في انتظار الحذف والاضافة

[BoBy]

صباااااااااااااااااح الخيرااااااااااات صبايا & شباب

كعادتنا في جامعة عزوز نسمع طاري حذف واضافة وما نتزحزح من على النت
فيحدث ضغط على الموقع مما يؤدي إلى اقفاله لساعات
^
توقعاتي المسبقة

قالوا اليوم السبت حيكون الحذف والاضافة
فاتحه من الصبح بس عارفه مستحيل يعملوها
لانه ما يحتاج صرنا حافظينهم خخخخخخ

مدري بس حاسه ما حيفتحوا من اليوم لانه لسه بدري
بس على أي حال أكيد لازم نعمل بصه من وقت لوقت >>>
واللي عندو خبر والا سمع من هنا والا هناك متى ؟
يفيدنا

واخر شيء ما يسعني أقول إلا
يارب ولو لترم واحد تضبط جداولنا زي ما نبغا
قولوا آممممممممممممين

[احلى حلا00]

المشاركة الأصلية كتبت بواسطة boby واخر شيء ما يسعني أقول إلا يارب ولو لترم واحد تضبط جداولنا زي ما نبغا قولوا آممممممممممممين

اميييييييييييييييييييييين
هذا هو اللي نبغاه
ومو مخوفنا الا المواد الحره والاختياريه
والحوسه اللي يسوها في الجامعه
الله يعيننا عليهم يارب

[~حـوريه~]

بنات اش رايكم نقدم طلب انه يخلواضافة المواد الحرة والاختيارية عن طريق النت
لانه سمعت في كليات الاضافة عن طريق النت

[12346]

ياليت يابنات بس مين يسمع

[~حـوريه~]

خذي هذا الايميل asmashat@kau.edu.sa

[لورا]

يااااااااااااليت والله ياحووووووووووووريه احسن من حوسه الجامعه واخلاقهم الزفت كننا نشحت منهم

[BoBy]

والله من جد يا ليت يا بنات يكون من عندنا نضيف حر واختياري
بس سمعت ومدري لو صح أو غلط
انه البنات اللي عندهم حر واختياري ما يقدروا يضيفوا التخصص الا من الجامعة
يعني عكسنا
فما ادري بس احس لو كدا مررره لا

انا حر ما اخدت منو ولا شيء وكنت اقول يلا اخذ سيرة الناس كانت تمدحها
بس بعدين قريت هنا بنات كتيررررر يقولوا مو كويسه المادة
محتاره والله يعني من وين نجيبلهم مواد اذا المواد الحره اللي حاطيلنا هي ولا وحده تفتح النفس

[BoBy]

يا بنات مره ما اتوقع اليوم حيفتحوا حذف واضافة
اصلا دائما لو تفتكروا يكون الاثنين او الثلاثاء

انا حاسه يمكن الاثنين
بس ليه مافي اعلان والا اي حاجه عشان ما نقعد كل شويه نشيك
مره غباء

[letterbomb]

الله يسهل لنا يارب
انا بروح الجامعه بكره تتوقعون تكون مفتوحه ؟ بروح العمادة
ايش فيه مادة اختيارية سهلة غير نظام سعودي وتسويق

[BoBy]

المشاركة الأصلية كتبت بواسطة letterbomb الله يسهل لنا يارب انا بروح الجامعه بكره تتوقعون تكون مفتوحه ؟ بروح العمادة ايش فيه مادة اختيارية سهلة غير نظام سعودي وتسويق

والله مدري بس اتوقع اكيد مفتوحه لانه الموظفين كلهم من السبت مو زينا بعد اسبوع

في مادة بحوث عمليات انا اخذتها بس مع امل تركستاني
فلو لقيتي المادة مع امل خذيها فوراً لانها مره تسهلها وتذاكري بس من محاضراتها
واحلى شيء انو المنهج اصلا كان خفيف وحلو
ونظام سعودي انا اخذتها مع امل عرب
المادة ممتعة معاها بس انا اللي ما كان عاجبني مافي منهج محدد بس طبعا لو اخذتي المادة اكتبي معاها كل شيء وذاكري من كلو

أما تسويق ما ادري صراحة بس سمعتي انها سهله ؟؟؟
لانه ما ادري من الاسم احسها حفظ وتخوف

الله يوفقنا يارب