أبغى مشورتكمـ في هالقرآر .. لو تكرمتوا :) ..

[Majed7]

السلامـ عليكمـ جميعا ..

كيفكم يا رب بخير ^_^


يا دكاترهـ أنا محتار حاليـــا والقرار اللي راح أتخذه بيكونـ مصيري في حياتي وحاب آخذ رأيـ الكل وأشوف وجهات نظركم .. وطبعا بكلمـ أهلي وأقاربي الكبار وأشوف بعدها :)


أنا بصراحه ما ارتحت بالكليــهـ ..

واليوم من أولـ محاضره دخلتها إلى آخر محاضره بس دكاتره قاعدين يتكلموا عن طور الجنين وحركاتـ المفاصل ومسمياتها وو .. وجميع هالأشياء تتطلب حفظ بحت وأنا عنديـ قابلية للحفظ لكنيـ أكره هالشيء ..

طبيعتي أحب أذاكر المواد الفهمـ والتطبيق أكثر من الحفظ ونظامـ المعامل ..

خاصه الماث والفيزياء كنت آخذ وقت في مذاكرتها لكنـ أبدا ما كنت أحس بملل .. عكسـ الأحيــاء والمواد النظريه الثانيه :)



ما أبغى أتسرع في قراري .. لكنـ أتوقع إن الأربعاء الجاي آخر موعد للتحويل من تخصص لـ تخصص ثاني

وأنا محتار أكملـ أو أحولـ هندســـه التخصص الأكثر ملاءمه لي ..

أخاف أكملـ ويكونـ إنسحابيـ بعد سنه ولا سنه ونص ويكونـ خسرت وقتها سنه من عمري - غير السنه اللي فاتت - .. وأخاف أحولـ وأندم على تركيـ لـ الطب ( وهنا بتكونـ الصدمه الأكبر في تفريطيـ بهالتخصص ) .. !


المسألــه مو صعوبه أكثر من إنها راحه ..

يعني مثلا بالهندســه راح تكونـ مواد من 15-18 ساعه بالترم وتقريبا غالبيتها فهم فـ ما راح تكونـ فيه إشكاليـــــه ..

أما الطب 25 ساعه بالترم وجميعها بدونـ استثناء مواد حفظ - غير جزء العملي - .. أنا مجرد ما أفكر بالساعات والحفظ أكتئب أكثر ..

ما أدريـ هذا قرار متسرع ومع الوقت راح أتأقلم .. أو إنه ما كانـ اختياري للتخصص بمحله .:)



أنا بستخير مره وثنتين اليوم وبكره .. والله يكتب لي الخير إذا كملت أو حولت ..

[جيزان]

سوري ماجد اني تدخلت رغم اني مو طب ومالي علاقه في الطب والكليات الصحيه انا احياء
بس رغم انك من طلاب دفعتي
بس حابه اقولك كم حاجه وانت فكر
انت ماشاءالله عليك من جد شاااطر ومعدلك في التحضيري جدا جدا عالي بصراحه انا اتوقع انك اول واحد انقبلت في الطب اللهم لاحسد بس حرام حرام تحول مو معقوله واحد جاب معدل مثل معدلك في التحضيري مو قادر يكمل طب !!

ولاتنسى في طلاب اقل منك في المعدل وفيه كمان طلاب وطالبات طب موازي وراح يكملوا
انت في ايه ناقص عنهم ؟؟؟؟؟

وانا اتحدى اذا احد سواء كان ثالث طب او رابع ماشاءالله قدر يوصل في التحضيري معدله مثلك

