين الاثنين



اهم شي لآتهمل الدرآسة وتآجل حآول توفق بين الاثنين لآجل تستمر وتضبط وضعك



وبالتوفيق ان شاء الله

[Patricia]

فعلا أهلك صادقين وماكذبوا عليك وهم أدرى الناس فيك دراسة ووظيفة تعب مرة ولا يكلف الله نفسا إلا وسعها، لييه هي الدراسة سهلة للدرجة هاذي، بعدين أعتقد أغلب اللي يقولوك تقدر من جماعة اللي مايفكوا الكتاب إلا ليلة الإختبار.. واللي يطارد عصفورين بوقت واحد مايلحقهم كلهم وبالنهاية أكيييد القرار لك..

[مانع اليامي]

اذا كنتي مرتاح بوظيفتك وتستفيد شي منها وهي مفيده مستقبلأ يعني ماهي ضياع وقت على الفاضي او تستهلك صحتك على الفاضي فالتعب منسي والطموح يكسر حاجز اي شي واثبتي لأهلك انك قادر والله يوفقك والاول والأخير كلام الناس كثير والأهم كلامك مع نفسك وذاتك
الله يوفق الجميع

[منتظرة الفرج]

والله ما أحب احطم والناس قدرات سبحان الله

بس لو انطبق علي الوضع ما أقدر اجمع بين دراسة ووظيفة الا لو كنت انتساب
لان الانتظام دوام يوميا وتنقل بين المباني وتكاليف وواجبات وبحوث ..الخ واختبارات ورى بعض فيرجع الواحد مهدود حيله
والشركة ماراح تسمع بغيابات كثيرة لو كان عندك اختبار صعب نص الاسبوع وماراح تعطيها حقها
وبنفس الوقت لو ارهقت بالعمل او اضطريت للتأخير لاكمال عمل للساعة 10 او 11 وغبت اليوم الثاني
يعتبر لك غياب ويتبقى لك 5 ايام طوال الـ 4 أشهر (الترم) غيابات فقط عشان ما تنحرم

نصيحتي لك جرب اول ترم ادرس واشتغل لو قدرت موفق بإذن الله
لو ما قدرت اكمل تعليمك والله يعوضك بما خسرت من مادة ..

[بيو كيميائية ^_^]

تقدر إذا تبي وعرفت تنظم و قتك تقدر

كثير يشتغلون ويجيبون دراجات أعلى من اللي مايشتغلون

وأيضًا قيس على هذا البنت اللي متزوجة وعندها عيال وتجيب أعلى الدرجات

أعتقد نفس الشيء

وجرب فترة وإذا ماقدرت خلاص إترك الشغل