موضوع يهم كل طالبه انتساب(^_^)

[جووود]

صبااح الخير كييييفكم مع المذاكره والحوووسه
الله يوفق الكل يارب
المهم //فيه موضوع حابه ادردش معاكم فيه
اللي هوه سالفه انهم يكتبون في المفردات (الكتاب كامل)ولمن تجي الدوره تلاقين الأستاذات حاذفين ابواب ومحددين المهم واللي مووو مهم واشياء كثيييييره
والله انا اشوف ان هذا ظلم
طيب ليش كذا ,,,يعني اللي ظروفهم ماتسمح ايش ذنبهم همه( دافعين فلوس زيهم زي غيرهم)
والوحده تذاكر من قبل الاختبارات بشهرين وارهاق وقلق
وفي الأخير تجي اللي حضرت الدوره قبل الاختبار بأسبووع وتركز عاللي مهم واللي مو مهم والأشياء المحدده وتجيب درجات اعلى
طيب بالله عليكم مووو حرام كذا المفروض طيب انه يصير فيه قسم للأستاذات ينزلون عالاقل التحديدات من تعداد واشياء مقاليه واشياء مهمه وكذا>>>>عشان يعدلون بين الطالبات والا خلاص يخلون الكتاب كامل
موو يخلون الوحده منهم تعرض نفسها لمواقف هيا في غنى عنها تطلب من هذي وتترجى هذي ووووو وهيه اصلا زيها زيهم دافعه فلوس
لاني والله العظيم السمستر اللي فات كان عندي سكان واللي عندهم اكييييد شايفين كيف الكتاب يسد النفس وحوووسه والاستاذه حددت معانا وركزت على علماء وحذفت أشياء وكذا لدرجه ان الماده صارت مووويه من سهولتها....طيب ايش ذنب اللي ماحضروا يذاكرون الكتاب من الجلده للجلده
وآآآآسفه عالأطاله بس من جد معصبه من الموضوع

[جووود]

وووينكم يابنات مافي تفاعل مررره

[القلب الاحمر3]

اي والله كلامك صحيح دائما معاناه في التحديد
والمفردات , والبنات في المنتدى ما يقصروا ينزلوا تحديد
بس يكون الوقت صار متأخر مررررة
بصراحة هذي تعتبر عندي: مشكلة كل سميستر
بس ربنا يفرجها علينا ان شاء الله...يا ليت نلقى تعاون من الاستاذات
ويكون هنا في المنتدى( مجرد رأي )

[aso.vip]

صااااااااادقه .. المفرووض في موقع خاص ينزل لكل طالبه كل مايخص موادها زينا زي طلاب برا .. في مصر المنتسبين .. ينزلهم كل شي يسير ف الكلاسات وكأنهم حاضرين .. واحنا ياحسره علينا .. يانلقى احد فيه الخير من البنات الطيبين هنا يساعدونا ولا نكرف على غير فايده .. عاد سامحيني جيتي على الجرح .. وبالتوفييييييييق للجميع

[الجـــــوري]

اااااه ياجوود جبتيها عالجرح
والله نفسيتي تعبت ما قدرت اذاكر من كبر الكتب
وانتظر التحديد من البنااات عاد البنات هنا الله يهديهم مو متعاونين مررررره
جالسين نشحثهم شحاثه ارخصنا انفسنا بالطلب
مدري متى بنلاقي تحديد المواااد عشان نذاكر شكله قبل الامتحان بيوووم

[جووود]

شووفي بيني وبينك البنات ماينلامون حتى همه كانوا في حووسه الدوام والوقت ضيق والكتب كبيره يعني ايش يحددون معانا وايش يخلووون
وانا مررره ماألوم البنات بس ألوم النظام الجامعي اللي مدري ايش اقووول ...!
يعني بس اكبر همهم التسديد والفلوس
ومافي مصداااقيه في تحديد المناهج يعني لايقولون مافي تحديد والكتاب كامل ومن ذا الكلالالالام وفي الأخير تلاقين الاستاذه حاذفه نص المنهج

[~* أخت أخـــوي *~]

أعجبني طرحك خيتوووو

جيبتيها ع الجـــــــــــررح ...

مايكفي المنتدى للشكوى ووصف الحاله والمعاناة الي نعانيها على مانحصل على تأشير سطرين !!

بصراحه/ قبل ألاحظ تعاااااون وموضوع ثابت للدوره التأهيليه

لكن ((السيمستر هذا انصدمت بالبنات ))!!!

ماأشوف أثر للدوره التأهيليه :(

أي وحده تطري ببالها ماده من موادها تفتح موضوع وتقول ((قدلاأحضر الدوره))

ولا((ندااااء الى من حضروا الدوره)) !!

والي تسأل عن شي يتواعدون بالجامعه وتعطيها تأشر منها !!!!

والي مو من جده ؟؟ والي عندهم ظروف؟؟؟!!!

زي ماقلتوا الجامعه هاضمه حقوق الإنتساب !!

وياريت يكون للاستاذات والأساتذه منتدى للملخصات او التحديد ثابت ويعدلوا فيه كل سيمستر ع حسب المنهج ....

خلــــــــــــبهااا على ربك بس ...

[شطه]

ياحبيبتي .. محد يحس فينا .. طز فينا نتعب ننحرق المهم اكلو فلوسنا

((هذا شيء يعتمد على الأمــــــــأإأإأنه ))
والبنات صراحه .. اشوفهم مايقصرون . بس يبغالك تكتبين موضوع وتسألين عن اللي تحتاجيه

وراح تلاقين ردودهم .... الدنيا لساا بخير يختي.. المهم التوفيق من الله

وان شاءالله يكون هناك تطور من احسن لاحسن

وفق الله الجميع

[الم دنياي]

انا اصلا اكرهـ الانتساب ><

يعني احسنا غير الانتظام بكل شي ><

همهم ياخذو فلوسنا وبس ><

كويس منهم فتحو صيفي بلاش والله يسر لنآ ,,

[جووود]

اتمنى الموضوع يوصل لعماده الأنتساب ونلآقي تحسن وتعاااااون شووويه عالاترام الجااايه