$$ ياشباب اختبارات الفصل الصيفي بالنهار ولا الليل ؟؟ $$

[شاطر شاطر]

السلام عليكم

اخواني الفصل الصيفي برمضان اختباراته تكون بالنهار ولا بالليل؟

والسؤال الثاني هل الموظفين بالجامعه مداومين هالفتره ولا لا لأني بروح اعبي اوراق متوقع تخرجه وياليت تفيدوني وش المطلوب صور شخصية ووش خلفيتها بيضاء ولا وش بالضبط ووين اعبيها؟

[abu-lean]

بالنهار وا بالليل

[عـ,,,ـل]

مو مطلوب منك صور لمن تعمل الاجراءات حق متوقع تخرجه

[ALKHALDISM]

الاختبارات تبدا من 10:30 صباحا الى 5 عصرا ومن 8:30 ليلا الى 2:30 صباحا على حسب المواد

[ضيدان]

الاختبارات بالنهار وبالليل

واجراءات التخرج

1- تقوم بتعبئة النموذج المرفق ( نموذج طلب تخرج ) واكتب اسمك باللغة الانجليزية نفس ما هو مكتوب بجواز السفر.
2- صورة واضحة ومكبرة من بطاقة الأحوال
3- صورة من جواز السفر ( لمطابقة اسمك باللغة الانجليزية بجواز السفر مع اسمك بنموذج طلب التخرج) والحكمة من هذه المطابقة اذا نويت بالمستقبل تكمل دراستك خارج المملكة ما يعترفون بشهادتك الجامعية اذا مو مطابقة لاسمك بوثيقة جواز السفر.

عموما

بعد تعبئة النموذج وتصوير بطاقة الاحوال وجواز السفر
تروح للشؤون التعليمية بكلية الاقتصاد والادارة (المبنى الصغير المقابل لمبنى كلية الاقتصاد والادارة)
تروح لموظفي الكاونتر وتطلب منهم طباعة سجلك الدراسي ( خطة دراسية ) لغرض تغيير الحالة الدراسية الى ( طالب متوقع تخرجه ) وبعد طباعة السجل .. تاخذ السجل مع الاوراق طبعا بعد ما تدبسها ويكون نموذج طلب التخرج أول ورقة. وتروح لمكتب مشرف الانتساب .. قريب جدا منهم وتسلمه السجل ... بعد كذا يتأكد من عدد الساعات المكتسبة ويوضح لك كل شئ وبعد ما يتأكد من انك فعلا متوقع تخرجك .. يكتب لك ( متوقع تخرجه ) وعدد الساعات المتبقية للتخرج .. ويحدد لك الحره والاختيارية والاساسية منها .. وبعد كذا يختم لك السجل .. ونموذج طلب التخرج .. !

بعد كذا تروح مبنى عمادة القبول والتسجيل ... الدور الاول .. مشرف الانتساب .. تسلمه الاوراق.. يقول لك بعد ما يتأكد من الاوراق خلال 48 ساعة راح تتغير الحالة الدراسية الى ( متوقع تخرجه ) .. !


وعلى فكره كل هذي العملية ما تستغرق ساعة بالكثير ..... والامور سهالات ان شاء الله


وبالتوفيق ان شاء الله

وعقبال ما تسأل عن كيف تستلم وثيقة التخرج

ودعواتك .. اخوك ... تأخر تخرجه! ( خريج مع وقف التنفيذ الى اشعار آخر )

[شاطر شاطر]

الله يجزاكم خير ويرحم والديكم خاصة اخوي ضيدان يالبى قلبك