ما هو رأيكم في دورة Teach Me Medicine

[PrincessNaRaniah]

ما رأيكم في دورة Teach Me Medicine كأول يوم لها اليوم وهل حقاً استفدتم من المعلومات !
أو إذا حضره الشخص أو لم يحضره لا يفرق !
أود أن تشاركونا بكل آرائكم

[Dr.MEEM]

الدورة ماشاء الله حلوة
بس المشكلة انه في كمية معلومات هائلة جدا
يعني احس المفروض يركزون على المصطلحات الطبية اكثر من الاناتومي
لانه جاب الصداع لمعظم البناات
يعني من جد من كثر التعب الي تعبته افكر مااحضر بكرا
وكثير بنات زيي < من بدايتها
بس ان شاء الله اروق واروح


# البنات ماقصروا يعطيهم العافيه تعبوا معانا كثير اليوم
يارب يكون في ميزان حسناتهم

[moleta]

طيب أنا ما قدرت أحضر اليوم كان عندي ظروف قاهرة !!

إذا حضرت بكرا إن شاء الله حقدر اكمل ولا حغوص !!

ايش تقييمك للدورة من 10 ^_^

ايش تنصحي ناخد معانا , ناخد دفتر وقلم ولا لا ؟؟

والقاعة فينها جوت المستشفى ولا برا ؟؟

وسلامتك إن شاء الله ربنا يقويكي يارب ويديكي العافية ^_^

[ميلاد أمة]

اولا جزاكم الله خير منجد في موازين حسناتكم ياااااااارب
المصلحات كانت خفافي وجميلة الحمدلله
بس التشريح طووويل ولسى اول يوم !بس استمتعت الحمدلله واخر محاضرة ماقدرت احضرها
بين كل محاضرة والتانية بالذات لو كانت دسمة زي التشريح او في نص المحاضرة حاولوا تسوا اي شي لو خمسة دقايق ينشطنا بس دا مايقلل من مجهودكم ربي يحفظكم ويجزاكم الجنة


صح ايش هرجة الرجال حتى واحنا برا وقت الاستراحة فجأة يمشي واحد بدون احم ولادستور مايصير كده !

[Dr.MEEM]

الله يسلمك يإقلبي
لاتخافي ماراح عليك شي مرا مهم وإصلا بكرا درس جديد !
لاتاخدي معاك شي بس جيبي البطاقة هما يعطونك دفتر وقلم لاتشيلي هم
بالنسبة للقاعه هيا جوا المستشفى
والدورة ماأقدر احكم عليها من أول يوم
هيا حلوة بس دخلوا ف المنهج مرا يعني المفروض يكون مقدمة بسيطة وكذا
الله يوفقك حبيبتي

[بشائر الفرح =)]

^

حلو حلو ولا تستعجلوا إستمتعوا بوقتكم ومجرد الحضور والإستماع بيترك فائدته عندكم حتى لو حسيتوا بدوخه شويه :) لإن البدايه طبيعي بتكون كذا :)
ولا أحد يسحب هاه هههههه , أِشوفكم يوم الأثنين يا جميلات ^^

[Dr. Abdul]

ماشاء الله الي شرح الفاونديشن والاناتومي ابدعوا

والمقدمة كانت جدا مفيدة والله حسيت بهم وانزاح غير فكري الي كنت معتقده عن الطب

التيرمنولوجي كان مميز ولكن كان فيه شوية صعوبة بسبب لغة المتتحدث للعربية كانت شوية مو مرة لكن اعجبني لما اعترف في بداية المحاضرة بضعف لغته العربية. حيث مثل قول الرسول صلى الله عليه وسلم ( رحم الله امرء عرف قدر نفسه). لكن كان جدا مميز في ايصال المعلومة واستفدت منه كثير.


شكرا للكل من الاعماق وان شاء الله نستفيد زيادة اليوم

[سكون الورد ^_^]

ياناسوا عليكم حبة حبه نفر نفره دار دار زنقه زنقه

خطوة حلوه من طلاب دفعة 11 أنهم يفيدونكم و يعطونهم من خبراتهم

بس المشكلة انه في كمية معلومات هائلة جدا

هههههههههههه عادي الوضع طبيعي لازم تتأقلموا عليه لأنه باقي بيجيكم معلومات هائلة جداً جداً جداً جداً جداً

الله يعينكم و يوفقكم

بين كل محاضرة والتانية بالذات لو كانت دسمة زي التشريح او في نص المحاضرة حاولوا تسوا اي شي لو خمسة دقايق ينشطنا

طيب أفضل عشان تتعودون ع شرح الدكاترة راح تجي دكتورة فتحية و تدخل بعدها دكتورة سوسن و بعدها تطلع و تدخل دكتور ماجده حقت الفارما و هكذا إلى نهاية الدوام هذا عند النسوان لكن عند الشباب يدخل دكتور باداود بالشخصية الحلوه حقته ويفتح ملف الورد ويقعد يقرأ ويجي بعده عادل عبدالرافع يمتر المسرح رايح جاي فلازم تتعودو ع ضغط المحاضرات ودخول الدكاترة ورا بعض و الله يوفقكم

< عندي خبره صح

لكن كان جدا مميز في ايصال المعلومة واستفدت منه كثير.

الله يوفقك حبيبي وشد حيلك و كويس الدورة هذي عشان تدخل سنة ثاني وعندك مصطلحات طبيه كويسه

بالتوفيق لكم جميعاً و شكراً لدفعة 11على هذا المجهود الرائع

أي خدمات المستشفى العسكري قسم النساء و الولادة

أحط رقم البيجر ولا مايحتاج

بالتوفيق لكم

[اجواني]

الصراحة انا شوفت الدورة مرة حلوة ومتعوب عليها الله يعطيهم العافيه بنات ميد 11 اثبتولنا انهم يستحقوا انهم يكونوا طبيبات المستقبل بججدارة سواء بتعاملهم معانا والمجهود اللي واضح في الدورة واحس اني استفدت مرة بالرغم اني ماافتح المحاضرات لما اروح البيت بس استفدت والصراحة مادة الاناتومي مرة ماعجبتني الله يستر بس

[!..RahoOofa..!]

ماشاء الله عليكم , حاولو تستفيدو من الدورة قد ما تقدرو .. لا تخلو الفكرة انكم تددخلو الدورة فاهمين كل حاجة اتقالت وتحاولو تحفظو .. الخ , كل شي بوقتو حلو ..صدقوني اهم حاجة وانتو في لحظتها فاهمين ومستمتعين ودا هو المهم .. :D .
see you today nshallah .