نصائح عامة لطلاب وطالبات كلية الصيدله

[pharm.d .s]

بسم الله الرحمن الرحيم
بما انو لسة انا فرش وباقي شويا اشياء في راشي فحبيت انبهم على اشياء ان شاء الله تستفيدوا منها خلال فترة دراستكم :
1- التدريب الصيفي:
اهم شيء بالحياه التدريب الصيفي حاولوا قد ما تقدروا تختاروا مكان جيد وتتعلموا فية
الاشياء الي تركزوا عليها في الصيف اشياء مختلفة تماما عن الي بتدرسوه
1- الاسماء التجارية <==== طول حياتنا بالكلية الدكاترة ما يركزوا على دا الشيء بس مرا مهم في سنة سادس الاسماء التجارية لانو الممرضات الدكاترة وحتى المرضى ما يتعاملوا غير بها
2- الاشكال الصيلانية والجرعات : مرا حاجة مهمة تعرفوها احنا اغلب الوقت نعرف اسماء الادوية بس بس ماتعرف في منها حبوب ولا شراب ولا مراهم ودا شيء مهم وخاصة في عيادات الاطفال
الجرعات <<< من الاسئلة المحرجة الي ممكن تطيحوا فيها يجي الدكتور يقولنا الدوا الفلاني كم عندنا منوا -_- (يعني كم ملم غرام )
3- استخدامات الادوية في ( الاطفال - الكبار في السن -المصابين بالفشل الكلوي-المصابين بالفشل الكبدي- الحوامل -المرضعات )
4- اللاعراض الجانبية المهمة والخطيرة
2- HAND BOOK:
اهم شيء الواحد يتعود على استخدام الكتب ومو اي كتاب في بعض الكتب مو مرا جيدة مثلا الكتب المفيد الي تستفيدوا منها ( انا استفدت منها مراااااااااااااااااااااااااااااااااااااااااااااااا اااااااااااااااااااا )
-BNF
-PHARMACOLOGY RECALL
-CLINICAL DRUG DATA
-DRUG INFORMATION
3- برامج pocket pc
طبعااا هادي حاجة قمة في الاهمية بصراحة وتفك زنقات مرا كتير
micromedex من اهم الاشياء
A TO Z
وغيرها طبعااا
4- الكتب :
1- Pharmacotherapy: A Pathophysiologic Approach====
DiPiro
2-applied therapeutics
3-comprehensive pharmacy reviewالمعلومات فية مبسطة ومرا حلو في المراجعه او وقت نحتاج نقرا اشياء كتيرة في وقت قليل
في حاجة لازم تحطوها في بالكم من شب على شيء شاب علية ازا ما بدئتوا تتعلموا من بدري ما راح تتعلموا سنة سادس فالتدريب مهم تتعلموا فية المهارات الي تخليكم تتفوقوا في سادس او حتى في العمل
هادي الاشياء الي افتكرتها وحبيت اشاركم فيها
هادا الي فاكرتوا دحين لو رجعت افتكرت شيء تاني ان شاء راح راح احطوا هنا
لا تنسوا هادي مجرد تجربة شخصية لا اقل ولا اكتر تتعمد على رؤيتي انا وامكن تكون صح او خطا

[Qotaiba HBK]

موضوع حلو =)

1- التدريب الصيفي:

بالنسبة للتدريب الصيفي مستشفى الحرس كل سنة يقدم تدريب ايش رأيك فيه .. ؟

[pharm.d .s]

المشاركة الأصلية كتبت بواسطة qotaiba hbk موضوع حلو =) بالنسبة للتدريب الصيفي مستشفى الحرس كل سنة يقدم تدريب ايش رأيك فيه .. ؟

انا دايما انصح بالحرس انا اخدت التدريب فية مرا ممتاز وخاصة مستشفى الحرس البدجت حقها عالي راح تلاقي فلمولري نادر تلاقيها بمستشفى تانية ازا لقيت فرصة تتدرب هناك لا تترد ولا دقيقة
اي معلومات تحتاجها عن الحرس لا تترد

[Qotaiba HBK]

المشاركة الأصلية كتبت بواسطة pharm.d .s انا دايما انصح بالحرس انا اخدت التدريب فية مرا ممتاز وخاصة مستشفى الحرس البدجت حقها عالي راح تلاقي فلمولري نادر تلاقيها بمستشفى تانية ازا لقيت فرصة تتدرب هناك لا تترد ولا دقيقة اي معلومات تحتاجها عن الحرس لا تترد

مشكورة ما تقصري والله ^^

طب اقدر اخذ بعد ثاني ولا لازم بعد ثالث .. ؟

وكيف يشترطون شيء زي افادة او طلاب معينين واماكن محدودة وكذا .. ؟

وبالنسبة للتدريب الاجباري حق ثالث ورابع اقدر اخذه بالحرس .. ؟

خخخ طيب في شيء ما فهمته -> ايش الفلمولري هذا .. ؟

[pharm.d .s]

المشاركة الأصلية كتبت بواسطة qotaiba hbk مشكورة ما تقصري والله ^^ طب اقدر اخذ بعد ثاني ولا لازم بعد ثالث .. ؟ وكيف يشترطون شيء زي افادة او طلاب معينين واماكن محدودة وكذا .. ؟ وبالنسبة للتدريب الاجباري حق ثالث ورابع اقدر اخذه بالحرس .. ؟ خخخ طيب في شيء ما فهمته -> ايش الفلمولري هذا .. ؟

