ما هي أفضل التخصصات الجامعية المطلوبة وظيفياً [البنات فقط] ؟!.

[طالبة طب قريبا]

السلام عليكم يا ...اتمنى الجميع بخير وصحة وعافية
اتمنى من الي يعرف في هادا الموضوع يجاوبني في اقرب وقت
ان شاء الله حتخرج هادي السنة من الثانوية وعندي مشكلة بسيطة
مني عارفة اش ادرس!!!
في البداية كنت ناوية على طب وحلم عمري
بس طبعا واجهت صعوبات شوي من جامعة ودراسة وسنين طويلة
فقررت افكر في الموضوع شوي واعطيه وقته
هنا سؤالي,
مين يعرف اش اكثر شغل ماشي للنساء في السعودية خاصة جدة
غير طب
طبعا كلنا عارفين انو المجالات محدودة فحابة اعرف اش المهنات الي اقدر اشتغلها عشان اقرر اش ابغا اشتغل
وشكرا

[طالبة طب قريبا]

عفوا عشان اعرف اش ابغا ادرس:p:p:p:p:p

[Radiology]

بدايةً الرزق بيد الله سبحانه وتعالى ،،

- الطب .
- العلوم الطبية المساندة بكلية العلوم الطبية التطبيقية ( التمريض - المختبرات الطبية - الأشعة - العلاج الطبيعي ... إلخ )
- تخصصات كلية العلوم وكلية الآداب ( الرياضيات - الفيزياء - الكيمياء - اللغة العربية - اللغة الانجليزية ... إلخ ) للتعليم في مدارس التعليم العام .
- تخصصات كلية الإدارة ( المحاسبة - التسويق - الإدارة ... إلخ ) للعمل في مؤسسات القطاع الخاص كالبنوك والشركات .. إلخ
- جميع التخصصات متاح العمل فيها في الجامعة كعضو هيئة تدريس .

[طالبة طب قريبا]

شكرا radiology
وجزاك الف خير هادي بالنسبة للشغل طيب اكثر شغلة فيها رواتب عالية؟:P:P

[Majed7]

طبعا القطاعات الحكومية غالبا ما تكون رواتبها ضعيفه ..

والقطاعات الاهلية ممكن تلقيـ فيها رواتب عالية في هذي التخصصات : حاسب .. إدارة وإقتصاد .. هندسة - ما عندكم هندسة يالبنات - ..

وطبعا تميزك في تخصص أيا كان يفتح لك أبواب ورواتب ما كنتيـ تحلمين بيها بعد توفيق رب العالمين :)

[Dr.Passed]

المشاركة الأصلية كتبت بواسطة majed7 طبعا القطاعات الحكومية غالبا ما تكون رواتبها ضعيفه .. والقطاعات الاهلية ممكن تلقيـ فيها رواتب عالية في هذي التخصصات : حاسب .. إدارة وإقتصاد .. هندسة - ما عندكم هندسة يالبنات - .. وطبعا تميزك في تخصص أيا كان يفتح لك أبواب ورواتب ما كنتيـ تحلمين بيها بعد توفيق رب العالمين :)

ازا انتي حابة هندسة ولا لسا حاتفكري فيها تلاقي في عفت..

بالنسبة للشغل بعد كدة ولا ايش حابة تتخصصي...فكري انتي ميولك وقدراتك تأهلك لي ايش..
سوي الي تبغي تسوي..لاتخلي شي يجبرك..هادا مستقبلك انتي وبعدين لاتشيليي هم بعدين اصلا مو واجب عليكي تصروفي على نفسك ياقلبي ههههههههههههه =)

امزح ===> ازا انتي تبغي طب لاتخلي كم شي حبطك ورجعك على ورى يخليكي سنين قدام تسيري تقولي لنفسك " أنا طول عمري كان نفسي اكون...." فاهمة عليا؟ هو تعب...مافي شي جاهز..انا عارفة انك تعبتي وحاسة نفسك خلاص...بس ازا في كلي حاجة حاتتنازلي وتتخلي بكلي سهولة..عمرك محاتحققي اي حاجة تبغيها في حياتك...لازم تقوني قوية وقدها...لازم تتحملي...ازا هادا شي انتي فعلا تبغي حتحاربي عشان تخلي يحصل في حياتك. لا تخلي كم شي سارلك..وكم درجة نقصتي ترجعك ورى..ترا كلنا كده...انا حالي حالك...وامكن اكتر منك...بس مستحيل افكر اتخلى بكل سهوله..حتى لوحاسة انو مستحيل دا الشي يحصل برضو استمري....وقتها انتي حاكوني راضية عن نفسك لأنو خلاص مافي شي ماسويتي نفسيا ومعنويا....خلاص انتي سويتي كل حاجة..ايش باقي كمان؟ ...حتى ازا ماانقبلتي هنا بعد كل التعب دا...في اماكن تانية...الدنيا واسعة وكبيرة...مادام التخصص الي تبغي موجود في الحياه يعني هو مو بعيد عليكي..لاتخافي ولا تقلقي بس بينك وبين نفسك فهمي نفسك انتي ايش تبغي وصري علي بقوة وصدقيني الي تبغي حيسير..

[طالبة طب قريبا]

مرة مبسوط انو ما عندنا هندسة يعني....لووول
المهم شكرا بس في شي ماهو مفهوم انو انا كنت ناوية على طب وبعدين غيرت رأي يمكن ويمكن لا.... اش ادرس يعني عشان اقدر اشتغل
فهمت عليا؟؟

[Majed7]

المشاركة الأصلية كتبت بواسطة طالبة طب قريبا مرة مبسوط انو ما عندنا هندسة يعني....لووول المهم شكرا بس في شي ماهو مفهوم انو انا كنت ناوية على طب وبعدين غيرت رأي يمكن ويمكن لا.... اش ادرس يعني عشان اقدر اشتغل فهمت عليا؟؟

الطب كويس لو فيكيـ تدرسي كثير .. والبنات الاسنان ماشي معاهم أكثر ^_^

ما فهمت ؟ .. قصدك كـ تخصصات لاني قلت لك التخصصات المرغوبة

[طالبة طب قريبا]

بالضبط هو دا الي ابغا التخصصات المرغوبة يعني الشغالة في جدة .فكرت طب اسنان لانو اسهل شي في الطب بس بصراحة مقرف عشان كذا شلت الفكرة..بس مرررة ضايعة خايفة ادرس شي حتى لو اني درست برة وارجع هنا وما الاقي شغل..عشان كدا ابا شي يمشي هنا واقدر اشتغله ومنه راتب عالي...يمكن ارجع افكر طب اسنان..يمكن

[Majed7]

إنتيـ أدخلي الجامعه الاولو راح ياقبلك شيء اسمه بابا تحضيري .. وبعدها راح تفهمي التخصصات أكثر وتعرفي أشياء يمكن حتى بالاسئله هنا ما راح نفيدك أكثر من السنه نفسها :)