!! .. دورة شبكات (Cesco) للطالبات .. !!

[Nosa]

السلام عليكم ورحمة الله وبركاته

نادي الحاسب وتقنية المعلومات قسم الطالبات سيقيم بإذن الله دورتين عن الشبكات يدرس فيها جزء من منهج Cesco الذي يقدم الشبكات من الناحية التقنية.
الدورة الأولى تعرف الطالب على كيفية تصميم و بناء و صيانة الشبكات. الشهادة المقدمة معتمدة من وزارة الخدمة المدنية.
ستقام الدورة الأولى إن شاء الله الأسبوع القادم، و تمتد لمدة ثلاثة أسابيع. للاستفادة من أكبر قدر من المعلومات ستجري الدورة ثلاثة أيام في الأسبوع.
المواعيد ستحدد بناء على أوقات فراغ أكبر عدد من الطالبات الراغبات في التسجيل.

فياليت كل طالبة حابة تسجل في الدورة تعطينا المواعيد اللي تناسبها (الدورة ستكون لمدة 3 أيام في الاسبوع بمعدل ساعتين في اليوم) .. وبسررررررعة
لأنه حابين نبدأ على الاسبوع الجاي ان شاء الله
وإذا لم نجد وقت مناسب إلا من 2-4 مساءً، هل تسجلين في الدورة؟

ممكن تردوا هنا أو على قروب النادي
واللي ما تعرفه .. ممكن أرسله لها على الخاص :)

أتمنى من الجميع سرعة التفاعل..

[قلب البحار]

لاتفوتكم والله مرة مفيدة

[Nosa]

المشاركة الأصلية كتبت بواسطة قلب البحار لاتفوتكم والله مرة مفيدة

مشكور أخوي على النصيحة

حياك ..

[red flower]

انا الموعد الوحيد اللي يناسبني .. سبت واثنين واربعاء من 8 - 10

ومره حابه آخذ الدوره لأن الترم الجاي حآخذ مادة شبكات ،، والافضل تكون عندي خلفيه عن الماده قبل ماادرسها


عندي اقتراح :

ياليت لو تكون الدوره لها اكثر من موعد
عشان اكبر قدر من البنات يقدر يآخذها

لأن من 2 -4 مره صعب




وشكرا

[Nosa]

المشاركة الأصلية كتبت بواسطة red flower انا الموعد الوحيد اللي يناسبني .. سبت واثنين واربعاء من 8 - 10 ومره حابه آخذ الدوره لأن الترم الجاي حآخذ مادة شبكات ،، والافضل تكون عندي خلفيه عن الماده قبل ماادرسها عندي اقتراح : ياليت لو تكون الدوره لها اكثر من موعد عشان اكبر قدر من البنات يقدر يآخذها لأن من 2 -4 مره صعب وشكرا

والله نحنا رح نحدد موعد الدورة في وقت يناسب أغلبية البنات اللي حابين يسجلوا
فلو تعرفي مجموعة من بنات دفعتك برضو حابين يسجلوا في الدورة بنفس أوقاتك ممكن تفيدنا في تحديد الموعد
بس لو كانت الاوقات كانت مختلفة زي ما أنا شايفة دحين بين البنات
فأنسب حل انه يكون من 2-4
عارفة انه متاخررر بس هوا الحل اللي رح يرضي الجميع
وكمان الدورة 3 أسابيع .. نحاول نضغط نفسنا شوية وحتعدي ان شاء الله :)

وحكاية انه اكتر من موعد
مررررة صعبة
لانه مو بسهولة نجيب ناس تعمل الدورة
خصوصا انها رح تكون باسعار رمزية جدااا

منورة خيتووو ..

[Nosa]

Up

Up

Up

[أرنوسية]

مرررررررررررة روعة

بس استفسار صغيوووور

بكام الدورة؟؟؟؟؟؟؟؟؟؟

[Nosa]

المشاركة الأصلية كتبت بواسطة أرنوسية مرررررررررررة روعة بس استفسار صغيوووور بكام الدورة؟؟؟؟؟؟؟؟؟؟

المشاركة الأصلية كتبت بواسطة zzz اعتقد انها برسوم رمزيه ولكن لو تكون مجانا افضل وكمان مشاركه الطلاب

الدورة برسوم رمزية جدااا
ما تحددت للآن بالضبط .. بس انها في حدود 100-200 ريال :)

هدف النادي من دي الدورات فائدة الطالب أولا وأخيرا عشان كدا وضعت برسوم رمزية
بس صعبة شوية انها تكون مجانا .. خصوصا دورة زي سيسكو بشهادة معتمدة
في المعاهد برا بالالاف :)

حياااكم ..

[zzz]

اعتقد انها برسوم رمزيه
ولكن لو تكون مجانا افضل وكمان مشاركه الطلاب

[mind glance]

يا هلا بك نوسا
الدورة ان شاء الله تكون ممتازة وتفيد الكل
واعتقد حيكون موعدها من 2-4 خلاص
لكن ايام الاسبوع مو متحددة لسة
ممكن سبت- اثنين- اربعاء
او
احد- ثلاثاء- اربعاء
او
شي تاني بس انا متلخبطة ومو حابة ازيدكم معاية
:d