سكن الشرفية من بوابة الدخوال لـ السور العظيم <- ضحية سنة كاملة

[نـكـد]

السسلام عليكم

كل سنة وانتوا طيبين
والحمدلله على بلوغ الشهر
اعانكم الله على صيامة و قيامة


مبروك ل اللي انقبلوا - و موفقين
واقول ل الي ما انقبلوا ربي يحبكم اكثر من اللي انقبلو
لانو من ناحية الدراسة + السكن كلوووو صعععب خيرة من ربببي






اول شي بكلمكم عن شكل السكن
سووووووور كبييييير على مد النظر من برا محاط باشجار كثيفة مراااا وفيه كشك او غرفة صغيرة فيها العم عواد اللي الله رزقو بصوت ماشاءالله تبارك الله
ومع كذا هذا الشي الوحيد الحلو في السكن
من جوا 5 عماير كل عمارة دورين وفيها شقق ,
وعلى قولة بابا عنبر 1 عنبر 2 ( سجن )

------


العماير
كل عمارة فيها مشرفة تجي تدخل عليكي في اي وقت ليل او نهار
لاتقولي بقفل الباب مافي مفاتيح , واذا حطيتي يشيلوها
ولا تقولي يدقوا الباب , اسستغفر الله ما تحسي الا الباب قدو مفتوح
اصلا الحمام مافي قفل , كنا نقفل بالغسالة او باي شي ( مو كل الحمامات )
ومرا نعلق ورقة
اللمبة خربانة ظلام
لازم نروح نتشحت الشقق اللي جمبنا طبعا هما اولى بحمامهم
ف نخليهم يخلصو وكلو كلو بعدييين احنا يعني شاور في الصباح انسي
لازم الليل لانو الصباح اصحاب الشقة مرتبيلهم مواعيد
عاد تخيلي متى نروح الجامعة يادوووبك نلحق اخر باص
هذا اذا لحقنا ..



------

الشقق

فيها 4 غرف 2 حمامات و مطبخ
الغرفة فيها بنتين واحيان 3
الغرفة فيها دولاب وسريرين ومكتبين واذا محظوظة ح تلاقي دولابين
في غرف فيها شبابيك على برا وبعضها لا بلكونات
وما انصحكي ب بلكونات الدور الارضي لانو حشرات اكثر غبرة اكثر قطط اكثر
بس الدور الثاني تطلع حلوة ونظيفة كنا نذاكر فيها
اول شي ماتدري مع مين ح تكوني
ترا اشكال غريبة , تجين انتي هادئة واللي معاك رقاصة
وانتي نومك كثير هذيك تفتح اللمبة
طبعا زي ماهي غرفتك كمان غرفتها
( يارب لك الحمد كنت مع بنت خالتي ومتفاهمين )
والحمام مشترك كلكم 8 بنات على حمام ولا حمامين
هذا اذا كان كل الحمامين تمام
طبعا المطبخ فيه تلاجة و صندوق يقولو ماكروويف بس ما صدقت لمن دحين
لانو مرا لقيوا عش حمام فيه
وفيه ( زبالة) الله يكرمكم
الزبالة تتملي لمن راسها كل يوم ويجو اليوم الثاني العاملات ينظفوها
بس ربوع وخميس وجمعة ما تشوفوهم
تخيلي زبالة 3 ايام تنزل على السيراميك والعصيرات والسوائل تلصق والريحة
واااااااااااااااو شي مو طبيعي , كنا نتظر السبت بفارغ الصبر
والمكيفااات ماشاءالله اوروبا كل يوم امطار
وبعض البنات تكونت انهار عندهم
والجدار يلصق فيه المويا عاد شوفي الريحة استغفر الله
و فرفوري صديقنا انا و بنات شقتي
هذا ي حبايبي فار كل يوم وهوا ناط لنا وانواع الصراخ

احس شقق اللي فوق احلى على الاقل تفتحي الشباك على مناظر طبيعية خلابة
اللي هوا الشينكو او الهنقر اللي تلاقي عليه جزمة الله يكرمكم موديل 1989
وزبايل البنات وكاسات وعلب العصير الخ الخ
وباقيرا تلاقينوا ناط فجاة

