تنبيه بخصوص مادة الاقتصاد الكلي econ 102

[أبو فاتن]

السلام عليكم ورحمة الله وبركاتة




اخواني الأفاضل أمس كلمني أحد الشباب وقال نبه الطلاب بالمنتدى والله على ما أقول شهيد ( يعني أنا ناقل حباً لكم فقط لا غير والشكر كل الشكر لاخوانا الفاضل .. والعهدة على الراوي )


يقول أمس كانت فيه محاضرة بالدورة التأهيلية لمادة الاقتصاد الكلي وأثناء شرح الدكتور طمر واحد ملقوف من الطلاب وأعطى الدكتور نموذج أسئلة للترم الماضي ( عاد ما أدري هل هي حقت الترم الصيفي أو

الترم الثاني ) بصراحة ما أدري العالم هذي شلون تفكر ما أتوقع فيه ناس الحسد مالي قلوبها والغباء مكتنف عقولها إلى هذه الدرجة ولكن مانقول غير .. سبحان مسير الضعفاء بهذا الكون

عموماً الدكتور تفاجأ وعصب وقاله هذي شلون ومن وين جبتها

قال له الطالب منتشرة بكل المنتدى


قال الدكتور آهاااااا أجل هين .. وراح تتغير الأسئلة ونشوف الموضوع


الجميل في الموضوع إنه بعض الطلاب كانوا ناوين يحشرون هالملقوف بعد المحاضرة حشرة القطو ويعلمونه أصول الدوفرة المصطنعة بس الله سلمه ههههههههههههههه



عشان كذا يا شباب اللي عنده هالمادة يحاول إنه يركز فيها ولا يحاول يعتمد على النموذج المذكور بشكل كبير يعني خلوه للمراجعة فقط

تمنياتي لكم بالتوفيق والنجاح

[mare5421]

حسبنا الله ونعم الوكيل
يعني مالقى الا الإقتصاد الكلي يوريه الله يسامحه ويهديه ويصلحه بس والله يابو فاتن فيه ناس ودك ,,,,,,, لكن وش نقول عموما بيض وجهك ووجه خويك اللي وصلك الخبر هذا وإن شاء الله الدكتور ما ياخذها بشكل سلبي علينا ويقحمنا بأسئلة تعجيزية لكن الله يسامح خوينا اللي فضحنا مسوي فيها صديق الدكتور اجل

[أبو فاتن]

المشاركة الأصلية كتبت بواسطة mare5421 حسبنا الله ونعم الوكيل يعني مالقى الا الإقتصاد الكلي يوريه الله يسامحه ويهديه ويصلحه بس والله يابو فاتن فيه ناس ودك ,,,,,,, لكن وش نقول عموما بيض وجهك ووجه خويك اللي وصلك الخبر هذا وإن شاء الله الدكتور ما ياخذها بشكل سلبي علينا ويقحمنا بأسئلة تعجيزية لكن الله يسامح خوينا اللي فضحنا مسوي فيها صديق الدكتور اجل

صديق الدكتور ههههههههههههههههههههه


عموماً الله يكتب لكم اللي فيه خير يارب وترى المادة مو بذيك الصعوبة 80% منها نظري وحتى العملي فيها مقبول ومهضوم

ويمكن هالشيئ راح يكون دافع لكل طالب عنده هالمادة إنه يجد ويجتهد ويجب أعلى الدرجات إن شاء الله



والله يوفقكم

[ابو عبدالهادي]

المشاركة الأصلية كتبت بواسطة mare5421 حسبنا الله ونعم الوكيل يعني مالقى الا الإقتصاد الكلي يوريه الله يسامحه ويهديه ويصلحه بس والله يابو فاتن فيه ناس ودك ,,,,,,, لكن وش نقول عموما بيض وجهك ووجه خويك اللي وصلك الخبر هذا وإن شاء الله الدكتور ما ياخذها بشكل سلبي علينا ويقحمنا بأسئلة تعجيزية لكن الله يسامح خوينا اللي فضحنا مسوي فيها صديق الدكتور اجل

هههههه الحمدالله الي مااضفتها
المادة هذي ماراح اضيفها الى مايتخرج هالملقوف

[العلم نور والجهل ضلام]

الله لايعطيه عافيه هذا اماحسود عظيم او غبي عظيم

[أبو فاتن]

المشاركة الأصلية كتبت بواسطة العلم نور والجهل ضلام الله لايعطيه عافيه هذا اماحسود عظيم او غبي عظيم

هههههههههههههههههههههههه


الثنتين الله يسلمك

[العلم نور والجهل ضلام]

المشاركة الأصلية كتبت بواسطة أبو فاتن هههههههههههههههههههههههه الثنتين الله يسلمك

شكل المنتدي فيه جواسيس للدكاتره لازم نسوي تحريات يابو فاتن الخاين هذا لازم يطلع بنشنقه بقسم الملخصات

[william]

هذا يذكرني بالمثل "جَنَتْ على نفسها براقش"

ياشباب لا تشيلون هــمْ أنتم مرت عليكم مقررات أقوى من الإقتصاد الكلي واذا بيلعب في الأسئلة يلعب برجوله ويديه المنهج واضح
لو أنه مقرر استثمار أو مالية شركات كان ممكن يتعبنا معاه

والله ولي التوفيق

[أبو فاتن]

المشاركة الأصلية كتبت بواسطة william هذا يذكرني بالمثل "جَنَتْ على نفسها براقش" ياشباب لا تشيلون هــمْ أنتم مرت عليكم مقررات أقوى من الإقتصاد الكلي واذا بيلعب في الأسئلة يلعب برجوله ويديه المنهج واضح لو أنه مقرر استثمار أو مالية شركات كان ممكن يتعبنا معاه والله ولي التوفيق

والله إنك صادق أخوي وليام وكلامك عين العقل بيض الله وجهك

[أبو فاتن]

المشاركة الأصلية كتبت بواسطة العلم نور والجهل ضلام شكل المنتدي فيه جواسيس للدكاتره لازم نسوي تحريات يابو فاتن الخاين هذا لازم يطلع بنشنقه بقسم الملخصات

هههههههههههههههههههههه حلوة نشنقة والله فكرة

وأبشرك ما يحتاجون جواسيس لأن أغلبهم يدخلون المنتدى وحقيقة نتشرف بتواجد البعض منهم بيننا