اللي تبغا تحول .. تجي هنيا

[أنثىْ لأ تنحنَيِ }`]

سلام

كيفكم قايز

بناء على طلب الاخ بوليمر سويت هالموضوع >> دا الواد حنيّن ., حاب يفيدكم بشتى الطرق

المهم هالموضوع عشان اللي يبغا يحول ويستفيد

انا الصراحه رحت مبنى الجوهره وانا براسي بس اضافة مواد حره

ولا كنت افكر بالتحويل بما انه معدل واطي >> ايتها الكسلانه

المهم دخلت مبنى الجوهره قلت خليني بس اجرب ممكن تزبط

دخلت اول مكتب عاليسار في موظفات من هالموظفات في وحده اسمها فريده رحت لها قلت ابغا احول

قالت لي التحويل مو اليوم التحويل يوم الاثنين وشويا قالت لا الاحد بعدين قالت ايش تبغين قلت لها فرنسي

قالت تيب روحي لاستاذه رنده رئيسة قسم اللغات وقولي لها انك تبغي تحولي رحت للاستاذه رنده وقلت لها ابغا فرنسي

قالت كم معدلك قلت 3 قامت لوت وجهها وشكلها تقول بقلبها هذي البنت عينها قوويه قالت تيب كم جبتي بألكا ون وتو قلت واحد 75 وواحد 65 رجعت لوت وجهها بس مشي حالك سوي نفسك انك فخوره حتى لو معدلك بالحضيض

قالت تيب وافقت روحي قولي للموظفه فريده تدخل اسمك

رحت لفريده هذي وقلت لها هالكلام وصدقتني هذا اللي مستغربه منو بس يلاا ممكن هما طيبين ومتساهلين

قالت لي فريده اكتبي اسمك ورقمك والقسم اللي تبغين تنقلين له

وكتبت المهم قالت روحي الساعه 11 ندخل اسمك بالكمبيوتر

ورحت لها الساعه 11 ونص قلت لها خلصتي بنات الفرنسي لانه بنروح نسوي جداولنا قالت يب

والحين موجود القسم عندي بالاودس بس الجدول ماتغير رحت لاستاذتي حقت الفرنسي اليوم وقالت خلاص اضيفها لكي

والدوام سألت استاذات الفرنسي قالولي السبت بالنسبه للمستوى الثالث فقط

وتوته توته خلصت الحتوته حلو ولا فتفوته ؟

ههههههههههههه أمزح

دعابه دعابه

يلا اترك المايك الحين للاخت وان واللي سار معها بالتحويل للاعلام

[wan]

شوكرياااا أنثى >> صوماليين الأخوات

المهم يا تويلات العمر .. انا قبل ما تبدأ الدراسه بأسبوع رحت يوم الإثنين لـ مبنى 8 قسم الإعلام
و كلمت د. حنان آشي .. رئيسة قسم الإعلام و قلتلها إني حابه القسم و معدلي 3.40 قالتلي والله إحنا بيجونا بنات معدلاتهم 4 و فوق .. جتني خيبة أمل .. بعدين قالتلي طيب أكتبي إسمك في الليست و احنا نشوف بناخد على حسب المعدلات قلتلها طيب .. و رجعت البيت ..


رحت بعد يومين >> نشبتلهم نشبه بطاله

رحت بعد يومين .. و قلت هااااااا إيش صار على مووضوعي ? >>> تحسو إنهم شغالين عندها خخخخ

المهم قالو لسه بناخد على حسب المعدلات ولسه ما خلصنا .. بس روحي مبنى الجوهره أول غرفه على يدك اليسار
رحت و دخلت عند أستاده فريده إللي هيا المسئوله عن التحويل و طلعتلي ورقه فيها طلبات التحويل و مره تانيه حطيت إسمي و رقمي الجامعي و معدلي و التخصص المطلوب و قالتلي تعالي السبت أو الأحد ( بداية الدوام الرسمي )



رحت السبت ... دخلت عند أستاده فريده ..

