هلـ ممكن ألقى شقة وحالتيـ كذا ^_× ؟

[Majed7]

السلام عليكم .. كيفكم جميعا ^_^ ؟

يا حلوين أنا طالب بالجامعه من السنة اللي فاتت .. جيت من الرياض لـ جدة وسكنت عند عمتي التحضيرية كلها - وبصراحة لا أنا ارتحت عندها ولا هيا ارتاحت لأني بصراحة طولـ وقتي صاحي الليل وما تسمع إلا حفلة في المطبخ أسوي لي أكل -

المهم عمتي طيبة وحلفت عليا ما أروح من عندها - مع إنيـ مضايقها بس هيا ما تبغاني أطلع - ..

قررت إنيـ أسكن بشقة لحالي - عزاب - .. وكنت مخطط أدور في الاجازة اللي فاتت .. ولكن فجأة تذكرت شيء :

الوالدة الله يحفظها مخططة تطلع عندي مرة في الشهر - تقعد يومين ثلاثة - تزبط وضعي وتغسل ملابسي وتسويـ لي كم أكلة وتنحط بالفريزر وآكل منها لين جيتها الثانية ..

وهذا الشيء ما راح يصير لو سكنت عند عزاب - والوالدة مصرة تطلع لي تخاف عليا - ..

قعدت أسأل عن شقق عوائل وأسكن فيها - تكون قريب من الجامعه - ولقيت عمارتين كلهم قالوا ما نقدر نحطك لازم تكونـ معاك أمك بصفة دائمة - ومستحيل الوالدة تترك أبوي وأخواني وتقعد عندي لين أخلص - ..

ما أدري هل فيه حل ؟

[لمار عزوز]

وعليكم السلام
على إنها صعبه بس ممكن تلاقي
أنا أعرف أخوان ساكنين بشقة عوائل بشارع صاري قريب من كلية إعداد المعلمين وأمهم تنزلهم كل شهرين
موفق

[Majed7]

المشاركة الأصلية كتبت بواسطة لمار عزوز وعليكم السلام على إنها صعبه بس ممكن تلاقي أنا أعرف أخوان ساكنين بشقة عوائل بشارع صاري قريب من كلية إعداد المعلمين وأمهم تنزلهم كل شهرين موفق

إن شاء الله ألقى ..

هوا يعتمد على صاحب العمارة يوافق أو لا .. وثانيـ شيء عمتي راح تجيني بين فترة وفترة وأميـ كل شهر بتطلع أشوف إنه مفروض ما يعقدوها :)

شكرا على مرورك ^_^

[roosh]

مممم طيب ليش ماتخلي بابتك يكلم ملاك العمارتين دول يعني يمكن لما الوالد يكلمهم يرضو يحسسهم انك مو حق لعب وكده وانو والدتك إن شاء الله حتنزلك ويفهمهم الحكايه ..
او بما انو عمتك ساكنه هنا اكيد زوجها يعرف ناس والا يكون واحد فيهم عندو عماره مثلا فيسير تكلمو يخليك تسكن ..

ربي يوفقك إن شاء الله ^_^

[Majed7]

المشاركة الأصلية كتبت بواسطة roosh مممم طيب ليش ماتخلي بابتك يكلم ملاك العمارتين دول يعني يمكن لما الوالد يكلمهم يرضو يحسسهم انك مو حق لعب وكده وانو والدتك إن شاء الله حتنزلك ويفهمهم الحكايه .. او بما انو عمتك ساكنه هنا اكيد زوجها يعرف ناس والا يكون واحد فيهم عندو عماره مثلا فيسير تكلمو يخليك تسكن .. ربي يوفقك إن شاء الله ^_^

أنا خليت أمي تكلمه ويمكن قعدت ربع ساعه وفي الاخير يقول أنا لو بيدي راح أخليه يسكن .. لكن يقول فيه بنات ساكنين لحالهم ويمكن آباؤهم يعترضوا :) ..

وأنا للحين ما قلت لـ عمتي عشان ما تزعل .. لمن ألقى بكلمها - ولا زوج عمتي ما شاء الله يعرف كبارية البلد وأكيد بيلاقي لو قلت له -

[roosh]

^
ربي ييسرلك طريقك وازا سار شي لاتنسا تطمنا عنك ..

طب جرب تدور بعيد عن حي الجامعه شويتين يمكن تلقا ..

[Majed7]

المشاركة الأصلية كتبت بواسطة roosh ^ ربي ييسرلك طريقك وازا سار شي لاتنسا تطمنا عنك .. طب جرب تدور بعيد عن حي الجامعه شويتين يمكن تلقا ..

إنـ شاء الله يا رب ..

هوا المشكلة أنا مو فيـ جدة الحين .. لكنـ فيه واحد من قرايبنا يدور واثنين من أصحاب أبوي برضوا :) ..

نشوفـ إن شاء الله يلقوا شيء ..

[حديث تخرج]

آخوي لو حاب تستآجر لآ تستآجر ببطأقة شخصيه .....

بكرت عائله حق أبوك ...

قول اهلي رأح ينزلوآ في يوم فلآني وكذآ وعمتك تمر عليك ... يعني تزبط معاك ان شأء الله

واكيييد بعدها رأح يعرفونك انك ميه ميه اخلآق وكذآ ما تششكل اي خطر < هه قويه اي خطر

انا مجربها لما اروح استاجر ويكون ابوي رأح يجي بأهلي بعد سبوع وكذآ ..


وتحيأتي ألك ..

[Majed7]

المشاركة الأصلية كتبت بواسطة حديث تخرج آخوي لو حاب تستآجر لآ تستآجر ببطأقة شخصيه ..... بكرت عائله حق أبوك ... قول اهلي رأح ينزلوآ في يوم فلآني وكذآ وعمتك تمر عليك ... يعني تزبط معاك ان شأء الله واكيييد بعدها رأح يعرفونك انك ميه ميه اخلآق وكذآ ما تششكل اي خطر < هه قويه اي خطر انا مجربها لما اروح استاجر ويكون ابوي رأح يجي بأهلي بعد سبوع وكذآ .. وتحيأتي ألك ..

أكيد .. أنا راح أستأجرها ببطاقة أمي إن شاء الله لانه تقريبا هيا اللي راح تكون موجودة معايـ بين فترة وفترة :)

هههههههه

ما عليك لو يشوفونيـ من أولـ نظرة راح يعرفونـ مافيـ أي خطر ..


شكرا على مرورك ^_^

[Qotaiba HBK]

أهلاً دختور

إذا تبغى شقة في عمارة عوائل ترى فـ حي السلامة في ناس يأجروا ع أساس ان عندك عائلة

من جد ما أمزح بس ترى أسعارها نار يعني الشقة غرفتين وصالة ودورة مياه بـ 22 ألف بس فخمة تعتبر، وأعرفلي واحد مستأجر هناك نفس طريقتك بس موظف مو طالب ..

ويعني بما ان الأهل راح يزورونك بين الحينة والأخرى فـ هذي كويسة لأن الوضع عندهم جداً فري

وإذا ع المشوار والله مو بعيد أنا ساكن بالبساتين أقصى الشمال والمشوار ياخذ مني 15 دقيقة بس هذا لو ماشي 100 كم/س ومن السلامة والأحياء هذيك يعتبر أقرب لها من طريق الملك وهناك مو مرة زحمة

..