طبيعه دراسة سنة ثانية مواد عامة وبس مافي ادوية ولا يحزنون فتدريبك في مستفى زي قلتوا
بس ينفع تدرب في مصنع مرا راح تفرق معاك لانو راح تشوف اجهزة وتشتغل عليها بعد كدا راح تدرسها في الكلية وهيا انسب فترة تاخد فيها تدريب في المصنع من وجهة نظري

اما بالنسبة المتطلبات حقت التدريب من الشؤؤن تقدر تاخدهااا كل سنة احنا بنروح ناخدها منهم

وطبعا تقدر تاخد التدريب بعد تالت ورابع في الحرس او مكان انت تبغاه في مجالات كتير تقدر تدرب فيهاااا

[THE HILL]

الله يعطيكـ العافيه يا دكتورة :)~

محتاجين زي خبراتكم والله ,,


ونصايحك ما راح تفارقني ان شاء الله ^^


بس بالنسبه للتدريب الصيفي لو ممكن تعطيني اسماء مستشفيات تخليني اكررف اوبالاصح احس اني استفدت منها كثيير ..



وايش طبيعة التدريب دا ؟؟!!

[pharm.d .s]

المشاركة الأصلية كتبت بواسطة THE HILL الله يعطيكـ العافيه يا دكتورة :)~ محتاجين زي خبراتكم والله ,, ونصايحك ما راح تفارقني ان شاء الله ^^ بس بالنسبه للتدريب الصيفي لو ممكن تعطيني اسماء مستشفيات تخليني اكررف اوبالاصح احس اني استفدت منها كثيير .. وايش طبيعة التدريب دا ؟؟!!

انا ادربت في الحرس الوطني بعد سنة تالت
4 اسابيع
اسبوع في الصيدلية الخارجية = كنا نحفظ اسماء الادوية ونشوف الاسماء التجارية وكان الدكتور كل يوم يحط لنا اسم موضوع واحنا نشوف الادوية المتواجدة الي تعالج المرض يعني كان يعتمد على الفارماكولوجي
اسبوع في الصيدلية الخارجية لقسم الانكولوجي = وطبعا هادي فرصة لانو مراكز الاورام قلية والاحتكاك بالادوية دي مرا مهم لانها مو متوفرة بكل مستشفى
اسبوع في TTOوهادي خاصة بالمرضى المنومين بالمستشفى والي راح يخرجوا
اسبوع في الكمبوانديق = يعني الادوية الي تحول شكلها الصيدلاني مثلا زي الاطفال ماينفه ياخدوا حبوب فدا المكان نعمل لهم شراب حاجة تشبة السبوتكس
اهم شيء بعد تالت نحفظ الادوية في الكلية نحفظ اسماء ومن كتر الاسماء ننسى كل شيء
بس مع الممارسة واش الجرعات وكدا نبدأ ندخل في مود المهنة
بعد سنة رابع شهر كمان
اول شيء اسبوعين في الستالايت فارمسي ومرا مهم الشغل فيها لانو نبدأ نتعلم كيف نمارس المهنة بالاحتكاك مع الدكاترة ونشوف الجرع والتفاعلات ونشيك على الوصفات وكيف ندخلها على السستم
وشغلات كتيرة ما تحضرني
بقية الايام مقسمة بواقع يومين في IV,CHEMO,DI,counseling,compounding
الحرس مرا ممتازة في التدريب ومرا تفرق عن الاماكن التانية من زمان الحرس كانت كرف من 8 الى 4 بس كان عدد المتقدمين مرا قليل عليها
السنة الي فاتت سار في نظام شفتين من الصباح الى 12 او من 1 الى 5 لانو مرا كتير ساروا يبغوا يتدربوا عندهم
العسكري يومين بالاسبوع يعني 10 ايا ما تفرق كتير في المعلومات
فهد العام مو كويسة
المحجر في ناس تقول كويسة بس الصراحة ما اعرف لانو هيا بالانترن من اسوء المستشفيات تعلمياااا
التخصصي ماسمعت احد يمدحهاااا بس لازم تتاكدي من احد ادرب فيهااا
الجامعي جيدة

[بسمة تشرين]

الله يعطيك العافية على المعلومات الرائعة وحماسكم انكم تفيدونا حمسني اكثر على التخصص
حطيت الموضوع في المفضلة
نفس السؤال حق الحلوة الي فوق ؟
+

3- برامج pocket pc

المعنى ؟

[OooO JEJE OooO]

مررررررررررررررة شكرا ربي يسعدك ياعسوووولة

ومبرووووووك التخرج ليك ....... وعقبال مانشوفك بروفسورة يااااارب

الله يوفقك .... ولاتنسينا ياعسل

[pharm.d .s]

المشاركة الأصلية كتبت بواسطة oooo jeje oooo مررررررررررررررة شكرا ربي يسعدك ياعسوووولة ومبرووووووك التخرج ليك ....... وعقبال مانشوفك بروفسورة يااااارب الله يوفقك .... ولاتنسينا ياعسل

ولو ياحلوة ما عملنا شيء واحنا بالخدمة دايمااا اي شيء تبغوا تسفسروا علية انا موجودة
والله يبارك فيكم وعقبالكم يارب