ها أستاده فريده أنا طلبت تحويل إعلام معدلي 3.40 طلت فيا قالت والله ما أعتقد تنقبلي بس روحي قسم الإعلام مبنى 8 و شوفي .... و أنا رايحه قابلت دكتوره حنان قدامي و كلمتها قالت والله لسه قاعدين ناخد البنات إللي 4 و فوق .. :(

جتني خيبة أمل و رحت طلعت عند سكرتيرة وكيلة كلية الأداب و كلمتها و اتناقشت معاها و أخدت و أديت معاها إلين ما خليتها تتصل على أستاده فريده ( حقت التحويل ) و تقولها و قالتلها فريده نفس الكلام إحنا بناخد على حسب المعدلات خليها تستنى و برضو رجعت رحت عند دكتوره حنان قولتلها ( أقولك انتو بتقبلوني ولا كيف ترا تعبتوني ) خخخ جوكينق جوكينق
قولتلها : دكتوره حنان في أمل تقبلوني :( يعني لسه قاعدين تقبلو بنات :( .. قالتلي و هيا مسكينه تحسوها مره حزنانه عليا بس مابيدها شي .. قالت والله يابنتي احنا قاعدين ناخد دحين بالمعدلات .. قلتلها طيب انا معدلي قريب من المطلوب و انا حابه القسم مره .. قالت طيب ايش اسمك .. قلتلها إسمي ... قالت خلاص راجعينا يوم الربوع و ان شاءلله خير

رجعت البيت و أنا فاقده الأمل .. بعد ما كتبت إسمي في قائمتين إنتظار و بعد حوسه و وحده تقول راجعينا الإتنين و وحده الربوع و وحده تقولي مافي أمل

اليوم الصبح أفتح الأوديس أحصل مكتوب ( التخصص : إعلام )

الحمدلله تعبي و بثارتي و نشبتي ما راحت عالفاضي

و الحمدلله الحمدلله الحمدلله

و الله يوفقني و يوفق الجميع

[manar7000]

مبرووووووووووك ليكم حبيباتي

الله يوفقكم يا رب

والحمدلله انا اتخلصت من الجغرافيا وحولت للاعلام

يالله مررررررره فرحانه الحمدلله

وتقريبا نفس اللي سار معاكم سار معايا

إن شاء الله موفقين

[manar7000]

سوري قيرلز

حبيت اعرف ايش اسوي في الجدول القديم حقي

لانو مازال على مواد الجغرافيا ,, من فين اغير جدولي للتخصص الجديد ؟

[معزوفة ألم2]

بنات انا رحت اليوم وقلتلهم ابي احول علم نفس قالت كم معدلك قلتلها
3 طالعت فيني وبعدين قالت اكتبي اسمك والتخصص والرقم واحنا نشوف الاستاذة
وانا مرة خايفة انها ماتحولني لانها تقول معدلك نازل اللة يسعدكم طمنوني

[manar7000]

^

^

لا تخافي يا عيوني خلي املك في الله كبير

حتى انا معدلي طايح بس كنت متأمله في الله خير ,, والحمد لله ربنا ما خيب ضني

^_^

[wan]

منار .. حتى انا جدولي ما أتغير محطوط على الجدول القديم

بس براجع بكرا الجامعه و أزبطو

و إنتي كمان روحي عدليه .. بالتوفيق

----------------

معزوفة ألم

كلنا دا طلت فينا الموظفه و قالت معدلك نازل و مافي أمل .. بس إنتي خليكي وراهم إلين ما يحولوكي ..

موفقه يارب

[أنثىْ لأ تنحنَيِ }`]

معزوفه الم ياحبيبتي ماعليكي كل البنات حولوا

يختي انا اغرب حدث سار بتاريخ الجامعه ., الفرنسي طالب بالالكا 1 و2 فوق اللـ 95

واناجايبه درجات واطيه وحولوني


ماعليكي يحولوكي ان شاء الله

صحبتي امس حولوها زيك لعلم النفس معدلها 3.70 وقبلوها

ان شاء الله يقبلوكي


منوره مبرووك حبيبتي وعلى سالفة الجداول كلنا زيك

لسا الدوام السبت لا تستعجلي عليها

انتي بس اختاري الشعب من البيت وسوي جدولك وخلصي وروحي عندهم بكره لقسمك وخذي ورقت حذف واضافه واضيفي مواد علم النفس والمواد اللي تبغينها سواء عامه ولا حره واحذفي مواد الجغرافيا واللي ماتبغيها

ويسير خيرر

المهم حولنا وخلصنا

وعقبال عزوفه يارب

[ام حمدان]

المشاركة الأصلية كتبت بواسطة أنثىْ لأ تنحنَيِ }` معزوفه الم ياحبيبتي ماعليكي كل البنات حولوا يختي انا اغرب حدث سار بتاريخ الجامعه ., الفرنسي طالب بالالكا 1 و2 فوق اللـ 95 واناجايبه درجات واطيه وحولوني ماعليكي يحولوكي ان شاء الله صحبتي امس حولوها زيك لعلم النفس معدلها 3.70 وقبلوها ان شاء الله يقبلوكي منوره مبرووك حبيبتي وعلى سالفة الجداول كلنا زيك لسا الدوام السبت لا تستعجلي عليها انتي بس اختاري الشعب من البيت وسوي جدولك وخلصي وروحي عندهم بكره لقسمك وخذي ورقت حذف واضافه واضيفي مواد علم النفس والمواد اللي تبغينها سواء عامه ولا حره واحذفي مواد الجغرافيا واللي ماتبغيها ويسير خيرر المهم حولنا وخلصنا وعقبال عزوفه يارب