انا ابغاك تفكر في الاشياء الايجابيه الي فيك

انت مشكلتك مثل مشكلتي اول مادخلت التحضيري
انا والله ماااتعودت في التحضيري الا بعد الترم الثاني ,,, اول مادخلت تحضيري وشفت كتب يااكبرها انجلش وكل شي انجلش وبعضهم حتى شرح انجلش واختبارات انجلش وكانت لغتي جدا ضعيفه ( انت ماشاءالله دخلت الجامعه وعندك لغه واساسا مادرست انجلش )
وهالشي جدا أثر مع اني كنت جدا ممتازة في الرياضيات والفيزياء بس تعقدت لانها انجلش وكنت بحول لاني كان كل شي عليا جديد وكان في بالي علوم طبيه بس لما شفت معدلي الترم الاول وفي خطه أ 2.82 يعني مرررررررررررة طااااايح ,, روحت علطول العماده وطلبت تحويل ووقتها كان الترم الثاني ودوبي بدأت في خطه ب وجاني تحويل بالواسطه بعد اسبوع للمسار الاداري بس سبحان الله ارتحت في خطه ب كثيييييير وعرفت كيف نظام الدراسه وصرت انا اعتمد على نفسي واذاكر اول بأول والحمدالله في خطه ب اخذت في المواد a ماعدا الكيمياء +b ووصل معدلي 4.60
شفت قد ايه الفرق !!!!!
المعدل الواطي الطايح في خطه أ والمعدل العالي في خطه ب

انا قلت لك قصتي عشان ابيك تفكر وتشوف مو شرط اول ماتبدا تحب الكليه وترتاح
لاطبعا لازم تشوف تعثرات قدامك
واتوقع انك بنفسك مرة قلت لي في احد المواضيع ( الطريق ماراح يكون قدامك مفروش بالورد )
لازم طبعا تلقى تعثرات وتأكد انه كل الطلاب في الطب مو احسن منك عشان كملوا طب
وكمل وشد حيلك وحتى لو اخذت معدل 4 من 5 لاتتحطم تعتبر حلوة كبدايه
ولاتنسى كمان انك تعبت كثييييييييييييييييييييييييير عشان توصل للطب انه طبعا مادخلته بدون تعب
وفيه غيرك كثير يتمنوا انهم مكانك وانا منهم
بليز بليز بليز استخير قبل انا مااحب اشوف احد كذا ماشاءالله شاطر والاقيه متحطم
وفي الاخير القرار يرجع لك
بس لاتنسى انه الطب افضل وتفكر في كلامي كللللله
والله يوفقك يااااارب وينور طريقك ويكتب لك الي فيه الخير سواء طب او هندسه
دايم ردد هالدعاء وادعي ربي وصلي صلاه الله صدقني ربي عمري ماراح يخيب امل احد

[No_0ne]

ما الومك صراحه بعد محاضر الاناتومي بغيت انسى اسمي ...
بس احس لسا بدري عليك او على اي احد يحدد هل الكليه مناسبه له او لا ... و لو اتخذت قرارك في هالفتره هيكون قرار متسرع لأننا لساا في البدايه ...
بعدين تذكر فيه قبلك دفعااات و مئااااات الطلاب و الطالبات مشوو و كملووو و كانت دراستهم اصعب مننا و ما في شي ينقصنا عنهم ان شاء الله و اكييييييد انهم مروو بهذا الشعور ...
توكل على الله و استخير و الله يكتب لك الي فيه خير و ين ما كان ...
بس لا تستعجل في الحكم على التخصص من اول اسبوع و خلي تفكيرك ايجابي ...

[M.Ammar]

ماجد .. الوقت بدري وتو اليوم ـأخذنا كلاسات..
الجوو لسى جديد ..والنظام ملخبط شوي..
الطلاب متكدسين في القاعه والمدرس يشرح معادلات بايوكمستري في الهواء ..
ـأنا ـأتمنى ما تكوون محطم من البدايه ..ترى هذا يأثر على نفسيتكـ..ـأنت دخلت الطب برغبتكـ ـأنت.. وما ـأتوقع ـأنك موو حابه ..
ـأبغى ـأقووولكـ كمان ما تدري ـامكن تكوون لك خيره من بعض التخصصات ...
تووو بدينا وحتى ما اشترينا الكتب ..
الله يوفقنا ويعينا على اللي جااي ..
اعذرنـّي لاني والله انقهرت من قراااركـ المستعجل ..موفق إن شاء الله في الدنيا والاخره ..ادع الله ان يكتبلك اللي فيه الخير^_^..