بس الصعب لمن تشيلي شنطك والاكياس شي مو طبيعي تقعدي رايحة راجعة العماير
شويا بعيدة عن البوابة فتعب



--------

الساحة



فيها طاولة بلياردو اللي الكور والمضرب عند الادراة لازم توقيع وكذا
عشان تاخذيها
وهيا مع الوقت تتحول طاولة اكل , جلسات شكشكة للبنات
مرقص و كباريه , واخر شي بنت جابت مخدة ونامت عليها

مؤخرا جابوا سلتين وكور سلة عشان البنات يلعبو جابوا لهم مدربة اسبوع وسحبوا عليهم
بس استمتعوا البنات
طبعا غرفتي كانت مطلة على الملعب انا كنت دور ارضي
وانا نايمة دوبي راجعة من الدوام طع طع طع بوف بوف طع دج
على الارض والجدار
عاد انتظر لمن يخلصوو وانام
ويجو البنات طفشانين يلعبوا المغرب والعشا والصوت ما يخلوكي تركزي لا مذاكرة ولا شي
ولفجر كمان بنات يصحو من 4 يلعبوا
يعنننني خلوها على ربكم

واخر شي الحديقة ههههههه وربي صحراء مافي شي غيرجذور شجر قاطعينها
وكم كرسي حديد
و البنات يجيبو بساط وقهوة وشاي ويقعدووو لمن الليل

من غير موية المكيفات والبنات اللي يغسلوا بلكوناتهم تتكبكب المويا وتسير الساحة مسبح




--------
ملحقات السكن



في بقالة اول كان الاندومي فيها ب 3 ريال ههههههه
بس اخر شهر تعدل الوضع
في مكتبة و كافيه و مسرح
الكافيه حلوو ومرتب بس فيه قنوات اطفال
و الاكل لزييييز بس غالي يعني رز ب 10 عصير ب 2 في جمبها مكرونات
ومسقعات و كشري وسمك وسلطات
كلو 7 ر او 5 ر
يعني اقل شي تطلعي 15 ريال
يعني تخيلي كل يوم كذا
وتوقفي في الطابور سسسسسسنة
لانهم مرا بطيئات بس وربي نظظظظيفات ماشاءالله



--------

النظام



امممم من ناحية الممنوعات
الجووووال الكاميرا و الملابس القصيرة مرا بس قولي لهم البس شي تحتها الخ
طبعا اسهل شي الجوال الكاميرا يتهرب بس لازم تتخذي الحذر لانو المشرفات في اي لحظة يدخلوا عليكي وانتي تطقطقي
واذا اخذوة م يردوه الا اخر السسنة حتى لو ابوكي جا
اصلا انا ما احب اخرق القوانين بس مافي شي يسلي غيرو
لمن شالوا جوالي الكيرف اشتريت تورش اخذو التورش اشتريت التورش ثاني وهوا فديتو
لمن دحين معايا
ولمن طلعت وزعتها على اخواني
م اقدر اقعد بدونو
شيلي معاكي جوا ابو كلب بدون كاميرا عشان وقت التفتيش تخشيه في عينهم
والثاني تخبينو واذا انتي ذكية تخبية ف اماكن مرا صعبة

ما تدخلي ماكرويف بوتقاز كهربا
اي شي ممكن تعيشي وتاكلي منو ممنوع

العماير ايام الاسبوع تقفل على الساعة 12 وتفتح 4
الويك اند 2 الليل
تلبسي اي شي بس قصير مررا وشفاف وكت تتهزأي
المكاتب وهذي الاشياء كلها على 10 تقفل






------> brb

[نـكـد]

< ------ back

الاشياء اللي انصحك تجيبيها



الاكل
جيبي شيبسات ,خبز لا تكثري وانصحك توست, تونة , جبنة , مايونيز و كورن فليكس
اندومي اللي كاسات احسن شي
عصيرات 5 او 6 كراتين مويا اذا انتي اهلك من النوع اللي محا يجيكي كل اسبوع
شطة , كل شي معلب ويتخزن في الدولاب و التلاجة
ولا تجيبي خضروات وفواكة و رز وهذي الاشياء لانو ما في مكان تطبخي
طبعا وح تتعلمي تطبخي اندومي ومكرونة في الغلاية