حبيبتي مبرووك وربي يسهلك الدراسه فالتخصص الي حابته
بس انا مستغربه شي
الحين انا انتساب ومثبته بالانجليزي لكن انا مقدمه على طلب تحويل للانتظام وباقي انتظر منهم الرد وعرفت في وقت للاسف متأخر انه معايير القسم في الانتظام تختلف عن الانتساب
ورحت اليوم كلمت الدكتوره رندا رئيسه القسم عالموضوع
وقلت انا مقدمه على طلب تحويل لانتظام وحابه اتأكد انه اذا حولوني حتبثتوني فالانقلش وماتغيروه
قالت كم معدلك وقلتلها معدلي الحمدلله فوق ال4.5 بكثير
قالت طيب ودرجاتك في الالكا
قلتلها واحد b+ والثاني a+
قالت لا لازم تكوني جايبه فالاثنين a+ عشان نقبلك مره ثانيه اذا حولتي انتظام
وحاولت معاها قالت والله موفيدي بس بسألك الاداره استغربت قلتلها طيب انتي رئيسه القسم يعني انتي المسئوله عن هذي الامور قالت لا لازم اجتمع مع الباقين واسالهم واردلك خبر بعدين راجعيني مره ثانيه وإن شاء الله خير قلت لا تكفين غير الانجليزي لايمكن ادرس ولو كنت ادري بهالشي بيصير معي من الاساس ماكنت سجلت بالجامعه قالت والله مالي دخل ومافيدي شي ولاتزني على راسي وارفض الموضوع من اساسه
والله طلعت من عندها والعبره خانقتني وقلت ياريتني ماطلبت تحويل بس بعد كلامك هذا تجدد املي في حال قبلوني اني اتثبت مره ثانيه فالانجليزي
ادعولي يابنات والله مقهوره على تعبي ومقهوره منهم ليه مايكونون واضحين معانا من البدايه ويعلمونا بالمعايير عشان نعمل حسابنا انا كنت احسبهم زي الانتساب يقبلون المعدلات الي فوق 2.75 ودرجات الالكا تكون فوق 70 فكنت مطمنه ولانهم على طول قبلوني انجليزي فالانتساب فقلت اكيد لو حولت نفس الشي
اعتذر عالاطاله بس حبيت افضفضلكم همي ودعواتكم ان الله يحل مشكلتي ويحننهم علي ويثبتوني في حال حولت
موفقين جميعاً يااعزائي

[أكوَسـ شئ~]

وان& انتثىىى


مبرووووك الف مبروووك وعالبركه التخصصات !!

،
بس والله انا حكايتي حكايه<~ مطولين ترا


،
انا روحت الأسبوع الي فات وقالولي تعالي السبت سوي مقابله إنجليش
لأني طالبه تحويل من علم نفس لإنجليش
،،وبعدين جيت السبت واوم الحوسه سوينا تعبير وبعدين سووا لنا مقابله

ماأكذب عليكم حليت بالتعبير كويس بس المقابله تلبكت كثير ونسيت أتفه الكلمات اقهرر انا

دايمن اتلخبط قدام الدكاتره بس مع نفسي والله اتكلم عااتي:$

،الموهيم وقالولي تعالي بكرا اللي هو اليوم الأحد وشوفي اللوحه لو فيه اسمك ولا لأ

،
جيت اليوم وطلع انو لسه فيه مقابلات وقالوا تعالي ع نهاية الأسبوع

طيب والله قهررر يعني لو جيت نهاية الأسبوع، وهذا إذا انقبلت متى ازبط الجدول واضيف و و

،
ووبس هذي حكايتي ،،يعني من جد قلق اسبوعين وانا مشحططه ومني مثبته!!
يعني تتوقعون ان شالله انقبل وهيك؟؟!!

،
مع العلم اني كمان اعطونا اوراق التحويل وانا معدلي يدخلني انجلش بس درجات الإلكا ماش

وهما مصرين قللك يبغوا ناس عندهم لغـــــه !!مايبغوا اي بنت تدخل انجليش




ادررري هررجت كثير بس معليه استحملوااا