[جيزان]

ماااضيف على كلام الاعضاء الي فوق شي لانهم احسن مني وعاااارفين اكثر
بس اقولك اذا انا تخصصي احياء واشوف الكتب والله مو عارفه كيف احفظها
الكتاب انجلش وكلللللله حفظ وتعاريف وفوق هذا عندي ماده الاحياء العامه + البايوكيمستري
كل ماده ولها كمان معمل من 2 لحد 5 ودوام كرف زي الزفت
وشوف تخصص احياء يعني اكيد يكون الطب اصعب
وفوق هذا مااتوقع كمان الي متخصصين احياء كمان احسن منك
لانه قرارك مثل ماقالت الاخت الي فوق راح يكون متسسسسرع

[Qotaiba HBK]

ما قريت كل الموضوع بس اقلك انا نفس الوضع حصل ليا ..

أصبر كم يوم وبـ تتأقلم بس لا تفوت أي شيء ..

برب ..

[M!Šs JỏJỏ]

وعليكم السلام ورحمة الله وبركاته


الاخوان ما سابولي شي ^^
وانا راي من رايهم ما شاء الله عليك د.ماجد من احسن طلاب الدفعة ومانتمنالك الا كل التوفيق
اخويا لازم تستخير واطلب من ربك التوفيق ...
هوا احنا لسع ما بدأنا ،، مقدمات بس ما شاء الله مرة قصيرة S:
حاول تجرب في دي اليومين تنزل الشيتات او تسمع المحاضارات
ومو لازم تحفظ بس اقراها مرة واتنين وتلاتة واكيد حتفهم
في البداية حتكون صعبة ع الكل بس ع نهاية الترم حيكون الوضع اسهل بكتير فلا تتسرع من يوم واحد
وكل اسبوع حيعلمنا اكتر وبعد المد ترم حنعرف طريقتنا صح ولا خطأ وكيف ممكن نغيرها ونركز ع ايش ؟!
بالنسبة للAntomy اليوتيوب حيفيدك كتير :) وحيساعدك تفهم بدال ما تحفظ
والEmbryology حاول تستمتع فيه
والبايوكمستري يبغالوا مزاكرة اول باول

الدفعة الي معاك والي سبقوك مهم احسن منك :) بس يبغالها شدة حيل وووصي الاهل يدعولك
بالتوفيق يارب

[محمد عماد]

ايش الي تحول
احنا درسنا شيء

يعني بعد ما سويت المقابلة واشتريت السكرب تبغا تحول
اقول احذف الموضوع وانسى موضوع التحويل نهائيا

انت عشانك ماحضرت دورة tmm
لو حضرت راح تشوف كيف انو كل الي قاله الدكتور في الأناتومي والإمبريولوجي جدا سهل
بس البيوكمستري شوي صعب
ولا احد يقول انو الطب كله حفظ بدون فهم .. اصلا ما راح تحفظ بدون ما تفهم ( باستثناء الأناتومي )

ولا تقارن التخصصات بعدد الساعات ابدا ..
بعني انت تبغا كلية الهندسة عشان عدد ساعاتها قليلة ؟؟
انت تختار التخصص بناء على رغبتك مو عشان عدد الساعات

وترا الطب سهل وممتع .. بس في البداية راح تحس بصعوبة عشان الوضع متغير
واذا احتجت اي مساعدة ميد 10 ما يقصروا ..

ونصيحة لا تستعجل ولا تتخذ قرار تندم عليه مستقبلا .. والقرار اولا واخيرا راجع لك

وابغا اشوفك بكرة عشان اتفاهم معاك

بالتوفيق

[!..RahoOofa..!]