الادوات الكهربائية

جيبي تلاجة لغرفتك و غسسالة اشتركي فيها انتي وصحبتك

جيبي غلاية المويا مرا تنفعك , و مكوى مع الطاولة حقتو

ومكينة الخبز هذيك نسيت اسمها





نظافة :

جيبي ادوات نظافتك الشامبو وانصحك ب فرشة اسنان من اللي عليها غطا وانصح بصابون سايل مع الليفة و صابون قطع

جيبي معاكي كروانة او سطل

قولو ليش ؟؟

لانو اغراضك ذي ح تكون فغرفتك لو في الحمام احتمال تلاقيها على الارض

ف تحطي ملابسك ومنشفتك و ادواتك في السطل عشان تشيليها الحمام لانو مافي مكان في الحمام

تحطي اغراضك فيه و بتطورطي

بس الكروانة كل شي يسهل اصلا ينفعكم في الغسيل لانو ح تعبي مويا وكذا



جيبي كرتون ديتول لانك ح تنظفي غرفتك كل يومين

ومساحاتك ومكنستك و حق القزاز و الفوط الصغيرة اللي تمسحي فيها الدواليب و المرايا والطاولة واطرف السرير يعني كثثييير

جيبو مبيد حشري كثير كمان امممممم

ومعطر جو

وخبي الكباريت لانو ممنوع

في فواحات كهربائية مرا مفيدة

وخليها كمان كلو في غرفتتتتك اذا برا محا تلاقيها

جيبو زبالة الله يكرمكم وحاولوا يكون حجمها وسط لغرفتكم
و اكياس لها وسسفرة

جيبي ادوية لانو لو كنتي ح تموتي محا يطلوا في وجهك الا اذا احتضرتي



<<

جيبو الدواليب الصغيرة اللي من ايكيا اللي ادراج عشان محا يكفيكم . جيبي 2 او 3

وسجاادة للغرفة

في مرتبة بس عليكي تجيبي الفراش والمخدة مع غطاها

وجيبي السلة هذيك اللي تحطي فيها ملابسك

ونصيحة لاتراكمي الغسيل كل 3 ايام على الاقل

طبعا ذا كلو ح تشيلوه من الباب ل الغرفة , الدور الثاني ح يكون اصعب بس اريح

في الخالات يشيلوا بس ب 60







------------



نصيحة : حابة اقولكم حياة السكن صعبة ومعفنة و كرف وججججوع وربي مو عيشة بشر

انا ما كنت اعرف لا اذاكر ولا انام ولا شي كل يوم ابكي

ما اختلط في البنات كثير مافي لا نت ولا غيرو الا اذا انتي جبتي قو او اي شي



ما في شي اسمو خصوصية تفتيش وانتي طالعة وانتي داخلة

توقيع اونتي طالعة وانتي داخلة و في غرفتك واغراضك

انا كرامتي تروح وهما يفتشو اغراضي وشنطتي وجسمي



في شي اسمو بطاقة صفرا السكن يدووها لكي ب 52 ر
هذي عشان تدخلي بها الكلية من دونها يطردوكي حتى لو معاكي بطاقة الجامعة
لازم تبرزين ذي البطاقتين وقت الدخلة ووقت الطلعة

وتخيلي بطاقتك تكون وردية مو زي باقي البنات خضرا
شكلها يضحك بطاقة فله مو جامعة



والبطايق الخضرا وهذي يكون فيها اسم موكلينك عم خال جد ام عاادي لاتصدقوا اللي يقولو ممنوع خالك
وانصحك تجيبي ل موكلينك فوق 5 صور لانهم يحتاجوها





لكم بوابة خاصة غير بوابة الناس العادية تصفون طابور زي ايام الثانوي بس بقي السلام الملكي

وتوقعي كمان في الكلية وانتي داخلة وانتي طالعة

ولازم تبرزي البطاقتين









والله م اقول الكلام ذا عشان اكرهك بس تحذذذير
انا مسستحيل ارجعلوا واصلا لو مافي حل غيؤو بوقف دراسة
بس انا اصلا سجلت في سكن خاص الحمدلله وكثيررر بنات سحبوو
روحي سكن خاص اكل وشرب معززة مكرمة نت راحة مفاتيح خصوصة
تقدر غرفة لحالك او مشترك
ولا ادخلي الجامعة او الكلية عند اهلك كثير بنات نجحوا وما انقبلو الا في كلية العلوم





