مساعدة بليز ^_^

[Rana Hesham]

السلام عليكم

بنات أنا ذحين عندي بريك السبت والإثنين من 11 ل1 فأبغى أسجل في نادي أو دورة عشان الوقت يمشي فإلي تعرف تفدني بليييييييييييييز وشكرا

[روح الربيع]

وعليكم السلام
عندك النادي الفني والنادي الأدبي والنادي المسرحي في مبنى الشؤون مري عليهم أول أسبوع واستفسري منهم واذا حبيتي سجلي معاهم وغير كذا في الدورات والمحاضرات الي يقدموها بين فترة وفترة بس خليك متابعة لوحة الإعلانات في مبنى الشؤون وتقدري تروحي المكتبة وتقرأي أو خلي معاك دايمآ كتاب أو قرآن واجلسي أقري واستفيدي من وقتك وانتي لسى فيها ممكن تغيري جدولك ~ ربي يوفقك ^^

[Rana Hesham]

يسلمووووووووووووو مرررررررررررررره يسلموووووووووو طيب ايش تنصحيني أغير الجدول ولا أخليه؟؟؟؟؟؟؟؟

[Twix~}..]

إذا قدرتي غيري ليش تجلس تحوووسي في الوقت وايش تسوووي فيهـ ..

لسا عندك كمان اسبووعين تقدري تحذفي وتضيفي فيهم ..

يعني فكري وشوفي ايش انتي تبغي ..

[Rana Hesham]

أسبوعين!!!!!!!!!!!! بس أظن إني قرأت بس 6 أيام

[Twix~}..]

لا ياعسسسل بدايت السنه يكون الحذف والاضافه مستمر ..

بس لما تجي تعملي جدول السميستر التاني بس يكون عندك اسبوووع ..

[روح الربيع]

ربي يسسسلمك ^^
هو حلو يكون في بريكات لو تبغي تجلسي مع أحد أو حتى بس تغيري جو وما تكون الجامعة بس محاضرات وفي نفس الوقت كثرة البريكات مو حلو ومارح يجي نص الترم إلا وانتي طفشانة منها ولا ؟؟
وأنا أفضل مايكون عندي بريكات مقابل إني أرجع بدري ( بلا شمس وحر وقرف ) ولما أرجع بدري يكون عندي وقت أنام وأرتاح وأذاكر إذا عندي مذاكرة وأسوي تكاليفي وأجلس مع أهلي وأعيش حياتي أما لو رجعت متأخر أرجع (((( مصروعة )))) من الشمس وما أسوي شي !!!
شوفي أنا في البداية أضفت أسس تغذية مع حنان بس عشان ماتقفل علي المادة بعدين حذفتها وأضفت مراحل نمو وقلت اذا رحت الجامعة أضيف أسس تغذية بس فكرت فيها رح يكون مرة ضغط وخلاص رح أخذ بدالها ثقافة والتغذية أأجلها للترم الجاي وكذا سار جدولي مرة حلو عندي سبت واثنين وأربعاء من 9 إلى 12 بدون بريكات وأحد وثلاثاء من 8 إلى 9 بعدين نص ساعة بريك وبعدها من 9,30 إلى 12,30 وبس وانتي شوفي الي يناسبك وسويه ^^
آسفة على الإطالة بالتوووووفيق يارب =)

[Rana Hesham]

طيب أنا حذفت الثقافة وحطيت بدالها عربي من 8-8.50 مع فريدة كويس ؟؟؟ وايش رايك في الأستاذة؟؟

[روح الربيع]

سمعت عنها انها كويسة بس أنا ما جربتها وأنا أخذت العربي مستوى أول مع أ ، رغدة الإدريسي صح انها شديدة في الحضور والغياب بس شرحها جدددا ممتااااز ولو باخذ مستوى ثاني باخذ عندها وانا مغمضة بإذن الله ^^

[Rana Hesham]

مشكوووووورة