تجمع بنات [ بحث وَ تدريب ] الترم القادم 1432-1433 هـ

[محاسِبة كيوت]

السلام عليكم وَ رحمة الله
كيفكم يا محاسبات
هذا التجمع للبنات الي راح ياخذوا بحث وَ تدريب ان شاءالله الترم الجاي
كل مايخص المادة وَ دكتوراتها ينكتب هنا
حتى لو نجمع تجارب بنات سبقونا فيها ونستفيد منها
عشان يكون مرجع للكل

[roopinaa]

جزاك الله خير


انا والله محتاجه معلومات كثيره عن التدريب وافضل الاماكن

يارب احد يفيدنا

[Miss Honey]

والله مو عارفة ايش اسوي ضايعة زيكم :(
سجلت عند دكتورة جوهرة في عبداللطيف جميل
ووحدة تقول مايقبلوا هناك ومدري ايش
يسجلوكي بعدين تروحي تتدربي ويرفضوا وتتورطي
شي يجيب المرض

[JOoOdi 0]

انا معاكم

من بداية الترم دا دقيت على دلة وسجلت اسمي عندهم انا وكام بنت معايا وتوقعنا انو خلاص انقبلنا وقبل كام يوم رجعنا دقينا قالو لنا انهم مسحوا اسمائنا وحطو بنات تانين
من جد شي يجيب المرض مافي التزام ولامسؤولية
والمشكلة انه لازم نقدم الأوراق من بدري عشان القبول طيب كيف نقدم واحنا لسه محنا عارفين الدكتورة اللي بندرس معاها
شي يلخبط ويحير ماني عارفة اش اسوي ولا مع مين اخذ
اش رايكم ف استاذة فاطمة كمال في البحث والتدريب ؟؟

[Miss Honey]

^
حسبي الله ونعم الوكيل متى تنقرض الواسطات ؟ ( فيس بينفجر )
تخيلي خلاص تضبطي امورك وكل شي وتجي الدكتورة ترفض مكان التدريب O_o
يصير هالشي ؟
قولوا ايوه عشان انتحر مرة وحدة :/

[JOoOdi 0]

المشاركة الأصلية كتبت بواسطة miss honey ^ حسبي الله ونعم الوكيل متى تنقرض الواسطات ؟ ( فيس بينفجر ) تخيلي خلاص تضبطي امورك وكل شي وتجي الدكتورة ترفض مكان التدريب o_o يصير هالشي ؟ قولوا ايوه عشان انتحر مرة وحدة :/

ممكن يحصل كدا والدكتورة ترفض
بس لو تدربتي ف مكان معروف زي دلة والغرفة التجارية والمستشفيات فأعتقد انهم مابيرفضو
هما غالبا يرفضو البنوك بس

محاسبة كيوت من جد دي مشكلة كل ترم يسووها بعد ماأحدد الدكتورة اللي ابغاها الاقيهم غيروها لي
تعودنا على حركاتهم

الله يعين

بنات بسألكم احد سمع عن التدريب في مستشفى الملك فهد للقوات المسلحة ؟؟

[Esou.zn]

المشاركة الأصلية كتبت بواسطة jooodi 0 ممكن يحصل كدا والدكتورة ترفض بس لو تدربتي ف مكان معروف زي دلة والغرفة التجارية والمستشفيات فأعتقد انهم مابيرفضو هما غالبا يرفضو البنوك بس محاسبة كيوت من جد دي مشكلة كل ترم يسووها بعد ماأحدد الدكتورة اللي ابغاها الاقيهم غيروها لي تعودنا على حركاتهم الله يعين بنات بسألكم احد سمع عن التدريب في مستشفى الملك فهد للقوات المسلحة ؟؟

صحبتي تدربت هناك وهيا عندها واسطه
بس هي تخصصها اداره عامه اداره مستشفيات مو محاسبه ..

لو تبي اسألها اي شي قوليلي ..!

[محاسِبة كيوت]

اهلاً فيكم
أ جوهرة قالت الي تبغى تسجل تروح اول عند الدكتوره الي تبغى تاخذ معاها بحث وتدريب وتكلمها عن مكان التدريب بعدين تسجل
طيب لو ما نزلوا لي الماده مع الدكتوره الي ابغاها؟؟ ولا نزلوا لي معاها وبعدين غيروها (تحصل دائماً) في هذي الحاله ايش الحل
هوا غالبا بداية الترم يعملوا اجتماع لكل طالبات البحث والتدريب عشان نعرف الي لنا والي علينا وبعدين الدكتورة تجتمع مع طالباتها كل اسبوع

[شعاع الألماس]

أتمنى تثبيت الموضوووووووووع لانه جدا مهم

[محاسِبة كيوت]

تسلمولي على مشاركتكم ،،
يابنات لا تنسوا لما تضبطوا جداولكم اطبعوها وخلوا عندكم نسخه منه عشان اذا تغيرت شعبة البحث والتدريب او اي شعبة توروهم النسخه ويرجعوا الجدول زي ماكان