واللي باقي مصرة تدخل السكن انصحكي بعمارة 4

مشرفتها شويا طيبة وتمشيكي او عمارة 2 وابعدي عن عمارة 1 و 3 كل البعد


انا مو قصدي التفرقة او اسب المذاهب
بس ح تلاقي شيعيات بعضهم كويس وبعضهم لا
صحبتي كانت مع شيعية توسخ ملابسها بالتراب وتقطع شراريبها وتعدم كل شي
وشنطتها مليانة سكاكين و مقصات
و في اكثر واكثر الشكاوي عليهم م تنتهي لدرجة نقلوا اللي مو كويسات عمارة لحالهم
طبعا اكرر واقول مو كلهم


هذي روابط بتنفعكم :

فيها كثير كلام عن السكن وصور وكل شي

مدونة بعثرات هيوف :

http://haioof.blogspot.com/

وفيها صور وكلام وكل شي عن السكن

نصيحة تقرووها





http://www.skaau.com/vb/showthread.php?t=264575



وهذا رابط شكوى اقرو كل الصفحات عشان تعرفوا العذاب







اخر شي حابة اقول اللي عندها اي استفسار تسسال انا مستعدة

وسووري الكلام مو مرتب ومدري كيف جي
بس عشان مستعجلة وابغى انصحكم قبل لا يطيح الفاس في الراس



بنات السسكن ادري كلنا نعرف بعض
ف لا تيجي وحده تقولي عرفتك انتي فلانة اللي في عمارة كذا
وانتي من المكان الفلاني
مالو داعي

ان اخطأت فـ مني

وان اصبت فمن الله

[نـكـد]

يؤ يؤ مششششكورة غلا ع التثبيت
فديت قلبك

لو ادري لو رتبتو احلى من كذا
آحم آحم مرا احراج

جاهزة لاسئلتكم حبيباتي

[Eng.SouL]

ما نقول إلا حسبي الله على إدارة السكن

والحمدلله على كل حال ..

وكل عام وأنتم بخير

[نـكـد]

من جد

حسبنا الله ونعم الوكيل وكفى

مشكور على المرور اخوي

وانتا بخير وصحة وسلامة

[نـكـد]

#

من موضوع الاخت خوخة اذا ما عندها مانع


السلام عليكم ورحمة الله وبركاته

اخواتي المستجدات ابارك لكم على القبول واتمنى لكم السعاده والتوفيق

هذا الموضوع خاص للطالبات الكليه فرع السلامه والشرفيه (المتغربات )

انا راح اتكلم عن عن السسكن بشكل عام وخاص

السكن يقع في شمال جده عند دوار الفلك

الفئات الموجوده فيلو التخصص( كلية الفيصليه ) (كلية الرحاب ) التحضيري علمي (الشرفيه )
التحضيري اداري (السلامه )

السكن عباره عن 5 عمائر في كل عماره دوراين في كل دور 4 شقق
في كل شقه 3 غرف وحمام ومطبخ
يوجد مكتبه وكافتريا في باصات في اشياء للترفيه باسكت بلياردو
ولاتقلقو من ناحية الصرافه هما يودوكم يوم السبت والاثنين مع مشرفه < صح كلامك بعض الايام يودونا وبعضها لا ويجيبو باص صغير يكفي مين ولا مين واحيانا ايام الخميس من الصبح الساعة 9 مين صاحي لهم وايام الاسبوع الساعة 5 نكون راجعي من الدوام 4 وهلكانين

وكمان لاسمح الله صارلك شي مرضت يجبو الاسعاف >>مررره تعبونا من ناحية المستشفى :( الله يهديهم

الاشياء الا المفروض تجيبها معاك في السكن ثلاجه خاصه تحطيها في غرفتك وغساله وسخان لانو الا فران ممنوع واي شي يشتغل على 220 ممنوع جيبي معاك مؤنتك اذا تبغي
وجوال كام ممنوع >>بس بالدس يمشي كل شي ^_^