ماجد ماشاء الله عليك انت كويس بس أنا مو من الطلاب اللي يقولك كمل عشانك من الافضل
ولامن الطلاب اللي يقولولك خد قرار عشان الطب انسبلهم فبيشوفو الموضوع بنظرتهم مو نظرتك
أول حاجة أنا اقولك أرجع استخير .. ربي حيخترلك اللي فيه الخير ليك وحيرضيك فيه فماحتندم ..
تاني شي انت ايش تشوف نفسك دكتور ولا مهندس .. ؟
لاحظ انو كل شي في البداية صعب .. وانا استصعببت اللي اخدتو اليوم من ساعات طويلة ومنهج وشلت هم أدرس يومياً ..بس كلو بتساهيل ربنا ..
يمكن دراسة الطب حتكون من اسعد سنين حياتك صح ولالا ؟
شوف في الملف اللي ارفقتلك هو .. محطوط عدد ساعات كل سنة .. وسنة تاني كانت أكتر عدد ساعات من كل سنوات الطب ..
وإذا مشكلة الساعات انت حاول تركز مع الاساتذة وتربط كتير .. واختار يوم من الويكند راجع كل اللي اخدتو في اسبوع ..
انتا شوف ايش يناسبك والله يريحك ويخترلك اللي فيه الخير
انت بس استخيير

[ُزمرد]

وعليكم السلام ورحمه الله وبركاتة

الحمدلله مكروفين انتا كيفك د.ماجد =)

..

حبيت أعلق ع الموضوع . ع أساس ..
1- انك احد الطلاب المميزين بِ دفعتي في السنة التحضيرية =)
2- على أساس انك كنت موجود وقت ما انا نزلت مووضوع وقلت ب أقدم اعتذار عن الدراسة ..
صدقني د.ماجد إني مريت بظروف جداً سيئة .. ولكن ما استسلمت ورغم كل شيء كملت حتى احقق حلمي! ف اتمنى انك ابدا ماتضعف امام اي عائق ووآصل مسيرتك عشآن تحقق حلمك..

::

احنا من اول يوم دخلو الدكاترة عندنآ واعطونا مقدمه ف المواد

ثاني يوم بدينا ف الجد!!!! بينما كل الكليات دون استثناء مادرسو كل المحاضرات زينآ .. احنا حتى وقت المعامل ( وقت فاضي على أساس المعامل تبدأ الاسبوع الجآي ) الدكتورات يتضآربو علينا يبغو يدرسونا فيه !!
سلامات؟ من جد ضغط ضغط رهيب حتى جدولنا يحزن !!
كيميا × كيميا .. المشكلة انها كيميا يعني ( م ض ط ر ة ) اركز عشآن افهم !! مخي انعصر .. حتى والله من اول محاضرة أنالتيكال في وحده جلست تبكي من الوضع..

الادمية تشرح وانا افكر ف التخصصآت وايش انسب تخصص ليا عشآن احول !

لكن بعدين فقت ل نفسي وقلت .. كوني قوية يابنت^^ + دفعة فارم10الله يجزاهم خير زارونا ف الكلية و اعطونا جرعة حمآآآس وأمل فظيعه!! خلتني اقول لنفسي يابنت لاتهدمي احلام حياتك بسبب ضغوط الدراسة .. النجاح لايُقدم على طبق من فضة د.ماجد !

( الخلاصة .. كلنا ب نمر بضغط رهيب وبتجينا هواجس و وسآوس اننا نحول او شيء زي كدا !! )


إذا كان سبب تحويلك ضغوط المواد والحفظ والفهم ف نصيحة ! لاتحول مصيرك تتأقلم ان شاء الله !!

أما اذا كان مجرد ضيقة من غير سبب مُعين وهيك .. فكر واعيد النظر ولو شفت التحويل انسب لك ف اتوكل على الله وحول ^_^

د.ماجد لا تستسلم من بداية المشوار .. وبإذن الله ستكون ماتريد :)

عذراً ع الاطالة بس مرا مرا زعلت ع الخبرية :(

الله يوفقك د.ماجد