ثبت شرعاً بأنني لا أستطيع أن أرتب نفسي بالمذاكرة .. Help me

[الفتى]

السلام عليكم ورحمة الله وبركاته



أسعد الله أوقاتكم بالمسرات ..

ياجماعة بقولكم سالفتي هاليومين اللي راحو .. قبل عشر أيام قلت لنفسي ياولد لازم تجتهد ولازم من الأن

تبداء بالزرع عشان يجي وقت الحصاد ويكون ثمر زرعك ممتاز .. الى الأن حلوووو ,,,

قلت لنفسي .. يا فت فت لازم اول شي تسوي لك جدول مذاكرة زي ما يسوي بعض الطلاب .. << يسمع بجدول المذاكرة

سويت الجدول في برنامج إكسل .. وسويت مثل الكاليندر حق الأيام ونسقت الألون اللون الزهري للأيام

اللي ما اراجع فيها او ماقدرت اني اراجع فيها .. واللون الأخضر الفاتح للأيام اللي أنا ذاكرت وراجعت فيها

الموووووهم .. أنا الأن كملت عشر أيام وكل العشر أيام صبغتها باللون الزهري .. يعني الى الأن ما عرفت

من فين أبداء .. صحيح أدخل المنتدى ويكون لي ردود .. بس بدون فائدة محسوسة .. بالله عليكم ابي نصيحتكم

ما أستغني عنكم فديتكم .. الله يوفقنا جميع يا رب .. أخوكم // الفتى

[assem007]

هههههههههههههههههههه الله يعينك..

سوي لك كوب كبتشنو .. وروق .. وبعدين ابدأ

انا كذا بذاكر

[الفتى]

والله بيني وبينك بدري علينا نشرب كابتشينو بديرتنا ههههههه

لو يدري جدي اني اشرب كابتشينو .. يطلع الرشاش وينتفني نتف ..

بالله ابي الطريقة السليمة للبداية تكفوووووووووووووووووووووون

[رويده عباس]

لا تسوي جدول ولا شي امسك الماده الصعبه عليك وفصفصها ورقة ورقة واذا طفشت لا تجبر نفسك على المذاكرة وخذلك راحه ساعة او نص ساعة بس حاول كل يوم تحدد لك فصل او كم ورقة من الكتاب لمذاكرتها

وبالتوفيق

[][_ غــــــيــــــر _ ][]

كلنا ذاك الرجل
كل فصل اصف الكتب والمذكرات والمفردات
غير فرز الملفات والملاحظات الموجودة في الكمبيوتر
... وللاسف المذاكرة الفعلية تكون في جدة والله ييسر أمر الجميع ...

[الفتى]

المشاركة الأصلية كتبت بواسطة ][_ غــــــيــــــر _ ][ كلنا ذاك الرجل كل فصل اصف الكتب والمذكرات والمفردات غير فرز الملفات والملاحظات الموجودة في الكمبيوتر ... وللاسف المذاكرة الفعلية تكون في جدة والله ييسر أمر الجميع ...

لا من جد أنا بحاول اذاكر من الحين .. قسمنا صعب واللي ما يبداء مذاكرة من الأن بيصعب عليه ..


جزاك الله خير اخوي ..

[الفتى]

جزاك الله خير يا رويده

بالفعل بحاول اسوي كذا .. بس خل أشوف بقيت الآراء يمكن يكون فيه رأي يفيدني ويفيد الجميع ..


جزاكم الله خير ..

[عاشق الفهد]

اخي الفتى بصراحة انا معطي نفسي في اليوم ساعتين فما زاد فهو تطوع ولكن الساعتين مالي فيها وقت محدد احيان تنقسم ساعة عصرا وساعة بعد المغرب واحيان اخر الليل يعني عشان ترتاح نفسيا ابحث لك في اليوم عن ساعتين يوميا بحيث لايكون فيها ارتباطات طلعة مع الشباب والا شغل المفطحات تراه زايد هاليومين مع الزواجات وبالتوفيق

[الفتى]

المشاركة الأصلية كتبت بواسطة عاشق الفهد اخي الفتى بصراحة انا معطي نفسي في اليوم ساعتين فما زاد فهو تطوع ولكن الساعتين مالي فيها وقت محدد احيان تنقسم ساعة عصرا وساعة بعد المغرب واحيان اخر الليل يعني عشان ترتاح نفسيا ابحث لك في اليوم عن ساعتين يوميا بحيث لايكون فيها ارتباطات طلعة مع الشباب والا شغل المفطحات تراه زايد هاليومين مع الزواجات وبالتوفيق

جزاك الله خير اخوي عاشق

وبصراحة أنت من صفوة الأعضاء بهذا المنتدى ..

[ميحد الرياض]

اشرايك ساعه بعد صلاة الفجر يوميا ماعدا الجمعه
وكل ماده لها يومين واذا فوت الموعد تعوض بعد المغرب مثلا
وركز علىالمهم والمفيد ولا تنشغل بصغائر الامور

اهم شي تكون مكترث يعني عكس الغير مكترث زي ماقلنا بالمسرحيه
وانا مدري من وين اصل كلمة مكترث ،،،،،