اللاب بالكام عاادي وانتبهي علي لانو على ايامي 4 لابات انسرقات

وفي حراسات امن الساعه 12 يدخلو كل وحده على غرفتهاا >>الله يعينكم طبعا في شي ابغا انبهكم على شي
اول ماتدخلي السكن راح ياخذو اورقك طبعا مافي شي اسمو مفتاح غرفه راح يقولولك روحي عماره رقم كذا وشوفيلك غرفه >>هذا الشي انا مرررره نرفزني

اول شي اتاكدو الغرفه مهي لاحد ولا اسالي الغرفه دي فيها خريجه
عشان تستقري نفسيا وجسديا
طبعا ماحصل معانا في السنه الا راحت
قالولنا روحو دورلكم غرف في عماره كذا روحنا انا انبسطت اني انا راح اختر غرفتي رتبت الغرفه نظفتها وفرشت السرير وسوت كل شي بس ابغا انام
:(((( جاتني وحده قالتلي لو سمحتي هذي غرفتي هيا معاها حق ماقلنا شي بس انا الا نرفزني المشرفات عشان كده اتحملووووو قد ماتقدرو انتو خلاص وقتها راح تكونو في غرربه
بنات التخصص الله يهديهم مايجو من اول اسبوع عشان كده انتبهو لاتاخو غرفهم لانو العام صارت مضاربات على الغرف انا 3 مرات نقلت من غرفتي :(

وانشاءالله كلها سنه وجيبو معدل حلو فوق 3 ونصف وينقلوكم الجامعه ان شاءالله
مررررررررره فرق سكن الجامعه عن الكليه الله يعينكم ويسهلكم اموركم


والا عندو اي استفسار انا حاااضره :) ^^بالتوفيق

وهذي الموضوع مزود بالصور الاخت بدورماقصرت
http://www.skaau.com/vb/showthread.php?t=430168

[خوخة القلب]

المشاركة الأصلية كتبت بواسطة نـكـد # من موضوع الاخت خوخة اذا ما عندها مانع السلام عليكم ورحمة الله وبركاته اخواتي المستجدات ابارك لكم على القبول واتمنى لكم السعاده والتوفيق هذا الموضوع خاص للطالبات الكليه فرع السلامه والشرفيه (المتغربات ) انا راح اتكلم عن عن السسكن بشكل عام وخاص السكن يقع في شمال جده عند دوار الفلك الفئات الموجوده فيلو التخصص( كلية الفيصليه ) (كلية الرحاب ) التحضيري علمي (الشرفيه ) التحضيري اداري (السلامه ) السكن عباره عن 5 عمائر في كل عماره دوراين في كل دور 4 شقق في كل شقه 3 غرف وحمام ومطبخ يوجد مكتبه وكافتريا في باصات في اشياء للترفيه باسكت بلياردو ولاتقلقو من ناحية الصرافه هما يودوكم يوم السبت والاثنين مع مشرفه < صح كلامك بعض الايام يودونا وبعضها لا ويجيبو باص صغير يكفي مين ولا مين واحيانا ايام الخميس من الصبح الساعة 9 مين صاحي لهم وايام الاسبوع الساعة 5 نكون راجعي من الدوام 4 وهلكانين اهااا انا عشان نقلت الترم التاني السليمانيه اتغيرت اشياء كتييره وكمان لاسمح الله صارلك شي مرضت يجبو الاسعاف >>مررره تعبونا من ناحية المستشفى :( الله يهديهم الاشياء الا المفروض تجيبها معاك في السكن ثلاجه خاصه تحطيها في غرفتك وغساله وسخان لانو الا فران ممنوع واي شي يشتغل على 220 ممنوع جيبي معاك مؤنتك اذا تبغي وجوال كام ممنوع >>بس بالدس يمشي كل شي ^_^ اللاب بالكام عاادي وانتبهي علي لانو على ايامي 4 لابات انسرقات وفي حراسات امن الساعه 12 يدخلو كل وحده على غرفتهاا >>الله يعينكم طبعا في شي ابغا انبهكم على شي اول ماتدخلي السكن راح ياخذو اورقك طبعا مافي شي اسمو مفتاح غرفه راح يقولولك روحي عماره رقم كذا وشوفيلك غرفه >>هذا الشي انا مرررره نرفزني اول شي اتاكدو الغرفه مهي لاحد ولا اسالي الغرفه دي فيها خريجه عشان تستقري نفسيا وجسديا طبعا ماحصل معانا في السنه الا راحت قالولنا روحو دورلكم غرف في عماره كذا روحنا انا انبسطت اني انا راح اختر غرفتي رتبت الغرفه نظفتها وفرشت السرير وسوت كل شي بس ابغا انام :(((( جاتني وحده قالتلي لو سمحتي هذي غرفتي هيا معاها حق ماقلنا شي بس انا الا نرفزني المشرفات عشان كده اتحملووووو قد ماتقدرو انتو خلاص وقتها راح تكونو في غرربه بنات التخصص الله يهديهم مايجو من اول اسبوع عشان كده انتبهو لاتاخو غرفهم لانو العام صارت مضاربات على الغرف انا 3 مرات نقلت من غرفتي :( وانشاءالله كلها سنه وجيبو معدل حلو فوق 3 ونصف وينقلوكم الجامعه ان شاءالله مررررررررره فرق سكن الجامعه عن الكليه الله يعينكم ويسهلكم اموركم والا عندو اي استفسار انا حاااضره :) ^^بالتوفيق وهذي الموضوع مزود بالصور الاخت بدورماقصرت http://www.skaau.com/vb/showthread.php?t=430168

