انا علمي وافكر انقل اداري انساني

[#ميمي#]

السلام عليكم...
بدخل في الموضوع على طول ..انا درست علمي الترم الأول ودرجاتي جدا سيئه وافكر انقل اداري عالترم الثاني لأنو على حسب كلام البنات انو الإداري اسهل من العلمي ..
فأبغى اسئلكم كيف القسم (اداري انساني) يعني ايش هيا موادكم وكيف سهله ولا لا
بليييييييييز ردوو ترى مررة محتااااااارة

[#ميمي#]

ردووووووو بليييييييز

[wan]

ما اعتقد تقدري تحولي عالسمستر التاني

و بالنسبه للمواد ما اقدر اقولك يا اسهل من العلمي .. لأني مادرست موادكم ..
بس أحس إنكم لو حتدرسوها حتحصلوها سهله بالنسبه لكم

[°• بنت دوت كوم °•]

إن شاء الله تقدري تحولي بس سمعت إنوا مافي أبدا أي تحويل ممنوع بس حاولي معهم ولازم يكون عندك فيتامين واو


*_^


المهم راح أقلك المواد موفقه


المواد لخطه ((أ)) سته مواد وهي (( رياضيات - حاسب - عربي - ثقافه إسلاميه - تحليل كمي - إنجليزي ))


((ب)) خمسه مواد (( مهارات إتصال - تحليل إحصائي - إحصاء - تنمية مهارات التفكير - إنجليزي ))


بالنسبه للسهوله تختلف من بنت لبنت بس مو لهادرجه تافه بالعكس عادي بس يمكن أسهل من المسار العلمي

[الفراشه الفوشيه]

وانا كمان علمي ونفسي احول اداري ورحت سالت العماده قالو ماافي تحويل

[~..㋡\.alZbrJd]

يا ربييـــــــه.. اش عندكم يابنات العلمي هاجين من العلمي..
وانا داخلة اداري واهلي يبغوني احول علمي..
بس ترى هي سهلة بس لا تستهينوا فيها مــررة ..لأني انا علمي وشوفي كيف خبصت في التحليل الكمي و الرياضيات في الدوريات الي راحت
افضل انكم تستخيروا قبل ماتتخذوا اي قرار..


وبالتوفيــــق..

[#ميمي#]

بس انا على نهايه الترم الأول سألت وقالولي في عماده القبول والتسجيل اني اقدر احول ..
عالعموم مرا شكرا وان شاء الله ربي يكتبلي اللي فيه الخير وانا ان شاء الله راح استخير ...

[angel heart]

انا كنت علمي في الثانوي

ونسبتي كانت تدخلني قسم علمي

بس اخترت اداري

ابغى اريح راسي شويه هههههههه

ترى مره سهله موادنا الحمد لله

انا خطه ب

والله يقدم لك اللي فيه الخير^_^

[الفراشه الفوشيه]

طيب ياخت ميمي بالله اذا حولتي لاداري قوليلي لانو حتى انا مره نفسي احول

[مالك الجهني]

والله يا اختي من ناحية السهوله اسهل من مناهجكم بكثير ومناهجمك انجليزيه
كلها وانا اطلعت على مناهجكم لاني تخيرت بين المسار العلمي والاداري
واخترت اداري وبالنسبه للنقل في شباب سحبو من الجامعه وقالو بيقدمو
السنه الجايه على المسار الاداري مع اني متأكد انك تقدري تحولي الترم الثاني
وعشان ما تحصل مشاكل تأكدي اسئلي ادارة الجامعه
وبالتوفيق اختي