وش انطباعكم عن اختبار اليوم: اساليب وطرق العمل pad-324

[faisal aljrees]

السلام عليكم ورحمة الله وبركاته
النموذج كان (ب) وصراحة تفاجئت احسب الاسئله راح تكون مقاليه وصارت اغلبها صح وخطأ واختيارات ومنوعة تنويع اعتبره ممتاز جدا ولا يخلو من اللف في بعض الاسئله

ولكن للاسف بعض الاخوان في القاعه صوتهم مرتفع وقت الامتحان ومنهم شخص يغش وشتت ذهني ياعسى الله يصلحه

نسأل الله التوفيق

[أبومحــمد]

والله الحمدلله شي يعتبر جيدجدا الأختبار بين السهل والصعب بس الحمدلله أسئلة واضحة وبعيدة عن الغموض الله يوفقك الجميع

[محمد491]

الغموض كلها جاء بالصح والخطأ

ولا الباقي كلها سهله

ان شاء الله

[محمدالزعبي]

السلام عليكم ورحمه الله وبركاته
عسى الله يوفقكم لما يحبه الله ويرضاه
انا راحت علي نومه وانا قاعد في جده من الخميس بسبب هالاختبار والحمد لله لحقت على الاختبار وكان باقي 20 دقيقه واستغرب ان وقت الاختبار ساعه بدال ساعه ونص
ومثل ماقال اخوي محمد الغموض كان في الصح والخطأ
والباقي الحمد لله واضح وان شاء الله خير مع اني شيرتها على حسب فهمي
وانا نموذجي أ واتوقع ان اغلب الصح والخطأ كانت الاجابات صح ياليت احد يأكد لي هالمعلومه
موفقين خير ان شاء الله

[فهد - الروقي]

طيب واللي ماحضر الاختبار وش وضعه يالنشامى

[إن شاء الله أتخرج بتفوق]

المشاركة الأصلية كتبت بواسطة فهد - الروقي طيب واللي ماحضر الاختبار وش وضعه يالنشامى

اخوي فهد ..

بكرة حاول تروح لهم الصباح وتكلم الدكتور ممكن يحطك
في الاختبار اللي يوم الثلاثاء لنفس المادة ( اساليب و طرق العمل bad 324 )

الساعة 4 - 6 م ..

ولد عمي صارت له نفس مشكلتك وراح لهم وحددوا له موعد مع شعبه ثانية بنفس المادة

وفالك و فال الجميع التوفيق ان شاءالله

[إن شاء الله أتخرج بتفوق]

افاااااااااا

طلع الموضوع قدييييييييم حق السنة الماضية

الله لا يحرمنا الأجر .. فزعنا للرجال بشي ما يجمل
ههههههههه

[رسمي]

الحمد لله نموذجي أ

حلي تمام لكن صرت اتشآئم من الحل إذا كان تمام

لأن النتيجة صارت تجي بالعكس

اللي مايحل مضبوط يآخذ درجة عالية والعكس

إلا من سلم


وانتهت معاناة هذا المستوى الحافل بالمفاجآت (أغلبها كان سيء)

وتحياتي للجميع ..

[الهبر]

شباب بس لو تكتبون الي جاكم بالاختبار
الله يووفقكم وفالكم النجاح بدرجة عاليه

[TH87TH]

أولاً: الله يوفق اللي اخبروا اليوم ،،
ثانياً: اللي يذكر شيء من الأسئلة يكتبها لنا << تكفووون :)

طيب واللي ماحضر الاختبار وش وضعه يالنشامى

تختبرها الترم القادم (اختبار بديل) إن شاء الله ،،


تحياتي للجميع.