شوكرن على الرفع :) ياقمر

[JO JO]

يؤيؤ الله يعين .. طيب الثلاجة لكم طالبة ؟؟ وتكفى اذا حبت البنت تجيب معها اشياء مثل مفرزنات وهيك ...

الغرفة المفردة ممكن لاي طالبة تطلبها ؟؟؟؟ ولا تعقيييد

اذا الباب مافيه مفتاح مايصير سرقات وخصوصا بعض البنات مايرجعون من الجامعه الا على العصر !!!

[نـكـد]

المشاركة الأصلية كتبت بواسطة jo jo يؤيؤ الله يعين .. طيب الثلاجة لكم طالبة ؟؟ وتكفى اذا حبت البنت تجيب معها اشياء مثل مفرزنات وهيك ... الغرفة المفردة ممكن لاي طالبة تطلبها ؟؟؟؟ ولا تعقيييد اذا الباب مافيه مفتاح مايصير سرقات وخصوصا بعض البنات مايرجعون من الجامعه الا على العصر !!!

كيف يعني الثلاجة لاي طالبة ؟؟
اذا قصدك تلاجة اللي في المطبخ حاطينها
ابشركي خرباااانة
بس في كم غرفة شغااالة اصلا نادر مررا
وتجيكي ريحتها ووع ووع من بعييييد تشميها


واذا انتي بتجيبي
جيبي التلاجة اللي لمن بطنك توصل عشان تحطي اللي حابة فيها

---
اي غرفة منفردة حبيبي هههههههههه
لا يحشروا معاكي بنت او بنتين
تخيلي 3 سرر والغرفة صغيرة والدولاب واحد الا اذا حنوا عليكم يعطوكم 2
والدنيا زززحمة اغراضك تحت السرير وفوق الدولاب ويمكن كتبك تنام معاكي
على السرير الحديدي المزعج المكسور اللي يطلع صوت

----

يب تسسسير سرقات فلوس + وزي ما ذكرت الاخت خوخة
3 لابتوبات انسرقت
اذا حابة جيبي قفل هذاك الاصفر والمصك وحطة من برا مو من جوا
وشيلي المفتاح معاكي
وخلي مفتاح مع اللي معاكي في الغرفة عشان يمكن اوقاتها غير عنك

[BdOoOor]

ياااااااااااااااااااه ذكرتيني بمعاناة بالسكن
بس والله اذا انتي حاطه في ذهنك انك تسعي لشئ ولازم توصلي له تهون وتتحمسي اكثر عشان تروحي سكن الجامعه
ويااااما بنات درسوا في هالسكن ودخلوا ارقى التخصصات
الله يهونها على البنات هالسنه